JINGPYNPAW 18:13 - Khasi CL Bible (BSI)

¹³ bad ïa ka siasia, ki musla, ïa ka jingiwbih, ka mirr, bad ka jingiwbih remdor; ïa ka waiñ bad ka umphniang Olib, ïa u 'purew bad u kew, ïa ki jingri bad ki langbrot, ïa ki kulai bad ki kali kulai, ïa ki mraw bad wat ïa ki mynsiem briew ruh.

KA BAIBL

¹³ bad ka sisia, bad ki musla, bad kiba thang iwbih, bad ka jingsleh, bad ka jingiwbih, bad ka Waiñ, bad ka umphniang Olib, bad u 'purew bani, bad u Kew, bad ki masi, bad ki langbrot, bad ki kulai, bad ki kali, bad ki mraw, bad ki mynsiem ki briew.

JINGPYNPAW 18:13 ပူးပေါင်းရင်းမြစ်များ

1 SYIEM 10:10

Ka la ai sngewbha ïa u syiem Solomon da ki jingai kiba ka la wanrah palat saw hajar kilo ka ksiar bad shikatdei eh ki jingiwbih bad ki mawlynnai. Kat kita ki jingiwbih ba ka ai ïa u ka long kaba bun tam ba um pat ju ïoh ha kano kano ka por.

1 SYIEM 10:15

nalor ki khajna ba la siew da ki nongkhaïi, ki jingïohnong na ka khaïi ka pateng, ka bai nguh syiem na ki syiem Arabia, bad na ki lat jong ki distrik ha Israel.

1 SYIEM 10:25

Uwei pa uwei u briew uba wan u wallam ïa u ka jingai sngewbha — ki tiar kiba da ka rupa bad ka ksiar, ki barandi, ki tiar ïapom, ki jingiwbih, ki kulai, bad ki khashor. Kane ka ïailong kumta man ka snem.

1 KHRONIKL 5:21

Ki la ïohkem na ki nongshun sanphew hajar tylli ki ut, ar lakh sanphew hajar tylli ki langbrot, bad ar hajar tylli ki kada, bad ki la shim shi lakh ngut ki koidi thma.

2 KHRONIKL 9:9

Ka ai sngewbha ïa u syiem Solomon ki jingai kiba ka la wanrah: palat saw hajar kilo ka ksiar bad shikatdei eh ki musla bad ki mawkordor. Ym pat ju don musla kiba bha kum kita kiba ka syiem jong ka Sheba ka la ai ha u syiem Solomon.

NEHEMAÏAH 5:8

“Katba ngi lah, ngi la ïathied pat ïa ki para Jiw ïa kiba la die sha ki nongwei. Mynta phi pynlong ïa la ki para ki hynmen jong phi ban die ïa lade ha phi, ki para Jiw jong ki!” Ki nongïalam ki la sngap jar bad kim don ei ei ban ong.

EKSODOS 21:16

“Uta uba rong tuh ïa u briew da kaba mut ban die mraw ne ban ri mraw ïa u, u dei ban shah pynïap.

PROBERB 7:17

Nga la synreit ha ka ïa ka jingiwbih kaba da ka mirr, ka alos, bad ka siasia.

JINGRWAI SOLOMON 1:3

Ka don ka jingiw kaba iwbih shaphang jong phi; ka jingsawa ka kyrteng jong phi ka pynkynmaw ïa kata. Ym don kano kano ka briew ka bym lah khlem da ieit ïa phi.

JINGRWAI SOLOMON 3:6

Kaei kane kaba wan na ri shyiap kum u rishot tdem, kaba iw da ka jingiwbih bad ka mirr, ka jingiwbih ba la die da ki nongkhaïi?

JINGRWAI SOLOMON 5:5

Nga la kloi ban shah ïa u ban wan shapoh. Ki kti jong nga ki la tap da ka mirr, ki shympriah kti jong nga da ka um mirr, katba nga bat u jingbat jong ka jingkhang.

ISAÏAH 50:1

U Trai u ong, “Phi tharai ba nga la phah noh ïa la ki briew kum u briew uba pyllait noh ïa la ka tnga? Hangno te, ki don ki kot pyllait tnga? Phi tharai nga la die ïa phi sha ka jingshahtehmraw kum u briew uba die ïa la ki khun kum ki mraw? Em, phi la leit shahtehmraw noh namar ki pop jong phi; la phah noh ïa phi namar ki kam bymman jong phi.

ESEKIEL 27:13

Pha ïakhaïi pateng ha Gris, Tubal, bad ha Meshekh bad ïakylliang ïa ki mar na ka bynta ki mraw bad na ka bynta ki tiar rnong.

AMOS 2:6

U Trai u ong, “Ki paid Israel ki la ïai leh pop, bad na ka bynta kane ngan pynshitom da shisha ïa ki. Ki die sha ka jinglongmraw ïa ki briew kiba hok ki bym lah siew pat ïa ki ram jong ki, ki briew kiba duk ki bym lah siew pat wat ïa ka dor shi jur ki juti.

AMOS 6:6

Phi dih waiñ na ki khuri ba-dap, bad phi pyndonkam da ki jingsleh kiba kynsai tam, hynrei phim shym ïam sngewsih halor ka jingshah pynjot ki Israel.

AMOS 8:6

Ngi lah ban die ïa u kew u bymdondor ha ka dor kaba heh. Ngin shem ïa u briew uba duk u bym lah siew ïa ki ram jong u, wat ym ïa ka dor jong shi jur ki juti, bad ngin thied ïa u kum u mraw.”

DEUTERONOMI 24:7

“Uno uno uba rong jubor ïa la u para Israel bad u pynlong mraw lane die mraw ïa u, u dei ban shah pynïap. Da kumta phin pynduh noh ïa kane ka jingbymman napdeng jong phi.

DEUTERONOMI 28:68

U Trai un phah biang ïa phi da ka lieng sha Ijipt, wat la nga la ong ba phim dei ban leit shuh shata lano lano; bad hangta phin sa tyrwa die mraw ïa lade ha ki nongshun jong phi, hynrei yn ym don ba thied ïa phi.”

2 PETROS 2:3

Ha ka jinglalot jong ki, kine ki nonghikai balamler kin kamai da kaba ïathuh ïa phi ïa ki jingïathuhkhana ba shu thaw. La kham slem mynta U Nongbishar jong ki u la long uba la kloi, bad u Nongpynjot jong ki u la long u bym ju ïohthiah!

JINGPYNPAW 18:14

Ki nongkhaïi ki ong ha ka, “Baroh kiei kiei kiba bha kiba pha la angnud ban ïoh ki la jah noh, bad baroh ka spah jong pha bad ka rong phong jong pha ki la leit noh, phan ym shem shuh ïa ki!”

JINGPYNPAW 18:15

Ki nongkhaïi, kiba la kylla riewspah na kaba ïakhaïi ha kata ka nongbah, kin ïeng sha jngai bah, namar ki sngewsheptieng ban ïoh bynta lem na ki jingshitom jong ka. Kin lynñiar bad ïambriew, bad ong,