JINGPYNPAW 16:7 - Khasi CL Bible (BSI)

⁷ Nangta nga la ïohsngew ïa ka sur na ka duwan kaba ong, “Ko Trai uba U Blei Badonbor Baroh! Kaba shisha bad kaba hok ki long da shisha ki jingbishar jong me!”

KA BAIBL

⁷ Bad nga la ïohsngew na kata ka duwan kaba ong, “Shisha, ko Trai uba U Blei Badonbor Baroh, kiba shisha bad ki bahok long kita ki jingkut bishar jong me.”

JINGPYNPAW 16:7 ပူးပေါင်းရင်းမြစ်များ

ISAÏAH 6:6

Te uwei na ki seraph u la her sha tbian sha nga, da kaba rah ïa u rnga uba rhem uba u la khap da ka nap na ka duwan.

ESEKIEL 10:2

U Blei u la ong ha u briew uba phong da ki jaiñ linen, “To leit hapdeng ki shalyntem hapoh ki kherub bad pyndap ïa ki kti jong phi da ki rnga ding barhem. Nangta bret ïa ki rnga halor ka nongbah.” Nga la peit ïa u ba u leit.

ESEKIEL 10:7

Uwei na kita ki kherub u buh ïa la ka kti ha ka ding kaba don hangta hapdeng jong ki, u la shim khyndiat ki rnga ding, bad u la buh ïa ki ha ki kti u briew uba phong da ki jaiñ linen. Uta u briew u la shim ïa kita ki rnga ding bad u la mihnoh.

JINGPYNPAW 1:8

“Nga long u Alpha bad u Omega,” ong U Trai U Blei Badonbor Baroh, uba long, uba la long bad u ban sa wan.

JINGPYNPAW 13:10

Uno uno uba dei ban shah kem un shah kem da shisha; uno uno uba dei ban shah pynïap da ka waitlam un shah pynïap shisha da ka waitlam. Kane ka dawa ïa ka jingïaishah bad ïa ka jingngeit na ka liang jong ki briew jong U Blei.”

JINGPYNPAW 14:10

u hi da lade un dih ïa ka waiñ ka jong U Blei, ka waiñ ka jingbitar shla jong U, kaba u la theh noh ha ka bor jong ka baroh ha ka khuri ka jingbitar jong U! Baroh kiba leh ïa kane kin shah pynsaja ha ka ding bad ha u kyndok ha khmat ki angel bakhuid bad ha khmat U Khunlangbrot.

JINGPYNPAW 14:18

Nangta sa uwei pat u angel, uba dei khmih ïa ka ding, u la wan na ka duwan. U la pyrta ha ka sur kaba jam sha uta u angel uba la don ka rashi kaba nep, “To pyndonkam ïa la ka rashi, bad ot ïa ki sohwaiñ na ka bri sohwaiñ jong ka pyrthei, namar ba ki sohwaiñ ki la ih!”

JINGPYNPAW 19:2

Ki jingbishar jong u ki long kiba shisha bad kiba hok! U la pynrem ïa ka nuti kaba pynpyut ïa ka khyndew da ki jingawria jong ka. U Blei u la pynshitom ïa ka namar ba ka la pynïap ïa ki shakri jong u.”

JINGPYNPAW 6:9

Nangta U Khunlangbrot u la pynpait ïa ka jingpyndait kaba san. Nga la ïohi ha khrum ka duwan ïa ki mynsiem jong kito kiba la shah pynïap namar ba ki la pynbna ïa ka ktien U Blei bad ba ki la ïaineh ha ki jingphla jong ki.