JINGPYNPAW 17:4 - Khasi CL Bible (BSI)

⁴ Kata ka briew ka la riam ha ki jaiñ ba sawbthuh bad basaw hain hain, bad ba la tap da ki jingdeng ksiar, ki mawkordor, bad ki paila. Ha ka kti jong ka, ka la bat ïa ka khuri ksiar kaba dap da kiei kiei kiba isaitmet bad ijakhlia, kiba mih na ka jingawria jong ka.

KA BAIBL

⁴ Bad ïa kata ka briew la pynkup jaiñ basaw bthuh bad basaw hain, bad la pyndeng ïa ka da ka ksiar, bad da u maw bakordor, bad da ki paila, ka da bat ïa ka khuri ksiar ha ka kti jong ka, kaba dap da ki jingijli bad ka jingbymkhuid kata ka jingklim sih jong ka;

JINGPYNPAW 17:4 ပူးပေါင်းရင်းမြစ်များ

1 SYIEM 14:24

Kaba kham sniew ïa baroh, ka long ba don ki shynrang bad ki kynthei kiba shakri kum ki nuti ha kita ki jaka mane blei thala. Ki paid Judah ki la leh ïa kine ki kam kiba ilehrain ba ju leh da kito ki briew ïa kiba U Trai u la beh noh na ka ri katba ki Israel ki dang leit kurup ïa ka.

2 SYIEM 21:2

Da kaba bud ïa ki jingleh ba-ijli jong ki jaitbynriew kiba U Trai u la beh noh na ka ri katba ki briew jong u ki tur shaphrang, U Manasseh u la leh pop pyrshah ïa U Trai.

ESRA 9:11

Ki la ong ha ngi ba ka ri kaba ngin ïohkynti, ka long ka ri ka bymkhuid namar ki briew kiba shong basah ha ka, ki la pyndap ïa ka naduh kawei ka bynta shaduh kawei pat da kiei kiei kiba isaitmet bad ki kam ba-ijli.

ISAÏAH 66:3

“Ki briew ki leh katba ki sngewbha. Baroh ka long kajuh ïa ki, la ki pynïap ïa u masi kyrtong kum ka jingkñia lane jingkñia da u briew; la ki kñia da u khunlangbrot lane ki pyndkut ïa ka ryndang u ksew; la ki wanrah ka jingainguh kew ne ki ainguh da ka snam sniang; la ki thang jingiwbih ne ki duwai ha ka bleithaw. Ki shem sngewbha ha ki rukom ba-ijli ha ka jingmane.

JEREMAÏAH 51:7

Ka Babilonia ka long kum ka khuri ksiar ha ka kti jong nga, ba pynlong ïa ka pyrthei baroh kawei ban buaid. Ki jaitbynriew ki dih ïa ka waiñ bad ki kylla khleh bieit.

SNGEWSYNEI 1:9

Ïa ka jingbymkhuid jong ka lah ban ïohi da kaba suk, hynrei kam shym la pynpaw jingsngewkhia ei ei ïa la ka kupar. Ka jingkyllon jong ka, ka long kaba shyrkhei; ym don mano mano ba lah ban pyntngen ïa ka. Ki nongshun jong ka ki la jop, bad ka kyang sha U Trai na ka bynta ka jingisynei.

ESEKIEL 20:30

Mynta to ïathuh ïa ki Israel ïa kaei kaba ma nga, U Trai Nongsynshar nga ong: Balei phi dei ban leh ïa kijuh ki pop kiba ki kpa jong phi ki la leh bad ba phi ïabud nadien ki bleithaw jong ki?

ESEKIEL 24:11

Mynta buh ïa u khiew rnong ba suda halor ki rnga bad ai ba un sawlep. Te u khiew un long ba la pynkhuid ha ka jinglehniam sa shisien hadien ba ka sarang ka la ing lut,

ESEKIEL 24:13

Ko Jerusalem, ki jingleh awria jong pha ki la pyntngit ïa pha. Wat la nga la pyrshang ban pynkhuid ïa pha, pha ïaisah ha ka jingtngit. Phan ym long khuid pat haduh ba phan da mad lut ïa ka jingbitar shla jong nga.

