JINGPYNPAW 16:12 - Khasi CL Bible (BSI)

¹² Nangta u angel uba hynriew u la theh noh ïa ka pliang jong u ha ka wahbah Ïuphratis. Ka wah ka la rngad, ban pynbiang ka lynti ïa ki syiem kiba wan na mihngi.

KA BAIBL

¹² Bad uta u bahynriew u la theh noh ïa ka pliang jong u halor kata ka wah bakhraw, ka Ïuphratis; te ka um jong ka, ka la rngad noh, ba yn ïoh khreh ïa ka lynti bah ïa ki syiem kiba na mihngi.

JINGPYNPAW 16:12 ပူးပေါင်းရင်းမြစ်များ

ISAÏAH 11:15

U Trai un pynrngad ïa ka Sues, ka khmut duriaw, bad un wallam ka lyer khluit ban pynrngad ïa ka Ïuphratis, da kaba iehnoh ïa ki hynñiew tylli ki wahduid, khnang ba uno uno u lah ban ïaid sha shiliang.

ISAÏAH 41:25

“Nga la jied ïa u briew uba shong basah shaphang mihngi; ngan wallam ïa u ban tur ïaleh na shaphang shatei. Un ïuh halor ki nongsynshar la kumba dei ka ktieh, kum u nongthaw khiew uba ïuh ïa ka dewbyrtha.

ISAÏAH 42:15

Nga pyntwa ïa ki lumrit bad ki lumbah ngan pyntyrkhong ïa u phlang bad ki dieng. Ngan pynkylla ïa ki them wah sha ki jaka shyiap bad pyntyrkhong ïa ki pukri um.

ISAÏAH 44:27

Da ki ktien ka hukum nga pyntyrkhong ïa ka duriaw-bah.

ISAÏAH 46:11

Nga khot ïa u briew ban wan na sha mihngi; un suh wia sha tbian kum u kbeit bad pyndep ïa kaei kaba nga la thmu. Nga la kren, bad ngan leh ïa ka.

ISAÏAH 8:7

ma nga, U Trai, ngan wallam ïa u patsha jong ka Assyria bad ïa ki kynhun shipai jong u baroh ban tur ïaleh ïa ka Judah. Kin tur shaphrang kum ki um bashlei jong ka wah Ïuphratis, kiba lyngkien ïa ki rud jong ka baroh.

JEREMAÏAH 51:36

Bad U Trai u la ong ïa ki briew ka Jerusalem, “Ngan shimti na ka bynta jong phi bad ngan pynlong ïa ki nongshun jong phi ba kin hap siew ïa kaei kaba ki la leh ïa phi. Ngan pynrngad ïa ki tyllong um jong ka Babilonia bad ngan pynlong ïa ki wah jong ka ban tyrkhong.

JINGPYNPAW 11:14

Ka jingshyrkhei kaba ar ka la kut, hynrei ka jingshyrkhei kaba lai kan sa wan shen!

JINGPYNPAW 17:15

U angel u la ong ruh ha nga, “Ki um ïa kiba me la ïohi, ha kaba kata ka nuti ka shong, ki long ki jaitbynriew, ki paidlang, ki kynja bynriew bad ki jait ktien.

JINGPYNPAW 7:2

Bad nga la ïohi ïa uwei pat u angel uba wan kiew na shaphang mihngi lem bad ka shab jong U Blei uba im. U la pyrta ha ka ktien kaba jam ïa ki saw ngut ki angel ha kiba U Blei u la ai bor ban pynjot ïa ka khyndew bad ïa ka duriaw.

JINGPYNPAW 9:14

Kata ka sur ka la ong ha uta u angel uba hynriew, “To pyllait noh ïa ki saw ngut ki angel kiba la shah khum ha ka wahbah Ïuphratis!”