JINGPYNPAW 18:2 - Khasi CL Bible (BSI)

² U la pyrta ha ka sur kaba jam: “Ka la kyllon! Ka Babilon Bakhraw ka la kyllon! Mynta ka la long ka jaka shong ki ksuid bad ki mynsiem bymkhuid; baroh ki jait sim kiba jakhlia bad kiba isaitmet ki shong ha ka.

KA BAIBL

² Bad u la pyrta da ka ktien bajam, u da ong, “La kyllon, la kyllon ka Babilon kaba khraw, te ka la jia long ka jaka shong ki ksuid bad ka jaka ri ka mynsiem bymkhuid baroh, bad ka jaka ri ka sim bymkhuid bad ba-isaitmet baroh.

JINGPYNPAW 18:2 ပူးပေါင်းရင်းမြစ်များ

ISAÏAH 14:23

Ngan pynkylla ïa ka Babilon sha ka ahor ktieh, bad ki dkhoh kin shong hangta. Ngan sar ïa ka Babilon da u synsar u ban sar lut khoit ïa kaei kaei baroh. Nga, U Trai Badonbor Baroh, nga la kren.”

JEREMAÏAH 25:30

“Ma me, ko Jeremaïah, me dei ban pynbna ïa baroh kaba nga la ong. Me dei ban ïathuh ha kine ki briew, “ ‘U Trai un kyrhuh na bneng, bad un kyrhuh pyrthat na ki bynta bajrong ka bneng; un sa kyrhuh pyrshah ïa la ki briew; un kyang kum u briew uba ïuh ïa ki sohwaiñ. Uwei pa uwei ha ka pyrthei un ïohsngew ïa u, bad ka jingsawa kan sawa shaduh kiba kut ka pyrthei.

JEREMAÏAH 51:37

Kata ka ri kan long kum ka kynton ñiut ha kaba ki mradkhlaw ki im. Kan long kaba shyrkhei ban peit; yn ym don mano mano ban sah hangta, bad baroh kiba ïohi ïa ka kin sngewshyrkhei.

JEREMAÏAH 51:8

Ka Babilonia kynsan kynsan ka kyllon bad la pynjot noh! To ïam namar jong ka! Pynïoh dawai na ka bynta ki jingmong jong ka, bad lehse yn lah ban pynkhiah.

JOEL 3:16

U Trai u kyrhuh na u lum Seïon; ka sur jong u ka byrthen na Jerusalem; ka khyndew bad ka suiñbneng ki khynñiuh. Hynrei un ïada ïa la ki briew.

SEPHANAÏAH 2:14

Kan long ka jaka ha kaba ki kynhun jingri, ki masi, bad ki mrad ba bun jait kin dem. Ki dkhoh kin shong ha ki jingjot jong ka bad kin pah na ki jingkhangïit. Ki tyngab kin pah ha ki khmat jingkhang. Ïa ki dieng Kedar jong ki jingtei jong ka yn sloit noh.

JINGPYNPAW 1:15

ki kjat jong u ki phyrnai kum ka rnong ba la phrang bad ba la pynphyrnai, bad ka sur jong u ka sawa kum ka kshaid bakyrhuh.

JINGPYNPAW 10:3

bad u la pyrta da ka sur kaba jam kaba sawa kum ka jingkyrhuh ki sing. Hadien ba u la pyrta jam, ki hynñiew tylli ki pyrthat ki la jubab da ka jingkyrhuh.

JINGPYNPAW 11:8

Un jop ïa ki bad un pynïap ïa ki, bad ki metïap jong ki kin shu sah ha ka surok bah jong kata ka nongbah bakhraw, ha kaba ïa U Trai jong ki la sahnarphna. Ka kyrteng pharshi jong kata ka nongbah ka long ka Sodom, lane ka Ijipt.

JINGPYNPAW 14:15

Nangta uwei pat u angel u la wan mihnoh na ka Templ bad u la pyrta da ka sur kaba jam sha uta uba shong halor u lyoh, “To pyndonkam ïa la ka rashi bad to ot ïa ka jingot, namar ka por ka la poi; ka pyrthei ka la ih na ka bynta ka jingot!”

JINGPYNPAW 14:8

U angel uba ar u la bud ïa uba nyngkong, u da ong, “Ka la kyllon! Ka Babilon Bakhraw ka la kyllon! Ka la pynlong ïa ki briew baroh ban dih ïa ka waiñ jong ka — ka waiñ kaba khor jong ka jingkwah brai khlem akor!”

JINGPYNPAW 16:13

Nangta nga la ïohi lai tylli ki mynsiem bymkhuid kiba i kum ki jakoid. Ki la ïamih na ka shyntur jong u Ïakjakor, na ka shyntur jong u mradkhlaw, bad na ka shyntur jong u nongïathuhlypa balamler.

JINGPYNPAW 16:19

Ïa ka nongbah kaba khraw la kad ha ki lai bynta, bad ïa ki nongbah jong ki ri baroh la pynjot. U Blei u la kynmaw ïa ka Babilon bakhraw bad u la pynlong ïa ka ban dih ïa ka waiñ na ka khuri jong u — ka waiñ jong ka jingbitar shla jong u.

JINGPYNPAW 17:18

“Ka briew kaba me la ïohi ka long ka nongbah bakhraw kaba synshar halor ki syiem jong ka pyrthei.”

JINGPYNPAW 17:5

Ha ka shyllangmat jong ka, la thoh ïa ka kyrteng kaba don ka jingmut kaba rieh: “Ka Babilon Bakhraw, ka kmie jong ki nuti baroh bad kiba sakma baroh ha ka pyrthei.”

JINGPYNPAW 18:10

Kin ïeng jngai bah na ka, namar ba ki sheptieng ban ïoh bynta ha ki jingshitom jong ka. Ki ong, “Katno kaba ishyrkhei! Katno kaba itriem! Kane ka nongbah Babilon kaba khraw bad kaba khlaiñbor! Tang hapoh shi kynta pha la shah pynshitom!”

JINGPYNPAW 18:21

Nangta u angel bakhlaiñbor u la shim ïa u maw uba heh la kat u mawtylliat baheh bad u la kawang ïa u sha ka duriaw, da kaba ong, “Kane ka long kumno ïa ka nongbah Babilon bakhraw yn pynkhyllem ha ka borbah bad yn ym ïohi shuh ïa ka da lei lei.

JINGPYNPAW 5:2

Bad nga la ïohi ïa u angel uba khlaiñ, uba pynbna ha ka sur kaba jam, “Mano uba dei hok ban pynpait ïa ki jingpyndait bad ban plied ïa ka kot kli?”