JINGPYNPAW 17:3 - Khasi CL Bible (BSI)

³ U Mynsiem u la bat synshar ïa nga, bad u angel u la rah ïa nga sha ka ri shyiap. Hangta nga la ïohi ïa ka briew kaba shong halor u mradkhlaw rong saw uba la don ki kyrteng kiba ñiewbeiñ ïa U Blei ba la thoh baroh shi rynïeng jong u; u mradkhlaw u la don hynñiew tylli ki khlieh bad shiphew tylli ki reng.

KA BAIBL

³ Te u la rah noh ïa nga ha U Mynsiem sha ka ri khlaw: bad nga la ïohi ïa ka briew kaba shong halor u mrad khlaw basaw hain, ba dap da ki kyrteng ka jingkrenbeiñ Blei, uba don hynñiew ki khlieh bad shiphew ki reng.

JINGPYNPAW 17:3 ပူးပေါင်းရင်းမြစ်များ

1 SYIEM 18:12

Kumno kan long lada U Mynsiem jong U Trai u rah noh ïa phi sha ka jaka bymtip tang mar ïamih ma nga? Nangta, haba ngan ïathuh ïa u Ahab ba phi don hangne, bad um lah ban shem ïa phi, un sa pynïap ïa nga. To kynmaw ba nga long uba mane hok ïa U Trai naduh ba nga dang khynnah.

2 SYIEM 2:16

bad ki ong, “Don sanphew ngut na ngi hangne, baroh ki rangbah bakhlaiñ. Ïa ngin leit bad wad ïa u kynrad jong phi. Lehse U Mynsiem jong U Trai u la rah noh ïa u bad iehnoh ïa u halor uno re uno u lumbah lane ha kano re kano ka them.” “Em, phim dei ban leit,” u Elisha u jubab.

JINGRWAI SOLOMON 8:5

Kaei kane kaba wan na ka ri shyiap, kaba ïasnohkti bad uba ieit jong ka? Hapoh u dieng apple nga la kyrsiew ïa phi, hapoh ka jaka ha kaba la kha ïa phi.

ESEKIEL 11:24

Ha ka jingïohipaw, U Mynsiem jong U Blei u la rah shajrong ïa nga bad wallam pat ïa nga sha kiba shah ringmraw ha Babilonia. Nangta ka jingïohipaw ka jah noh,

ESEKIEL 3:12

Te U Mynsiem jong U Blei u la rah joit ïa nga, bad nga la ïohsngew na shadien jong nga ïa ka jingsawa jam jong ka sur kaba ong, “To ïaroh ïa ka burom U Trai ha bneng shajrong!”

ESEKIEL 8:3

U la kner kaei kaei kaba i kum ka kti bad u shim trait ïa nga na u 'ñiuhkhlieh. Te ha kane ka jingïohipaw, U Mynsiem jong U Blei u la rah artet ïa nga ha ka lyer bad u ïalam ïa nga sha Jerusalem. U la rah ïa nga sha ka jaka rung kaba kham hapoh jong ka khyrdop kaba shaphang shatei jong ka Templ, ha kaba la don ka dur bleithaw kaba long ka jingpynbitar ïa U Blei.

DANIEL 11:36

“U syiem ka Syria un leh kat kaba u sngewbha. Un kob ba u long kham khraw ban ïa uno uno u blei, kham halor wat ïa U Blei Bahakhlieh Tam Eh. Un lah ban leh ïa kane tad haduh ha ka por haba U Blei un pynshitom ïa u. U Blei un leh thik ïa kaei kaba u la thmu.

DANIEL 7:20

Bad nga la kwah ban tip shaphang ki shiphew tylli ki reng halor ka khlieh jong u bad ïa ka reng kaba la mih hadien bad kaba la pynhap ïa ki lai tylli ki reng. Ka la don ki khmat bad ka shyntur bad ka da kob sarong. Ka la kham ishyrkhei ban ïa kiwei pat.

DANIEL 7:25

Un kren pyrshah ïa U Blei Bahakhlieh Tam Eh bad banbeiñ ïa ki briew jong U Blei. Un pyrshang ban pynkylla ïa ki aiñ niam bad ïa ki Jingkhawai Niam jong ki, bad ki briew jong U Blei kin long hapoh ka bor jong u haduh lai snem shiteng.

