JINGPYNPAW 17:9 - Khasi CL Bible (BSI)

⁹ “Kane ka khot ïa ka jingstad bad jingshemphang. Ki hynñiew tylli ki khlieh ki long hynñiew tylli ki lum, ha kiba kata ka briew ka shong. Ki long ruh ki hynñiew ngut ki syiem:

KA BAIBL

⁹ Hangne don ka jingmut kaba don ka jingstad. Kita ki hynñiew ki khlieh ki long hynñiew ki lum, ha kiba kata ka briew ka shong.

JINGPYNPAW 17:9 ပူးပေါင်းရင်းမြစ်များ

DANIEL 12:4

U la ong ha nga, “Bad mynta, ko Daniel to khylliap noh ïa ka kitab bad shon muhor halor jong ka haduh ka jingkut jong ka pyrthei. Ha kajuh ka por, kiba bun ki briew kin pynlehnoh-ei ïa ki jingpyrshang jong ki ban sngewthuh ïa kaei kaba jia.”

HOSIA 14:9

To ai ba kito kiba stad kin shemphang ïa kaei kaba la thoh hangne; bad ai ba kin pdiang ïa ki naduh ka dohnud. Ki lynti U Trai ki long kiba beit, bad ki briew kiba hok ki im da kaba bud ïa ki, hynrei ki nongpop ki jynthut bad ki kyllon namar ba kim suidñiew ïa ki.

MATHAÏOS 13:11

U Jisu u la jubab, “Ïa ka jingtip shaphang kiei kiei kiba rieh jong ka Hima ki Bneng la ai ha phi, hynrei ym ha ki.

MATHAÏOS 24:15

“Phin ïohi ïa ‘Ka Jingijli Bashyrkhei’ ïa kaba u Daniel u nongïathuh lypa u la kren. Kan ïeng ha ka jaka bakhuid.” (Ka jingkynthoh ïa u nongpule: Da pynthikna ban shemphang aïu kane ka kit jingmut!)

JINGPYNPAW 13:1

Nangta nga la ïohi ïa uwei u mradkhlaw uba wan mih na duriaw. U la don shiphew tylli ki reng bad hynñiew tylli ki khlieh; halor kawei pa kawei jong ki reng jong ka, la don ka pansngiat, bad halor kawei pa kawei jong ki khlieh jong ka la don ka kyrteng kaba krenbeiñ Blei.

JINGPYNPAW 13:18

Kane ka dawa ïa ka jingstad. Uno uno uba shemphang u lah ban batai ïa ka jingmut jong u dak jingkheiñ jong u mradkhlaw, namar u dak jingkheiñ u ïeng na ka bynta ka kyrteng jong u briew. U dak jingkheiñ jong kata ka kyrteng u long hynriewspah hynriewphew hynriew.

JINGPYNPAW 17:18

“Ka briew kaba me la ïohi ka long ka nongbah bakhraw kaba synshar halor ki syiem jong ka pyrthei.”

JINGPYNPAW 17:3

U Mynsiem u la bat synshar ïa nga, bad u angel u la rah ïa nga sha ka ri shyiap. Hangta nga la ïohi ïa ka briew kaba shong halor u mradkhlaw rong saw uba la don ki kyrteng kiba ñiewbeiñ ïa U Blei ba la thoh baroh shi rynïeng jong u; u mradkhlaw u la don hynñiew tylli ki khlieh bad shiphew tylli ki reng.

JINGPYNPAW 17:7

“Balei ba me la sngewkyndit?” u angel u la kylli ïa nga. “Ngan ïathuh ha me ïa ka jingmut barieh jong kata ka briew, bad jong u mradkhlaw uba kit ïa ka, uta u mradkhlaw uba don hynñiew tylli ki khlieh bad shiphew tylli ki reng.