JINGPYNPAW 18:23 - Khasi CL Bible (BSI)

²³ Ïa ka jingshai ka sharak yn ym ïohi shuh da lei lei ha pha; ïa ka sur u nongleitkurim bad ka nongleitkurim yn ym ïohsngew shuh ha pha! Ki nongkhaïi jong pha ki la long kiba donbor tam ha ka pyrthei baroh, bad da ka myntor balamler pha la shukor ïa ki briew baroh jong ka pyrthei!”

KA BAIBL

²³ bad ïa ka jingshai ka sharak da lei lei yn ym pynshai shuh ha pha; bad ïa ka jingsawa u nongleit-kurim bad ka nongleit-kurim da lei lei yn ym ïohsngew shuh ha pha; naba kita ki nongkhaïi jong pha ki la ju ïalong ki bakhraw batri jong ka khyndew; naba da kata kaba ai ksuid jong pha la shukor noh ïa ki kynja bynriew baroh.

JINGPYNPAW 18:23 ပူးပေါင်းရင်းမြစ်များ

2 SYIEM 9:22

“Hato me wan ha ka jingsuk?” u Joram u kylli ïa u. U Jehu u jubab, “Kumno kan don ka jingsuk haba ngi dang don baroh ki jingleh byrtong bad ki jingmane bleithaw kiba ka Jesebel ka kmie jong me ka la sdang?”

Ka Kitab U Job 21:17

Hato ïa ka jingshai jong u bymman la ju pynlip noh? Hato uno uno na ki u ju ïakynduh ïa ka jingjot? Hato U Blei u ju pynshitom ïa u bymman ha ka jingbitar

PROBERB 24:20

U riewsniew um don ïa ka lawei — ym don ei ei ba un peit sha khmat.

ISAÏAH 23:8

Uei uba la thmu ban wanrah ïa kane ha Tyros, kata ka nongbah u patsha, kiba ki khun syiem kiba khaïi pateng ki la long ki briew ïa kiba la ñiewburom eh ha ka pyrthei?

ISAÏAH 47:9

Hynrei ha ka shikhyllipmat, tang ha kawei ka sngi, kine baroh ar tylli kiei kiei ki wan jia. Wat hapdeng ki kam myntor baroh ba pha pyndonkam, phan duh noh ïa la u tnga bad ïa la ki khun.

JEREMAÏAH 16:9

Shahshkor ïa kaei kaba ma nga, U Trai Badonbor Baroh, U Blei jong ka Israel, nga don ban ong. Ngan pynsngap jar ïa ki jingsawa ka jingkmen bad ka jingshadkmen bad ki jingsawa bakmen jong ki jingkhawai shongkurim. Ki briew hangne kin im ban ïohi ba kane ka jia.

JEREMAÏAH 25:10

Ngan pynsngap jar ïa ki jingkyang ka jingkmen bad ïa ka jinglehkmen bad ïa ka sur ïaleh sngewbha ha ki jingkhawai shongkurim. Kin ym don umphniang ïa ki sharak jong ki, bad kin ym don shuh ïa u kew.

JEREMAÏAH 7:34

Ka ri kan kylla ri shyiap. Ha ki nongbah ka Judah bad ha ki lynti ka Jerusalem ngan pynkut ïa ka jingsawa ka jingkmen bad ka jingsngewkmen bad ïa ki jingsawa bakmen ki jingkhawai shongkurim.

NAHUM 3:4

Ïa ka Ninebeh, ka nuti la nang pynshitom. Kaba khring bad kaba dap da ki jingpynshohbieit kiba ma, ka la pynshohbieit ïa ki jaitbynriew bad ka la ringmraw ïa ki.

KI KAM 8:11

Ki la pynshahshkor kumne ïa u namar la kham slem u la pynlyngngoh ïa ki da ka jingleh myntor jong u.

JINGPYNPAW 12:9

Ïa u Ïakjakor uba heh la bret shabar — ïa uta u bseiñ na mynbarim, ïa uba la khot u Ksuid, lane u Soitan, uta uba la shukor ïa ka pyrthei baroh kawei. La bret arsut ïa u sha ka khyndew, bad ïa ki angel baroh jong u lem bad u.

JINGPYNPAW 17:2

Ki syiem jong ka pyrthei ki la ïaleh awria bad ka, bad ki briew jong ka pyrthei ki la buaid na kaba dih ïa ka waiñ jong ka jingawria jong ka.”

JINGPYNPAW 17:5

Ha ka shyllangmat jong ka, la thoh ïa ka kyrteng kaba don ka jingmut kaba rieh: “Ka Babilon Bakhraw, ka kmie jong ki nuti baroh bad kiba sakma baroh ha ka pyrthei.”

JINGPYNPAW 18:22

Ïa ka sur jingtem jong ki duitara bad ka sur jong ki nongrwai, jong ki nongput ïa ka tangmuri bad ïa ka turoi, yn ym ïohsngew shuh ha pha! Ïa uno uno u nongtrei ha kano kano ka kam yn ym shem shuh ha pha; bad ïa ka jingsawa jong u mawtylliat yn ym ïohsngew shuh!

JINGPYNPAW 18:3

Naba ki jaitbynriew baroh ki la dih ïa ka waiñ jong ka — ka waiñ bakhor jong ka jingkwah brai awria jong ka. Ki syiem jong ka pyrthei ki la ïaleh awria bad ka, bad ki nongkhaïi jong ka pyrthei ki la kiew spah bha na ka jingkwah brai bym lah teh lakam jong ka.”

JINGPYNPAW 18:9

Ki syiem jong ka pyrthei kiba la ïashim bynta ha ka jingawria bad ka jingkwah brai jong ka kin lynñiar bad ïam na ka bynta ka nongbah haba ki ïohi ïa ka tdem na ki thylliej ding kiba bam duh ïa ka.

JINGPYNPAW 21:8

Hynrei ki khawpud, ki nongshetkylla, ki riewkhyllah, ki nongpynïap briew, kiba leh awria, kito kiba leh byrtong, kito kiba mane bleithaw, bad kiba lamler baroh — ka jaka na ka bynta jong ki ka long ka pung kaba klang da ka ding bad u kyndok, kaba long ka jingïap kaba ar.”

JINGPYNPAW 22:15

Hynrei shabar ka nongbah ki don ki riewkhyllah bad kito kiba leh byrtong, kiba awria bad ki nongpynïap briew, kito kiba mane ïa ki bleithaw bad kito kiba lamler ha ki ktien bad ki kam.

JINGPYNPAW 22:5

Yn ym don shuh kano kano ka miet, bad kin ym donkam ïa ki sharak lane ïa ka jingshai ka sngi, namar U Trai uba U Blei un long ka jingshai jong ki bad kin synshar kum ki syiem junom la junom.

JINGPYNPAW 6:15

Te ki syiem jong ka pyrthei, ki nongsynshar bad ki rangbah shipai, kiba riewspah bad kiba donbor, bad kiwei pat ki briew baroh, ki mraw ne kiba laitluid, ki la buhrieh ïa lade ha ki krem bad ha ki synrang maw ba-don ha ki lum.

JINGPYNPAW 9:21

Lymne kim shym la kylla-kaba-mut na ki jingpynïap briew jong ki, ki kam myntor jong ki, ki kam awria bajakhlia, ne ka kam tuh jong ki.