JINGPYNPAW 16:13 - Khasi CL Bible (BSI)

¹³ Nangta nga la ïohi lai tylli ki mynsiem bymkhuid kiba i kum ki jakoid. Ki la ïamih na ka shyntur jong u Ïakjakor, na ka shyntur jong u mradkhlaw, bad na ka shyntur jong u nongïathuhlypa balamler.

KA BAIBL

¹³ Bad nga la ïohi lai tylli ki mynsiem bymkhuid kum ki jakoid kiba mih na ka shyntur uta u ïakjakor, bad na ka shyntur uta u mrad khlaw, bad na ka shyntur uta u nongïathuhlypa balamler;

JINGPYNPAW 16:13 ပူးပေါင်းရင်းမြစ်များ

SALM 105:30

Ïa ka ri jong ki la pyndap da ki jakoid, wat ïa ka ïingsyiem la pyndap da ki.

SALM 78:45

U la phah ïa ki skain hapdeng jong ki, kiba pynkordit ïa ki, bad ïa ki jakoid kiba pynjot ïa ka ri jong ki.

MATHAÏOS 7:15

“To sumar ïa lade na ki nongïathuhlypa balamler; ki wan sha phi ki da i kum ki langbrot ha kaba shabar, hynrei ha kaba shapoh ki long shisha kum ki suri barunar.

JINGPYNPAW 16:14

Ki long ki mynsiem jong ki ksuid kiba leh ïa ki kambah. Kine lai tylli ki mynsiem ki leit noh sha ki syiem baroh jong ka pyrthei, ban lumlang ïa ki na ka bynta ka thma ha ka Sngi kaba khraw jong U Blei Badonbor Baroh.

JINGPYNPAW 18:2

U la pyrta ha ka sur kaba jam: “Ka la kyllon! Ka Babilon Bakhraw ka la kyllon! Mynta ka la long ka jaka shong ki ksuid bad ki mynsiem bymkhuid; baroh ki jait sim kiba jakhlia bad kiba isaitmet ki shong ha ka.

JINGPYNPAW 19:20

Ïa u mradkhlaw la ring koidi, lem bad ïa u nongïathuhlypa lamler uba la leh ki kambah ha ka jingdon ryngkat jong u. (Ka la long da kito ki kambah ba u la shukor ïa kito kiba la don ïa ka shab jong u mradkhlaw bad ïa kito kiba la mane ïa ka dur jong u mradkhlaw.) Ïa u mradkhlaw bad ïa u nongïathuhlypa lamler la bret im sha ka pung ding kaba klang da u kyndok.

JINGPYNPAW 20:10

Nangta ïa u Ksuid, uba la shukor ïa ki, la bret sha ka pung ka ding bad u kyndok, ha kaba la lah bret ïa u mradkhlaw bad ïa u nongïathuhlypa lamler, bad kin shah pynkordit mynsngi bad mynmiet junom la junom.