JINGPYNPAW 18:22 - Khasi CL Bible (BSI)

²² Ïa ka sur jingtem jong ki duitara bad ka sur jong ki nongrwai, jong ki nongput ïa ka tangmuri bad ïa ka turoi, yn ym ïohsngew shuh ha pha! Ïa uno uno u nongtrei ha kano kano ka kam yn ym shem shuh ha pha; bad ïa ka jingsawa jong u mawtylliat yn ym ïohsngew shuh!

KA BAIBL

²² Te ïa ka jingsawa jong ki nongtem duitara, bad jong ki nongrwai, bad jong ki duhalia, bad jong ki nongput turoi, da lei lei yn ym ïohsngew shuh ha pha; bad ïa u nongkam stad baroh, la kano kano ka jingkam stad, da lei lei yn ym shem shuh ha pha; bad ïa ka jingsawa u mawtylliat, da lei lei yn ym ïohsngew shuh ha pha;

JINGPYNPAW 18:22 ပူးပေါင်းရင်းမြစ်များ

Ka Kitab U Job 3:7

Pynlong ïa ka kaba khlem seisoh, ka miet khlem ka jingkmen.

EKLESIASTIS 12:4

Ki shkor jong phi kin ym ïohsngew ïa ka jingsawa ha ki lynti. Da kaba shitom phin lah ban ïohsngew ïa ka jingtylliat haba ka tylliat, bad ïa ka sur jingtem haba ka sawa, hynrei wat ka jingpah jong ka sim kan kyrsiew ïa phi na ka jingïohthiah.

ISAÏAH 23:12

Ko ka nongbah Sidon, ka jingkmen jong pha ka la kut, bad ki briew jong pha ki shah banbeiñ. Wat la kin lait phet sha Sypros, pynban kin ym pat lait na ka jingma.

JEREMAÏAH 16:9

Shahshkor ïa kaei kaba ma nga, U Trai Badonbor Baroh, U Blei jong ka Israel, nga don ban ong. Ngan pynsngap jar ïa ki jingsawa ka jingkmen bad ka jingshadkmen bad ki jingsawa bakmen jong ki jingkhawai shongkurim. Ki briew hangne kin im ban ïohi ba kane ka jia.

JEREMAÏAH 25:10

Ngan pynsngap jar ïa ki jingkyang ka jingkmen bad ïa ka jinglehkmen bad ïa ka sur ïaleh sngewbha ha ki jingkhawai shongkurim. Kin ym don umphniang ïa ki sharak jong ki, bad kin ym don shuh ïa u kew.

JEREMAÏAH 33:11

Hynrei ha kine ki jaka phin ïohsngew biang ïa ki jingpyrta jong ka jingkmen bad ka jinglehkmen bad ki jingsawa bakmen jong ki jingïabam khawai shongkurim. Phin ïohsngew ba ki briew ki ïarwai katba ki wallam ïa ki jingainguh thang sha ka Templ jong nga; kin ïa-ong, “ ‘To ainguh ïa U Trai Badonbor Baroh, namar u long uba bha bad ka jingieit jong u ka neh bymjukut.’ Ngan pynlong ïa kane ka ri kaba roi kyrhai kumba mynshuwa. Ma nga, U Trai, nga la kren.”

JEREMAÏAH 7:34

Ka ri kan kylla ri shyiap. Ha ki nongbah ka Judah bad ha ki lynti ka Jerusalem ngan pynkut ïa ka jingsawa ka jingkmen bad ka jingsngewkmen bad ïa ki jingsawa bakmen ki jingkhawai shongkurim.

ESEKIEL 26:13

Ngan pynkut noh ïa ki jingrwai jong pha baroh, bad ngan pynsngap jar ïa ki sur tem na ki duitara jong pha.

MATHAÏOS 9:23

Nangta U Jisu u la leit shapoh ka ïing jong u rangbah synshar. Haba u la ïohi ïa ki nongput nongtem na ka bynta ka jingontep bad ba ki briew baroh ki la khihwin,