JINGPYNPAW 17:14 - Khasi CL Bible (BSI)

¹⁴ Kin ïaleh pyrshah ïa U Khunlangbrot; hynrei U Khunlangbrot, lem bad ki nongbud jong u ïa kiba u la khot, u la jied, bad kiba ïaineh skhem, un jop ïa ki, namar ba u dei U Trai jong ki trai bad U Syiem jong ki syiem.”

KA BAIBL

¹⁴ Kine kin ïaleh thma bad uta U Khun langbrot, bad uta U Khun langbrot un jop noh ïa ki, naba u long U Trai ki trai, bad U Syiem ki syiem; kumjuh ruh kita kiba don lem bad u, ïa kiba la khot, bad ïa kiba la jied bad kiba ïaineh.”

JINGPYNPAW 17:14 ပူးပေါင်းရင်းမြစ်များ

SALM 110:5

U Trai u don ha ka liang kamon jong me; haba u bitar, un jop ïa ki syiem,

JEREMAÏAH 1:15

namar nga khot ïa baroh ki jaitbynriew ha ka phang bashatei ban ïawan. Ki syiem jong ki kin pynïeng ïa ki khet jong ki ha ki khyrdop jong ka Jerusalem bad sawdong ïa ki kynroh jong ka bad ruh sawdong ïa kiwei pat ki nongbah jong ka Judah.

JEREMAÏAH 50:44

“Kum u sing uba wan mih na ki khlaw barben kiba don shi lynter ka rud Jordan haduh ka jaka phlang bajyrngam, ma nga, U Trai, ngan wan bad ngan pynlong ïa ki nong Babilonia ban phet krad kynsan na ka nongbah jong ki. Te u nongïalam uba nga jied un synshar ïa ka hima. Mano ban ïanujor bad nga? Uno uba nud ban wan kob ïa nga? Uei u nongsynshar uba lah ban ïeng pyrshah ïa nga?

DANIEL 2:44

Ha ka por jong kito ki nongsynshar U Blei ka bneng un seng ka hima ka ban ym kut junom. Yn ym lah ban jop ïa ka, hynrei kan pynjot thiaw ïa baroh kito ki hima, bad nangta kan neh junom.

DANIEL 2:47

U syiem u la ong, “U Blei jong me u long uba khraw tam na ki blei baroh, U Trai halor ki syiem, bad uta uba pynpaw ïa ki jingmaïan. Nga tip ïa kane namar me la lah ban batai ïa kane ka jingmaïan.”

DANIEL 7:21

Mynba nga dang khmih, kata ka reng ka pynlong thma bad ki briew jong U Blei bad ka la jop ïa ki.

SEKHARAÏAH 2:8

Uno uno uba shoh ïa phi u shoh ïa uta uba kordor eh ha nga.” Kumta U Trai Badonbor Baroh u la phah ïa nga lem bad kane ka khubor ïa ki jaitbynriew kiba la lute ïa ki briew jong u:

MATHAÏOS 22:14

Bad U Jisu u la pynkut, “Shibun la khot sngewbha, hynrei khyndiat la jied.”

MATHAÏOS 25:40

U Syiem un jubab, ‘Nga ong ha phi, ba man ba phi leh ïa kane na ka bynta uno uno uba rit tam na kine ki dkhot jong ka longïing jong nga, phi la leh ïa kane na ka bynta jong nga!’

MATHAÏOS 28:18

U Jisu u la wan hajan bad u la ong ha ki, “La ai ha nga baroh ka bor ha bneng bad ha khyndew.

ÏOANNIS 15:16

Phim shym la jied ïa nga; nga la jied ïa phi bad nga la thung ïa phi ban leit bad ban seisoh shibun, u jait soh uba ïaineh. Bad kumta U Kpa un ai ha phi ïa kaei kaei kaba phi pan na u ha ka kyrteng jong nga.

Ka Shithi U Paul Sha Ki Nong Rom 1:6

Kane ruh ka kynthup ïa phi kiba ha Rom, ïa kiba U Blei u la khot ban long ki jong U Jisu Khrist.

