JINGPYNPAW 17:16 - Khasi CL Bible (BSI)

¹⁶ Ki shiphew tylli ki reng kiba me la ïohi, bad u mradkhlaw, kin isih ïa ka nuti; kin sa knieh noh ïa kaei kaei baroh kaba ka don bad kin iehnoh lyngkhuit ïa ka; kin bam ïa ka doh jong ka bad kin pynjot ïa ka da ka ding.

KA BAIBL

¹⁶ Bad kita ki shiphew ki reng ïa kiba me la ïohi, bad uta u mrad khlaw, kine kin ïashun ïa kata ka nuti, bad kin ïa-pynlong kaba marwei bad ka balyngkhuit ïa ka, bad kin ïabam duh ïa ka doh jong ka, bad kin ïathang duh ïa ka da ka ding.

JINGPYNPAW 17:16 ပူးပေါင်းရင်းမြစ်များ

Ka Kitab U Job 31:31

Baroh kito kiba trei bad nga ki tip ba nga la ju pdiang sngewbha ïa ki nongwei.

SALM 27:2

Haba ki riewsniew ki tur ïaleh ïa nga bad pyrshang ban pynïap ïa nga, ki jynthut bad ki kyllon.

DANIEL 7:5

U mradkhlaw uba ar u syriem kum ka dngiem kaba ïeng ha ki kjat-dien jong ka. Ka la bat lai tylli ki shyieng krung hapdeng ki bniat jong ka, bad ka sur ka la ong ha ka, “Khie leit, bam shibun ka doh katba pha lah!”

LEBITIKOS 21:9

Lada ka khun jong u lyngdoh ka ïaid nuti, ka pynkheiñ burom ïa la u kpa; yn thang ïa ka haduh ba kan da ïap.

JINGPYNPAW 12:3

Sa kawei pat ka dak bamaïan ka la paw ha ka sahit bneng. La don u Ïakjakor uba heh bad uba rong saw uba don hynñiew tylli ki khlieh bad shiphew tylli ki reng, bad kawei ka pansngiat ha kawei pa kawei jong ki khlieh jong u.

JINGPYNPAW 16:12

Nangta u angel uba hynriew u la theh noh ïa ka pliang jong u ha ka wahbah Ïuphratis. Ka wah ka la rngad, ban pynbiang ka lynti ïa ki syiem kiba wan na mihngi.

JINGPYNPAW 17:10

San ngut na ki, ki la kyllon, uwei u dang synshar, bad uwei pat um pat wan; haba u wan, u dei ban synshar tang shipor.

JINGPYNPAW 18:19

Ki la kynting pui pui halor ki khlieh jong ki, ki la lynñiar bad ki la ïambriew, da kaba ong, “Katno kaba shyrkhei! Katno kaba itriem ïa ka nongbah kaba khraw! Ka long ka nongbah ha kaba baroh kiba don ki liengbah kiba ïaid ha ki duriaw ki la kylla riewspah ha ka spah jong ka! Bad ha ka shi kynta ka la duh lut ïa kiei kiei baroh!”

JINGPYNPAW 18:8

Namar kane, ha ka shi sngi yn sa shoh ïa ka da ki khlam — ka jingpang, ka jingsngewsih bad ka 'nemsniew. Bad yn thang ïa ka da ka ding, namar ba U Trai uba U Blei, uba bishar ïa ka, u long uba khlaiñbor.”

JINGPYNPAW 19:18

Ale bad bam ïa ka doh jong ki syiem, ki nongïalam shipai, bad jong ki shipai, ka doh jong ki kulai bad ki nongshong jong ki, ka doh jong ki briew baroh, ki mraw bad kiba laitluid, kiba rit bad kiba khraw!”