JINGPYNPAW 18:20 - Khasi CL Bible (BSI)

²⁰ To shadkmen, ko ka bneng, namar ka jingpynjot ïa ka! to shadkmen, ko ki briew jong U Blei bad ki apostol bad ki nongïathuhlypa! Naba U Blei u la pynrem ïa ka na ka bynta kaei kaba ka la leh ïa phi!

KA BAIBL

²⁰ To phan leh kmen halor jong ka, ko ka bneng, bad phi ki riewkhuid, bad phi ki apostol, bad ki nongïathuhlypa; naba U Blei u la bishar ïa ka jingtian bishar jong phi halor jong ka.”

JINGPYNPAW 18:20 ပူးပေါင်းရင်းမြစ်များ

SALM 107:42

Kiba hok ki ïohi ïa kane bad ki kmen, hynrei ïa baroh kiba bymman la pynsngap jar.

SALM 109:28

Ki lah ban tim ïa nga, hynrei men kyrkhu ïa nga. Ai ba ki nongpynshitom beiñ jong nga kin shahjop, bad to ai ba ma nga, u shakri jong me, ngan kmen.

SALM 18:47

U ai ha nga ka jingjop halor ki nongshun jong nga; u pyndem ïa ki jaitbynriew hapoh jong nga,

SALM 48:11

ai ba ki briew ka Seïon kin kmen! Me ai ki jingbishar ki bym bakla; ai ban don ka jingkmen ha ki nongbah ka Judah!

SALM 58:10

Kiba hok kin shadkmen haba ki ïohi ba pynshitom ïa ki nongpop; kin ïaid lyngba ka snam jong ki bymman.

SALM 94:1

A Trai, me long U Blei uba pynshitom; to pynpaw ïa ka jingbitar jong me!

PROBERB 11:10

Ka nongbah ka kmen haba ki briew kiba hok ki manbha, bad ka don ki jingrisa sngewbha haba u bymman u ïap.

ISAÏAH 26:21

U Trai u wan na ka jaka shong jong u na bneng ban pynshitom ïa ki briew jong ka pyrthei namar ki pop jong ki. Ki jingpynïap briew ha ka pyrthei ïa kiba la leh ha kaba rieh, yn pynpaw, bad ka khyndew kan ym lah shuh ban buhrieh ïa kito ïa kiba la pynïap.

ISAÏAH 44:23

To risa da ka jingkmen, phi ki bneng! To risa, ko ki jaka bajylliew jong ka pyrthei! To risa da ka jingkmen, ko ki lumbah, bad man la u dieng jong ka khlaw! U Trai u la pyn-i ïa ka jingkhraw jong u da kaba u pynim ïa ki briew jong u ki Israel.

ISAÏAH 49:13

To rwai, ko ki bneng! Pyrta da ka jingkmen, ko ka pyrthei! To ai ba ki lumbah kin win ha ka jingrwai! U Trai un pyntngen ïa la ki briew; un don jingisynei ha ki briew jong u kiba jynjar.

SEPHANAÏAH 3:15

U Trai u la pynkut ïa ka jingpynshitom ïa phi; u la weng noh ïa ki nongshun jong phi baroh. U Trai, u syiem ka Israel, u long bad phi; ym don daw mynta ban sheptieng.

EPHESOS 2:20

Ïa phi ruh, la tei ha ka nongrim ba la buh da ki apostol bad ki nongïathuhlypa, u mawdong uba long U Khrist Jisu hi.

EPHESOS 3:5

Ha ki por ba-mynshuwa ïa u khunbynriew ym shym la ïathuh ïa kane ka jingmaïan, hynrei, U Blei u la pynpaw ïa ka mynta da U Mynsiem ha ki apostol bad ki nongïathuhlypa bakhuid jong u.

EPHESOS 4:11

U la long ma u, uba “la ai ki jingai sngewbha ha u bynriew;” u la thung katto katne ngut ban long ki apostol; ïa kiwei, ki nongïathuhlypa; ïa kiwei, ki nongïalap; ïa kiwei pat, ki nongsharai balang bad ki nonghikai.

DEUTERONOMI 32:42

Ki khnam jong nga kin jreiñ da ka snam jong ki, bad ka waitlam jong nga kan pynïap lut ïa kiba pyrshah ïa nga. Ïa uno uno uba ïaleh pyrshah ïa nga ngan ym map; wat ki koidi bad kito kiba mynsaw ruh kin ïap.’

2 PETROS 3:2

Nga kwah ïa phi ban kynmaw ïa ki ktien ïa kiba la kren lah slem bah da ki nongïathuhlypa bakhuid, bad ïa ka hukum na U Trai bad U Nongpynim ïa kaba la ai ha phi da ki apostol.

JUDAH 1:17

Hynrei to kynmaw, ko ki paralok jong nga, ïa kaei ba la ïathuh ha phi mynshuwa da ki apostol jong U Jisu Khrist uba U Trai jong ngi.

JINGPYNPAW 12:12

Bad kumta to shadkmen, phi ki bneng, bad phi baroh kiba shong basah hangta! Hynrei katno ka long kaba kordit ïa kata ka khyndew bad ïa ka duriaw! Naba u Ksuid u la wan hiar ha phi, bad ïa u la pyndap da ka jingbitar shla, namar ba u tip ba u don sa tang khyndiat ka por.”

JINGPYNPAW 18:6

Leh ïa ka thik kumba ka la leh ïa phi; siew kylliang ar shah ïa ka na ka bynta baroh kaba ka la leh. Pyndap ïa ka khuri jong ka da ka jingdih kaba ar shah ka jingkhor kum ka jingdih kaba ka la pynkhreh na ka bynta jong phi.

JINGPYNPAW 6:10

Ki la pyrta da ka sur kaba jam, “Ko Trai Badonbor Baroh, u bakhuid bad uba shisha! Sa katno kan long haduh ba men da bishar ïa ki briew ha ka pyrthei bad pynshitom ïa ki namar ba ki pynïap ïa ngi?”

NONGBISHAR 5:31

Ai ba ki nongshun jong me baroh kin ïap kumta, A Trai hynrei ai ba ki paralok jong me kin tyngshaiñ kum ka sngi kaba mih! Bad la don ka jingsuk ha ka ri haduh sawphew snem.