Ka Shithi U Paul Sha Ki Nong Rom 8:30

Bad kumta kito ïa kiba U Blei u la pynkyrpang, u la khot; bad ïa kito kiba u la khot, u la pynlong ka hok ïa ki bad u hi, bad u ai bynta ïa ki ha ka burom jong u.

Ka Shithi U Paul Sha Ki Nong Rom 8:37

Em, ha kine baroh ngi ïoh ïa ka jingjop baroh lyngba jong uta uba la ieit ïa ngi!

1 KORINTH 15:24

Te kaba kut kan poi; U Khrist un jop noh thiaw ïa ki bor mynsiem, ki nongsynshar, bad ki bor, bad un aiti ïa ka Hima ha U Blei uba U Kpa.

DEUTERONOMI 10:17

Naba U Trai U Blei jong phi u long uba khrawbor tam halor ki blei baroh bad halor ki bor baroh. U long uba khraw bad uba donbor, bad uba dei ban sheptieng. U bym ñiewshiliang khmat bad u bym ju pdiang ïa ki jingai kiba da ka dohnud ka bymkhuid.

1 TIMOTHI 6:15

Ïa ka jingpynpaw jong u yn wallam da U Blei ha ka ïa kaba biang, uba la kyrkhu bad tang ma u hi, U Nongsynshar, U Syiem jong ki syiem bad U Trai jong ki trai.

2 TIMOTHI 2:4

U shipai ha ka jingtrei minot u kwah ban pynsngewbha ïa la u rangbah shipai bad kumta um ïakhleh bad ki kam ha ka jingim kaba ïadei lang.

1 PETROS 2:9

Hynrei ma phi, phi long ka kynja ba la jied, ki lyngdoh jong U Syiem, ka jaitbynriew bakhuid, ki briew kiba dei jong U Blei hi, ba la jied ban pynbna ïa ki kam baphylla jong U Blei, uba la khot noh ïa phi na ka jingdum sha ka jingshai baphylla jong u hi.

JINGPYNPAW 1:5

bad na U Jisu Khrist, u sakhi baïaineh, uba nyngkong ïa uba la pynmih na ka jingïap bad uba long ruh u nongsynshar jong ki syiem jong ka pyrthei. U ieit ïa ngi, bad da ka jingïap ba aiti lut jong u, u la pyllait ïa ngi na ki pop

JINGPYNPAW 11:7

Haba ki dep ban pynbna ïa ka khubor jong ki, uta u mradkhlaw uba wan kiew na ka liewlong ba khlem trai un ïaleh pyrshah ïa ki.

JINGPYNPAW 16:14

Ki long ki mynsiem jong ki ksuid kiba leh ïa ki kambah. Kine lai tylli ki mynsiem ki leit noh sha ki syiem baroh jong ka pyrthei, ban lumlang ïa ki na ka bynta ka thma ha ka Sngi kaba khraw jong U Blei Badonbor Baroh.

JINGPYNPAW 2:10

Wat sheptieng ïa kaei kaei ruh kaba phan sa shahshitom. Shahshkor! U Soitan un buh ïa pha ha ka jingtynjuh ha kaba ïa ki katto katne ngut kiba don hapdeng jong pha, yn bret shapoh ka ïingbyndi, bad ki jingjynjar jong pha kin neh shiphew sngi. Ïaineh ha nga, wat la kan long ka jingïap, bad ngan ai ha pha ïa ka jingim kum ka bainong jong ka jingjop.

JINGPYNPAW 2:13

Nga tip hangno pha shong, hangta ha kaba u Soitan u don ka khet jong u. Pha long kaba shisha ha nga, bad pham shym la phai dien noh na ka jingngeit jong pha na nga wat ha ka por mynba u Antipas, u sakhi baïaineh jong nga, u la shah pynïap hangta ha ka jaka ba u Soitan u shong u sah.

JINGPYNPAW 3:21

Ha kito kiba ïoh ïa ka jingjop ngan ai ïa ka hok ban shong ha syndah jong nga ha ka khet jong nga, kumba nga ruh nga la jop bad mynta nga shong ha syndah U Kpa jong nga ha ka khet jong u.