DANIEL 7:8

Katba nga dang khmih ïa ki reng, nga la ïohi ïa ka reng kaba rit, kaba mih napdeng kiwei pat. Ka la tar ïa ki lai tylli ki reng kiba la don lypa hangta. Kane ka reng ka la don ki khmat briew bad ka shyntur kaba kob sarong.

MATHAÏOS 27:28

Ki la sloit ïa ki jaiñ jong u bad ki la buh ka jaiñkup sawbthuh halor jong u.

KI KAM 8:39

Haba ki la wan kiew na kata ka um, U Mynsiem jong U Trai u la rah noh ïa u Philip. U rangbah synshar um shym la ïohi shuh ïa u, hynrei u la bteng ïa la ka jingleit, uba dap da ka jingkmen.

2 THESSALONI 2:4

Un pyrshah ïa kaei kaei baroh ba la khot blei, lane ïa kano kano ban mane, bad un buh ïa lade halor jong ki baroh. Wat shapoh un leit rung bad shong hapoh ka Templ U Blei bad kam ba u long U Blei.

JINGPYNPAW 1:10

Ha ka sngi U Trai, U Mynsiem u la shim ïa nga, bad nga la ïohsngew ïa ka sur bajam, kaba sawa kum ka turoi, kaba kren na shadien jong nga.

JINGPYNPAW 12:14

La ai ha ka, ar tylli ki thapniang jong u pukni uba heh khnang ba kan her noh sha la ka jaka ha kata ka ri shyiap, ha kaba yn sumar ïa ka, lai snem shiteng, ha ka jingshngain na ka jingtur ïaleh jong u Ïakjakor.

JINGPYNPAW 12:3

Sa kawei pat ka dak bamaïan ka la paw ha ka sahit bneng. La don u Ïakjakor uba heh bad uba rong saw uba don hynñiew tylli ki khlieh bad shiphew tylli ki reng, bad kawei ka pansngiat ha kawei pa kawei jong ki khlieh jong u.

JINGPYNPAW 12:6

Kata ka briew ka la phet sha ka ri shyiap, sha ka jaka ba U Blei u la pynkhreh na ka bynta jong ka; ha kaba yn sumar ïa ka haduh shihajar arspah hynriewphew sngi.

JINGPYNPAW 17:18

“Ka briew kaba me la ïohi ka long ka nongbah bakhraw kaba synshar halor ki syiem jong ka pyrthei.”

JINGPYNPAW 17:4

Kata ka briew ka la riam ha ki jaiñ ba sawbthuh bad basaw hain hain, bad ba la tap da ki jingdeng ksiar, ki mawkordor, bad ki paila. Ha ka kti jong ka, ka la bat ïa ka khuri ksiar kaba dap da kiei kiei kiba isaitmet bad ijakhlia, kiba mih na ka jingawria jong ka.

JINGPYNPAW 18:12

ym don mano mano ban thied ïa ka ksiar, ka rupa, ki mawkordor, bad ki paila jong ki; ki mar linen, ka jaiñ sawbthuh, ka jaiñ rusom, bad ka jaiñ basaw hain hain; ïa baroh ki jait dieng bakynsai bad baroh ki jait jingthaw ba la shna na ka bniat hati bad na ka dieng baremdor, na ka rnong, ka nar, bad u maw marbl;

JINGPYNPAW 18:16

“Katno kaba ishyrkhei! Katno kaba itriem ïa ka nongbah kaba khraw! Ka la ju riam ïa lade da ki jaiñ linen, kiba sawbthuh, bad kiba saw hain hain, bad ka kup ïa lade da ki jingdeng ksiar, ki mawkordor, bad ki paila!

JINGPYNPAW 21:10

U Mynsiem u la bat synshar ïa nga, bad u angel u la rah ïa nga sha kliar jong u lumbah uba jrong. U la pyn-i ha nga ïa ka Jerusalem, ka Nongbah Bakhuid, kaba da wan hiar na bneng na U Blei

JINGPYNPAW 4:2

Mar kumta hi, U Mynsiem u la shimti ïa nga. Hangta ha bneng la don ka khet bad la don uwei uba shong halor jong ka.