JINGPYNPAW 18:7 - Khasi CL Bible (BSI)

⁷ To ai ha ka, katta ka jingshitom bad ka jingsngewsih kat ka burom bad ka jingpahuh kaba ka la ai ïa lade. Naba ka ïai-ong ïa lade: ‘Hangne nga shong, ka syiem! Ngam long ka riewkynthei, ngan ym tip ïa ka jingsngewsih!’

KA BAIBL

⁷ Katno katno ba ka la pyndonburom ïa lade, bad ka la im pahuh hai, katta keiñ ka jingkordit bad ka jingsngewsih to phin ai ha ka: naba ka ong ha la ka dohnud, ‘Nga shong ka syiem, bad ngam long ka riewkynthei, bad ngan ym da ïohi ïa ka jingsngewsih satia.’

JINGPYNPAW 18:7 ပူးပေါင်းရင်းမြစ်များ

ESTHER 6:10

Nangta u syiem u ong ha u Haman, “Pynkloi bad shim ïa ki jaiñphong bad ïa u kulai bad pyndonburom kumne ïa u Mordekai, u Jiw. Leh ïa u baroh kata kaba me la ai jingmut. Men shem ïa u ba u dang shong ha ka khyrdop jong ka ïingsyiem.”

SALM 10:6

U ong ha lade, “Ngan ym bakla da lei lei; da lei lei ngan ym poi ha ka jingjynjar.”

SALM 45:9

Napdeng ki theisotti jong ka ïingsyiem jong me ki long ki khun syiem, Bad ha ka liang kamon jong ka khet jong me, ka ïeng ka mahadei, Kaba deng ki jingdeng da ka ksiar banylla.

JEREMAÏAH 13:18

U Trai u la ong ha nga, “To ïathuh ïa u syiem bad ïa ka kmie jong u ban wan hiar na ki khet jong ki, namar ba ki pansngiat ba-itynnat jong ki, ki la hap noh na ki khlieh jong ki.

SNGEWSYNEI 1:1

Katno kaba kynjah long ka Jerusalem, kaba shisien ka long kaba dap da ki briew! Shisien la pyndonburom da ka pyrthei, mynta ka long kum ka riewkynthei; kaba donburom tam na ki nongbah ka la kyllon sha ka jinglongmraw.

ESEKIEL 23:34

Phan dih bad phan pynrngad tyrkhong ïa ka, bad da ki lyngkhot ba la pait jong ka phan tar ïa ka shadem jong pha. Ma nga, U Trai Nongsynshar, nga la kren.”

OBADAÏAH 1:3

Ka jingsarong jong pha ka la shukor ïa pha. Ka nongbah jong pha ka long ka kut mawsiang baskhem; ka ïing jong pha ka don ha kliar ki lumbah, bad kumta phi ong ha lade, ‘Uei uba lah ban pynhiar ïa nga sha tbian?’

SEPHANAÏAH 2:15

Kata ka long kaei ka ban jia ïa ka nongbah kaba sarong katta katta ïa la ka bor bad kaba pyrkhat ba ka don ha ka jingshngain. Ki briew jong ka ki pyrkhat ba ka nongbah jong ki ka long kaba khraw tam ha ka pyrthei. Katno kan long ka jaka kaba kynjah, ka jaka ha kaba ki mradkhlaw kin pynjahthait! Uwei uwei baroh uba ïaid lyngba jong ka un kynran dien ha ka jingsheptieng.

1 TIMOTHI 5:11

Hynrei to wat kynthup ïa ki riewkynthei kiba dang kham samla ha ka thup; namar haba ki jingkwah ka doh jong ki ban shongkurim, ki phai noh na U Khrist, bad kumta ki don ka jingpynrem ba ki la pynkheiñ ïa ka jingtehkular bad u kaba mynshuwa.

JINGPYNPAW 18:3

Naba ki jaitbynriew baroh ki la dih ïa ka waiñ jong ka — ka waiñ bakhor jong ka jingkwah brai awria jong ka. Ki syiem jong ka pyrthei ki la ïaleh awria bad ka, bad ki nongkhaïi jong ka pyrthei ki la kiew spah bha na ka jingkwah brai bym lah teh lakam jong ka.”

JINGPYNPAW 18:9

Ki syiem jong ka pyrthei kiba la ïashim bynta ha ka jingawria bad ka jingkwah brai jong ka kin lynñiar bad ïam na ka bynta ka nongbah haba ki ïohi ïa ka tdem na ki thylliej ding kiba bam duh ïa ka.