JINGPYNPAW 18:10 - Khasi CL Bible (BSI)

¹⁰ Kin ïeng jngai bah na ka, namar ba ki sheptieng ban ïoh bynta ha ki jingshitom jong ka. Ki ong, “Katno kaba ishyrkhei! Katno kaba itriem! Kane ka nongbah Babilon kaba khraw bad kaba khlaiñbor! Tang hapoh shi kynta pha la shah pynshitom!”

KA BAIBL

¹⁰ haba ki ïeng na sha jngai namar kata ka jingsheptieng ïa ka jingkordit jong ka, ki da ïa-ong, “Kordit, kordit, kata ka nongbah ka bakhraw, ka Babilon, kata ka nongbah kaba don bor! naba ha kaba shi por ka la poi kata ka jingshitom jong pha.”

JINGPYNPAW 18:10 ပူးပေါင်းရင်းမြစ်များ

ISAÏAH 21:9

Kynsan, hangne ki wan! Ki rangbah halor jong ki kulai, shi jur shi jur. U nongap phira u ai ka khubor, “Ka Babilon ka la kyllon! Baroh ki bleithaw kiba ki la mane ki la kyllon ha ka jingpait jingpra ha madan.”

ISAÏAH 47:9

Hynrei ha ka shikhyllipmat, tang ha kawei ka sngi, kine baroh ar tylli kiei kiei ki wan jia. Wat hapdeng ki kam myntor baroh ba pha pyndonkam, phan duh noh ïa la u tnga bad ïa la ki khun.

JEREMAÏAH 30:7

Ka sngi kaba shyrkhei ka wan; ym don kano kano kawei pat ka sngi kaba lah ban nujor bad ka — ka por ka jingnoh mynsiem na ka bynta ki briew jong nga, hynrei kin lait im.”

ESEKIEL 32:9

“Shibun ki jaitbynriew kin shah pynshitom haba ngan pynphriang ïa ka khubor jingpynjot ïa me lyngba ki ri kiba mem pat ju ïohsngew.

JOEL 1:15

Ka Sngi jong U Trai ka la jan; ka sngi ha kaba U Badonbor Baroh u wallam ka jingpynjot. Kaba haduh katno ka jingshyrkhei kata ka sngi kan wallam!

AMOS 5:16

Bad kumta U Trai Nongsynshar Badonbor Baroh, u ong, “Kan don ka jinglynñiar bad ki jingïam sngewsih ha ki lynti bah jong ka nongbah. Wat ïa ki nongrep yn khot ban ïam na ka bynta kiba ïap lem bad kito ïa kiba lah da siew ban ïambriew.

JINGKHEIÑ 16:34

Baroh ki Israel kiba don hangta ki la phet ïap haba ki ïohsngew ïa ka jinglynñiar jong ki. Ki la ïa-pyrta, “Phet, Ka khyndew ka lah ban nguid ïa ngi ruh!”

JINGPYNPAW 11:8

Un jop ïa ki bad un pynïap ïa ki, bad ki metïap jong ki kin shu sah ha ka surok bah jong kata ka nongbah bakhraw, ha kaba ïa U Trai jong ki la sahnarphna. Ka kyrteng pharshi jong kata ka nongbah ka long ka Sodom, lane ka Ijipt.

JINGPYNPAW 14:8

U angel uba ar u la bud ïa uba nyngkong, u da ong, “Ka la kyllon! Ka Babilon Bakhraw ka la kyllon! Ka la pynlong ïa ki briew baroh ban dih ïa ka waiñ jong ka — ka waiñ kaba khor jong ka jingkwah brai khlem akor!”

JINGPYNPAW 16:19

Ïa ka nongbah kaba khraw la kad ha ki lai bynta, bad ïa ki nongbah jong ki ri baroh la pynjot. U Blei u la kynmaw ïa ka Babilon bakhraw bad u la pynlong ïa ka ban dih ïa ka waiñ na ka khuri jong u — ka waiñ jong ka jingbitar shla jong u.

JINGPYNPAW 17:12

“Ki shiphew tylli ki reng kiba me la ïohi ki long ki shiphew ngut ki syiem ki bym pat shym la sdang ban synshar, hynrei ki ban sa ïoh ka iktiar ban synshar kum ki syiem tang shi kynta bad u mradkhlaw.

JINGPYNPAW 18:18

bad ki la lynñiar jam haba ki la ïohi ïa ka tdem na ki thylliej dieng kiba la bam duh ïa ka: “Ym pat ju don kawei pat ka nongbah kum kane ka nongbah kaba khraw!”

JINGPYNPAW 18:19

Ki la kynting pui pui halor ki khlieh jong ki, ki la lynñiar bad ki la ïambriew, da kaba ong, “Katno kaba shyrkhei! Katno kaba itriem ïa ka nongbah kaba khraw! Ka long ka nongbah ha kaba baroh kiba don ki liengbah kiba ïaid ha ki duriaw ki la kylla riewspah ha ka spah jong ka! Bad ha ka shi kynta ka la duh lut ïa kiei kiei baroh!”

JINGPYNPAW 18:21

Nangta u angel bakhlaiñbor u la shim ïa u maw uba heh la kat u mawtylliat baheh bad u la kawang ïa u sha ka duriaw, da kaba ong, “Kane ka long kumno ïa ka nongbah Babilon bakhraw yn pynkhyllem ha ka borbah bad yn ym ïohi shuh ïa ka da lei lei.

JINGPYNPAW 18:8

Namar kane, ha ka shi sngi yn sa shoh ïa ka da ki khlam — ka jingpang, ka jingsngewsih bad ka 'nemsniew. Bad yn thang ïa ka da ka ding, namar ba U Trai uba U Blei, uba bishar ïa ka, u long uba khlaiñbor.”