JINGPYNPAW 18:19 - Khasi CL Bible (BSI)

¹⁹ Ki la kynting pui pui halor ki khlieh jong ki, ki la lynñiar bad ki la ïambriew, da kaba ong, “Katno kaba shyrkhei! Katno kaba itriem ïa ka nongbah kaba khraw! Ka long ka nongbah ha kaba baroh kiba don ki liengbah kiba ïaid ha ki duriaw ki la kylla riewspah ha ka spah jong ka! Bad ha ka shi kynta ka la duh lut ïa kiei kiei baroh!”

KA BAIBL

¹⁹ Bad ki la ïakynting ïa ka 'dewmet halor ki khlieh jong ki, bad ki la ïakyang da kaba ïam bad basngewsih, ki da ïa-ong, “Kordit, kordit, kata ka nongbah kaba khraw, ha kaba la pynriewspah ïa kita baroh kiba don ki lieng ha kata ka duriaw, na jong kata ka jingkordor jong ka! naba ha kaba shi por la pynduh noh khoit ïa ka.

JINGPYNPAW 18:19 ပူးပေါင်းရင်းမြစ်များ

2 SAMUEL 13:19

Ka la ber dpei ha la ka khlieh, ka la kad ïa la ka sopti jynsur, bad da kaba buhrieh ïa la ka durkhmat da kaba tap da ki kti ka la leit noh da kaba ïam.

NEHEMAÏAH 9:1

Ha ka sngi kaba arphew saw jong ujuh u bnai, ki Israel ki ïalumlang ban shahjingit ban pynpaw ka jingsngewsih na ka bynta ki pop jong ki. Ki la lah pynïakhlad ïa lade na ki nongwei baroh. Ki phong ki jaiñ khain bad sleh pui pui ha ki khlieh jong ki kum ka dak jong ka jingsngewsih. Nangta ki ïeng bad sdang ban phla ïa ki pop kiba ma ki bad ki kpa tymmen jong ki, ki la leh.

Ka Kitab U Job 2:12

Katba ki dang don kham sha jngai ki la ïohi ïa u Job, hynrei kim shym ithuh ba dei ma u. Haba ki la ithuh, ki la sdang ban ïam bad lynñiar kthang, ki kad ïa la ki jaiñphong ha ka jingsngewsih bad ki kynting pui pui sha suiñ bad ha la ki khlieh.

ISAÏAH 13:19

Ka Babilonia ka dei ka hima kaba itynnat tam na baroh, ka dei ka jingsngew sarong jong ki briew jong ka. Hynrei ma nga, U Trai, ngan pynkhyllem ïa ka Babilon kumba nga la leh ïa ka Sodom bad ka Gomorrah!

SNGEWSYNEI 2:10

Ki tymmen shynrang jong ka Jerusalem ki shong ha khyndew ha ka jingjar jar, da u pui pui halor ki khlieh jong ki bad ka jaiñ khain ha ki met jong ki. Ki samla kynthei ki pyndem ngon ïa ki khlieh jong ki ha khyndew.

ESEKIEL 27:30

Baroh ki ïam pangnud na ka bynta jong pha, ki da sleh pui pui ha ki khlieh jong ki bad tyllun ha u dpei.

JOSHUA 7:6

U Joshua bad ki nongïalam jong ki Israel ki la kad ïa la ki jaiñ da ka jingsngewdiaw, bad ki dem khrup ha khyndew ha khmat ka Synduk ka Jutang U Trai bad dem hangta haduh janmiet lem bad u pui pui halor ki khlieh jong ki ban pyn-i ïa ka jingsngewsih jong ki.

JINGPYNPAW 17:16

Ki shiphew tylli ki reng kiba me la ïohi, bad u mradkhlaw, kin isih ïa ka nuti; kin sa knieh noh ïa kaei kaei baroh kaba ka don bad kin iehnoh lyngkhuit ïa ka; kin bam ïa ka doh jong ka bad kin pynjot ïa ka da ka ding.

JINGPYNPAW 18:10

Kin ïeng jngai bah na ka, namar ba ki sheptieng ban ïoh bynta ha ki jingshitom jong ka. Ki ong, “Katno kaba ishyrkhei! Katno kaba itriem! Kane ka nongbah Babilon kaba khraw bad kaba khlaiñbor! Tang hapoh shi kynta pha la shah pynshitom!”

JINGPYNPAW 18:3

Naba ki jaitbynriew baroh ki la dih ïa ka waiñ jong ka — ka waiñ bakhor jong ka jingkwah brai awria jong ka. Ki syiem jong ka pyrthei ki la ïaleh awria bad ka, bad ki nongkhaïi jong ka pyrthei ki la kiew spah bha na ka jingkwah brai bym lah teh lakam jong ka.”

JINGPYNPAW 18:8

Namar kane, ha ka shi sngi yn sa shoh ïa ka da ki khlam — ka jingpang, ka jingsngewsih bad ka 'nemsniew. Bad yn thang ïa ka da ka ding, namar ba U Trai uba U Blei, uba bishar ïa ka, u long uba khlaiñbor.”

1 SAMUEL 4:12

Uwei u rangbah uba na ka jait Benjamin u la mareh na ka madan thma shaduh Shiloh bad u la poi hangta ha kajuh ka sngi. Ban pynpaw ïa la ka jingsngewsih u da kad ïa la ki jaiñ, bad u sleh ïa la ka khlieh da ka khyndew.