JINGPYNPAW 15:5 - Khasi CL Bible (BSI)

⁵ Hadien kane nga la ïohi ïa ka templ ha bneng ba ka plie, lem bad ka Ïingjaiñ ka Jingdon Ryngkat U Blei hapoh jong ka.

KA BAIBL

⁵ Bad hadien kine kiei kiei ruh, nga la ïohi, bad ha khmih, la plie wang ïa ka templ jong Ka Tabernakl jong ka jingphla ha bneng;

JINGPYNPAW 15:5 ပူးပေါင်းရင်းမြစ်များ

EKSODOS 25:21

Buh ïa ki mawlyngkniap hapoh ka synduk, bad ïa ka jingtap halor jong ka.

EKSODOS 38:21

Kane ka long ka jingbuh jingkheiñ ïa ki mar kiba la pyndonkam na ka bynta ka Ïingjaiñ ka Jingdon ryngkat U Trai ha kaba la buh ïa ki ar tylli ki mawlyngkniap ba la thoh ïa ki Shiphew Hukum. U Moses u hukum ban ai ïa kane ka jingkheiñ, bad la pynkhreh ïa ka da ki Lebi ha ka jingïalam u Ithamar, u khun jong u Aaron u lyngdoh.

JINGKHEIÑ 1:50

Hynrei, buh ïa ki Lebi ba kin peit bad sumar ïa ka Ïingjaiñ ka Jingdon Ryngkat jong nga bad ïa ki jingbuh jingsat jong ka baroh. Ki kin rah ïa ka, bad ïa ki tiar ki tar jong ka, kin shakri ha ka, bad kin pynïeng ïa la ki dara sawdong jong ka.

JINGKHEIÑ 1:53

Hynrei ki Lebi kin pynïeng dara sawdong ka Ïingjaiñ ban ap sumar ïa ka, khnang ba yn ym don mano mano ban wan sha jan bad pynkhie ïa ka jingbitar jong nga ban shoh ïa ka kynhun ki Israel.”

MATHAÏOS 27:51

Nangta ïa ka pyrda kaba la wah hapoh ka Templ la kad arliang naduh khlieh haduh tbian. Ka khyndew ka la khynñiuh, ki mawsiang ki pra la ka jong ka jong,

HEBRU 8:5

Ka kam kaba ki leh kum ki lyngdoh ka long shisha tang kum ka dur bad ka syrngiew ïa kaei kaba don ha bneng. Ka la long kajuh kumba ka la long bad u Moses. Haba u la dei ban thaw ïa kata ka Ïingjaiñ ka Jutang, U Blei u la ong ha u, “Pynthikna ban thaw ïa kiei kiei baroh kat kum kata ka nongmuna ïa kaba la pyn-i ha me halor uta u lum.”

JINGPYNPAW 11:19

Ïa ka Templ U Blei ha bneng la plie, bad ïa ka Synduk ka Jutang la ïohi hangta. Nangta la don ki jingthaba leilieh, ki jingkyrhuh bad ki jingsawa u pyrthat, ka jingkhynñiuh jumai bad ka jinghap phria kaba jur.

JINGPYNPAW 13:6

U la sdang ban tim ïa U Blei, ïa ka kyrteng jong u, ïa ka jaka shong jong u, bad ïa kito baroh kiba shong ha bneng.