JINGPYNPAW 17:17 - Khasi CL Bible (BSI)

¹⁷ Naba U Blei u la buh ha ki dohnud jong ki ïa ka mon ban pyndep ïa ka jingthmu jong u da kaba ïatreilang bad da kaba ai ha u mradkhlaw ïa ka bor jong ki ban synshar tad ynda ki ktien jong U Blei ki wan urlong shisha.

KA BAIBL

¹⁷ Namar U Blei u la buh ha ki dohnud jong ki ban leh ïa ka mon jong u, bad ban ïakut da kawei ka jingmut, bad ban ïa-aiti ïa ka hima jong ki ha uta u mrad khlaw, tad ynda yn pyndep noh ïa kita ki ktien U Blei.

JINGPYNPAW 17:17 ပူးပေါင်းရင်းမြစ်များ

ESRA 7:27

U Esra u ong, “Ïaroh ïa U Trai, U Blei jong ki kpa tymmen jong ngi! U la pynlong ïa u patsha da ka mon sngewbha ban burom ha kane ka rukom ïa ka Templ jong U Trai ha Jerusalem.

SALM 105:25

U la pynlong ïa ki nong Ijipt ban isih ïa ki briew jong u bad leh shukor ïa ki shakri jong u.

PROBERB 19:21

Ki briew ki lah ban thmu shibun kiei kiei, hynrei ïa ka mon U Trai yn hap ban pyndep.

PROBERB 21:1

U Trai u pynïaid ïa ka jingmut jong u syiem kham suk kumba u pynïaid ïa ka lynti ka wahduid.

ISAÏAH 45:17

Hynrei ïa ki Israel la pynim da U Trai, bad ka jingjop jong u ka neh junom; ki briew jong ka kin ym jahburom.’ ”

JEREMAÏAH 32:40

Ngan pynlong ïa ka jutang bymjukut bad ki. Ngan ym sangeh lano lano ruh ban leh ïa kiei kiei kiba bha na ka bynta jong ki, bad ngan pynlong ïa ki ban tiengburom ïa nga da ka dohnud jong ki baroh, khnang ba kin ym phai dien shuh na nga.

DANIEL 12:7

U angel u la rah ïa la ki kti sha bneng bad u la pynlong ka jingkular kyntang ha ka kyrteng jong U Blei Bymjukut. Nga la ïohsngew ïa u ba u ong, “Kan long lai snem shiteng. Haba ka jingpynshitom beiñ ïa ki briew jong U Blei ka kut, kine kiei kiei baroh kin hap ban jia.”

LOUKAS 22:22

U Khun U Briew un ïap kumba U Blei u la thmu, hynrei a katno kan long kaba shyrkhei ïa uta u briew uba shetkylla ïa u!”

LOUKAS 22:3

Nangta u Soitan u la rung hapoh u Judas, ïa uba la khot u Iskariot, uba long uwei na ki khat-ar ngut ki synran.

LOUKAS 22:37

Naba nga ong ha phi ba ka Jingthoh Bakhuid kaba ong, ‘U la ïoh bynta ïa ka kupar jong kiba leh kam runar,’ ka dei ban urlong shisha shaphang jong nga, namar kaei kaba la thoh shaphang jong nga ka wan jia shisha.”

ÏOANNIS 10:35

Ngi tip ba ïa kaei kaba ka Jingthoh Bakhuid ka ong, ka long kaba shisha junom; bad U Blei u la khot ïa kito ki briew ki blei, ki briew ha kiba U Blei u la ai ïa ka khubor jong u.

ÏOANNIS 13:18

“Ngam shym kren shaphang jong phi baroh; nga tip ïa kito kiba nga la jied. Hynrei ka Jingthoh Bakhuid ka dei ban urlong shisha, kaba ong, ‘U briew uba la ïabam lang ïa ka jingbam jong nga u phai pyrshah ïa nga.’

ÏOANNIS 13:2

U Jisu bad la ki synran ki dang ïabam jingbam miet. U Ksuid u la bsuh lypa ha ka dohnud jong u Judas, u khun jong u Simon Iskariot, ka jingpyrkhat ban shetkylla ïa U Jisu.

ÏOANNIS 19:24

Ki shipai ki la ong para ma ki, “To ngin ym tar pynkad ïa ka, to ngin ïakynting sbai ban shem mano ba ïoh ïa ka.” Kane ka la jia khnang ba ka Jingthoh Bakhuid kan urlong shisha: “Ki la pynïabynta ïa ki jaiñ jong nga hapdeng jong ki bad ki la ïakhalai ïa ka jaiñkup jong nga.” Kane ka long kaei kaba ki shipai ki la leh.

ÏOANNIS 19:28

U Jisu u la tip ba mynta la pyndep ïa kiei kiei baroh; bad khnang ban pynlong ïa ka Jingthoh Bakhuid ban urlong shisha, u la ong, “Nga sliang.”

2 KORINTH 8:16

Katno ngi ainguh ïa U Blei ba u la pynlong ïa u Titos ban thrang kum ma ngi ban ïarap ïa phi.

JINGPYNPAW 10:7

Hynrei haba u angel uba hynñiew u put ïa la ka turoi, te U Blei un pyndep ïa ka jingthmu barieh jong u, kumba u la pynbna ha la ki shakri, ki nongïathuhlypa.”

JINGPYNPAW 15:1

Nangta nga la ïohi ha ka suiñbneng ïa kawei pat ka jingïohi kaba maïan, kaba khraw bad kaba iphylla. La don hynñiew ngut ki angel lem bad hynñiew tylli ki khlam, kiba long kiba khatduh, namar ki long ki jingpynpaw kiba khatduh jong ka jingbitar U Blei.

JINGPYNPAW 17:13

Kine baroh shiphew ngut ki don kajuh ka jingthmu, bad ki ai ïa ka bor bad ka iktiar jong ki ha u mradkhlaw.

JINGPYNPAW 19:9

Nangta u angel u la ong ha nga, “To thoh ïa kane: Suk kito ïa kiba la khot sngewbha sha ka jingkhawai shongkurim jong U Khunlangbrot.” Bad u angel u la bynrap, “Kine ki long ki ktien kiba shisha jong U Blei.”

JINGPYNPAW 6:11

Ha uwei pa uwei na ki la ai ïa ka jaiñkup balieh, bad la ong ïa ki ba kin shongthait sa shipor, tad ynda la dep kheiñ lut ïa ki para shakri bad parabangeit kiba la shah pynïap, kumba la leh ïa ki.