JINGPYNPAW 18:3 - Khasi CL Bible (BSI)

³ Naba ki jaitbynriew baroh ki la dih ïa ka waiñ jong ka — ka waiñ bakhor jong ka jingkwah brai awria jong ka. Ki syiem jong ka pyrthei ki la ïaleh awria bad ka, bad ki nongkhaïi jong ka pyrthei ki la kiew spah bha na ka jingkwah brai bym lah teh lakam jong ka.”

KA BAIBL

³ Naba da ka Waiñ ka jingkhih bitar ka jingklim sih jong ka, la pynkyllon ïa ki kynja bynriew baroh; bad kita ki syiem jong kata ka khyndew ki la ïaklim sih bad ka, bad ki nongkhaïi jong kata ka khyndew ki la ïaman riewbha da ka bor ka jingleh pahuh jong ka.”

JINGPYNPAW 18:3 ပူးပေါင်းရင်းမြစ်များ

ISAÏAH 47:15

Kata ka long baroh kaba kin leh ïa pha — kito ki nongbatai kupar kiba pha la twad jingmut baroh shi jingim jong pha. Baroh na ki kin ieh ïa pha bad kin leit ha la ki lynti, bad yn ym don uba sah u ban pyllait im ïa pha.”

JEREMAÏAH 51:34

U syiem ka Babilonia u la pynkut ïa ka Jerusalem bad bam ïa ka. U pynthylli ïa ka nongbah kum ïa u khra; kum u mrad kynsha u la nguid ïa ka. U la shim kat ïa kaba u kwah bad bret noh ïa kiba sah.

JEREMAÏAH 51:7

Ka Babilonia ka long kum ka khuri ksiar ha ka kti jong nga, ba pynlong ïa ka pyrthei baroh kawei ban buaid. Ki jaitbynriew ki dih ïa ka waiñ bad ki kylla khleh bieit.

SNGEWSYNEI 4:5

Ki briew kiba shisien ki la bam ïa ki jingbam kiba kynsai tam ki ïapthngan ha ki lynti bah; kito kiba la heh la san ha ka pahuh pahai ki kraid lyngba ka jakhlia na ka bynta ka jingbam.

NAHUM 3:4

Ïa ka Ninebeh, ka nuti la nang pynshitom. Kaba khring bad kaba dap da ki jingpynshohbieit kiba ma, ka la pynshohbieit ïa ki jaitbynriew bad ka la ringmraw ïa ki.

LOUKAS 7:25

Ïa kaei phi la leit ban peit? Hato ïa u briew uba phong ki jaiñ kiba itynnat? Ïa ki briew kiba riam kumta bad kiba shong ha ka jingdap kyrhai la shem ha ki ïingsyiem!

1 TIMOTHI 5:11

Hynrei to wat kynthup ïa ki riewkynthei kiba dang kham samla ha ka thup; namar haba ki jingkwah ka doh jong ki ban shongkurim, ki phai noh na U Khrist, bad kumta ki don ka jingpynrem ba ki la pynkheiñ ïa ka jingtehkular bad u kaba mynshuwa.

JINGPYNPAW 14:8

U angel uba ar u la bud ïa uba nyngkong, u da ong, “Ka la kyllon! Ka Babilon Bakhraw ka la kyllon! Ka la pynlong ïa ki briew baroh ban dih ïa ka waiñ jong ka — ka waiñ kaba khor jong ka jingkwah brai khlem akor!”

JINGPYNPAW 17:2

Ki syiem jong ka pyrthei ki la ïaleh awria bad ka, bad ki briew jong ka pyrthei ki la buaid na kaba dih ïa ka waiñ jong ka jingawria jong ka.”

JINGPYNPAW 18:19

Ki la kynting pui pui halor ki khlieh jong ki, ki la lynñiar bad ki la ïambriew, da kaba ong, “Katno kaba shyrkhei! Katno kaba itriem ïa ka nongbah kaba khraw! Ka long ka nongbah ha kaba baroh kiba don ki liengbah kiba ïaid ha ki duriaw ki la kylla riewspah ha ka spah jong ka! Bad ha ka shi kynta ka la duh lut ïa kiei kiei baroh!”

JINGPYNPAW 18:23

Ïa ka jingshai ka sharak yn ym ïohi shuh da lei lei ha pha; ïa ka sur u nongleitkurim bad ka nongleitkurim yn ym ïohsngew shuh ha pha! Ki nongkhaïi jong pha ki la long kiba donbor tam ha ka pyrthei baroh, bad da ka myntor balamler pha la shukor ïa ki briew baroh jong ka pyrthei!”

JINGPYNPAW 18:7

To ai ha ka, katta ka jingshitom bad ka jingsngewsih kat ka burom bad ka jingpahuh kaba ka la ai ïa lade. Naba ka ïai-ong ïa lade: ‘Hangne nga shong, ka syiem! Ngam long ka riewkynthei, ngan ym tip ïa ka jingsngewsih!’

JINGPYNPAW 18:9

Ki syiem jong ka pyrthei kiba la ïashim bynta ha ka jingawria bad ka jingkwah brai jong ka kin lynñiar bad ïam na ka bynta ka nongbah haba ki ïohi ïa ka tdem na ki thylliej ding kiba bam duh ïa ka.