JINGPYNPAW 16:2 - Khasi CL Bible (BSI)

² U angel uba nyngkong u la leit bad u la theh noh ïa ka pliang jong u ha ka pyrthei. Ki prum kiba shyrkhei bad kiba tyrha ki la mih ha kito kiba la don ïa ka shab jong u mradkhlaw bad ha kito kiba la mane ïa ka dur jong u.

KA BAIBL

² Te u banyngkong u la leit noh, bad u la theh noh ïa ka pliang jong u halor kata ka khyndew; bad la long ka tohjaw basniew bad bashitom eh halor kita ki briew kiba don ka dak uta u mrad khlaw, bad kiba ïamane dem ïa ka dur jong u.

JINGPYNPAW 16:2 ပူးပေါင်းရင်းမြစ်များ

2 KHRONIKL 21:15

Me hi men ïoh ka jingpang bajur ha ki snier ka ban kham jur na kawei ka sngi sha kawei pat.”

2 KHRONIKL 21:18

Nangta hadien kane baroh, U Trai u pynngat ha u syiem da ka jingpang kaba jur ha ki snier.

SALM 78:26

U la pynlong ruh ïa ka lyer mihngi ban beh, bad da ka bor jong u, u la pynkhih ïa ka lyer shathie;

ISAÏAH 3:17

Hynrei ngan pynshitom ïa ki — Ngan khi ïa ki khlieh jong ki bad ngan ieh lyndum ïa ki.”

ISAÏAH 3:24

Ha ka jaka ba kin sleh jingiwbih kin sma iwkhong; ha ka jaka ki panpoh ba-itynnat kin teh da ki tyllai barew; ha ka jaka ban don u shñiuh ba-itynnat kin long kiba lyndum; ha ka jaka ki jaiñ ba-itynnat kin phong ki jaiñjot; ka jingbhabriew jong ki kan kylla sha ka jinglehrain.

KI KAM 12:23

Mar kumta hi u angel jong U Trai u la tied ïa u Herod, namar ba um shym ai burom ïa U Blei. La bam ïa u da ki ksaiñ, bad u la ïap.

DEUTERONOMI 28:27

U Trai un shoh ïa phi da ki tohjaw, kumba u la leh ïa ki nong Ijipt. Un pynlong ïa ka met jong phi ban dap da ka prum. Yn tap ïa phi da ka sarew, bad phin daitbuid, hynrei yn ym don jingpynkhiah.

DEUTERONOMI 28:35

U Trai un tap ïa ki kjat jong phi baroh da ki prum ki bym lah ban pynkhiah bad kiba tyrha; ki tohjaw kin tap ïa phi naduh khlieh haduh kjat.

DEUTERONOMI 7:15

U Trai un pyllait ïa phi na ka jait jingpang baroh, bad un ym pynngat ha phi wat tang kawei ruh na ki jingpang kiba sngewtriem ba phi la mad ha ka ri Ijipt, hynrei un pynngat ïa ki ha ki nongshun jong phi.

JINGPYNPAW 13:12

U la pyndonkam ïa ka bor synshar baïar jong u mradkhlaw uba nyngkong ha ka jingdon ryngkat jong u. U la pynbor ïa ka pyrthei bad ïa baroh kiba shong ha ka ban mane ïa u mradkhlaw uba nyngkong, uba ka jingmynsaw jong u ka la ïohkhiah.

JINGPYNPAW 14:16

Te uta uba shong halor u lyoh u la pyndonkam ïa la ka rashi ha ka pyrthei, bad la ïohlum ïa ka jingot jong ka pyrthei.

JINGPYNPAW 14:9

U angel uba lai u la bud ïa ki ar ngut ki angel kiba sha khmat, da kaba kren ha ka sur kaba jam, “Uno uno u mane ïa u mradkhlaw bad ïa ka dur jong u bad pdiang ïa ka shab ha ka shyllangmat jong u lane ha ka kti jong u,

JINGPYNPAW 16:1

Nangta nga la ïohsngew ïa ka sur kaba jam kaba kren na ka Templ, ha ki hynñiew ngut ki angel: “Khie leit bad theh noh ïa ki hynñiew tylli ki pliang jong ka jingbitar U Blei ha ka pyrthei!”

JINGPYNPAW 16:11

bad ki la tim ïa U Blei jong ka bneng namar ki jingpang bad ki prum jong ki. Hynrei kim shym la phai noh na ki lynti basniew jong ki.

JINGPYNPAW 8:7

U angel uba nyngkong u la put ïa la ka turoi. U phria bad ka ding, ba la khleh lang bad ka snam, ki la hap halor ka khyndew. Shi bynta na ka lai bynta jong ka khyndew la thang duh noh, shi bynta na ka lai bynta jong ki dieng, bad ïa baroh ki phlang bajyrngam.

1 SAMUEL 5:6

U Trai u la pynshitom jur ïa ki nong Ashdod bad u pyntriem ïa ki. U la pynshitom ïa ki bad ïa ki briew sawdong ka ri da kaba pynmih ha ki ïa ka jingpang thung.

1 SAMUEL 5:9

Hynrei ynda ka la poi hangta, U Trai u pynshitom sa ïa kata ka nongbah ruh bad u pynkhih kulmar ïa ka. U pynshitom ïa ki da ki jingpang thung kiba mih ha baroh ki briew jong ka nongbah, ki samla bad tymmen kumjuh.