ESEKIEL 28:13

Me la shong ha Eden, ka kper jong U Blei, bad me deng ïa ki mawlynnai ba bun jait: ki Rubi bad ki Diamond; u Topas, u Beryl, u Karnelian bad u Jasper; ki Sapphir, ki Emerald, bad ki Garnet. Me don ki jingdeng da ka ksiar. Ïa ki la shna na ka bynta jong me ha ka sngi ba la thaw ïa me.

ESEKIEL 36:25

Ngan synreit ïa phi da ka um khuid, bad ngan pynkhuid ïa phi na ki bleithaw jong phi bad na baroh kiei kiei kiba la pyntngit ïa phi.

DANIEL 11:38

Pynban, un pyndonburom ïa u blei uba ïada ïa ki kut. Un ai ka ksiar, ka rupa, ki mawlynnai, bad kiwei kiwei ki jingai babha sha u blei uba ki kpa tymmen jong u kim shym la ju mane.

HOSIA 9:10

U Trai u ong, “Haba nga lap nyngkong ïa ki Israel, ka long kumba lap ïa ki sohwaiñ kiba mih ha ri shyiap. Haba nga ïohi nyngkong ïa ki kpa tymmen jong phi, ka long kumba ïohi ïa u soh Dumbur uba ih nyngkong ha ka aïom. Hynrei haba ki la wan sha u lum Peor, ki la sdang ban mane ïa u Baal, bad tang katto katne por ki la kylla long kiba isaitmet kum kita ki blei ba ki ieit.

DEUTERONOMI 29:17

Phi la ïohi ïa ki bleithaw kiba isaitmet jong ki, kiba da u dieng, da u maw, da ka rupa, bad da ka ksiar.

JINGPYNPAW 14:8

U angel uba ar u la bud ïa uba nyngkong, u da ong, “Ka la kyllon! Ka Babilon Bakhraw ka la kyllon! Ka la pynlong ïa ki briew baroh ban dih ïa ka waiñ jong ka — ka waiñ kaba khor jong ka jingkwah brai khlem akor!”

JINGPYNPAW 18:12

ym don mano mano ban thied ïa ka ksiar, ka rupa, ki mawkordor, bad ki paila jong ki; ki mar linen, ka jaiñ sawbthuh, ka jaiñ rusom, bad ka jaiñ basaw hain hain; ïa baroh ki jait dieng bakynsai bad baroh ki jait jingthaw ba la shna na ka bniat hati bad na ka dieng baremdor, na ka rnong, ka nar, bad u maw marbl;

JINGPYNPAW 18:16

“Katno kaba ishyrkhei! Katno kaba itriem ïa ka nongbah kaba khraw! Ka la ju riam ïa lade da ki jaiñ linen, kiba sawbthuh, bad kiba saw hain hain, bad ka kup ïa lade da ki jingdeng ksiar, ki mawkordor, bad ki paila!

JINGPYNPAW 19:2

Ki jingbishar jong u ki long kiba shisha bad kiba hok! U la pynrem ïa ka nuti kaba pynpyut ïa ka khyndew da ki jingawria jong ka. U Blei u la pynshitom ïa ka namar ba ka la pynïap ïa ki shakri jong u.”

JINGPYNPAW 21:21

Ki khat-ar tylli ki khyrdop ki la long ki khat-ar tylli ki mawlynnai; ïa kawei kawei ka khyrdop la shna na uwei u mawlynnai. Ka lynti bah jong ka nongbah ka la long da ka ksiar nylla, kaba lah ban ïohi lyngba kum ka ïit.

JINGPYNPAW 9:21

Lymne kim shym la kylla-kaba-mut na ki jingpynïap briew jong ki, ki kam myntor jong ki, ki kam awria bajakhlia, ne ka kam tuh jong ki.