JINGPYNPAW 15:3 - Khasi CL Bible (BSI)

³ bad ki da rwai ïa ka jingrwai u Moses, u shakri jong U Blei, bad ïa ka jingrwai U Khunlangbrot: “U Trai uba U Blei Badonbor Baroh, katno kiba khraw bad kiba phylla long ki kam jong me! U Syiem jong ki jaitbynriew, katno kiba dei bad kiba shisha ki long lynti jong me!

KA BAIBL

³ Bad ki ïarwai ïa ka jingrwai u Moses u shakri jong U Blei, bad ïa ka jingrwai jong uta U Khun langbrot, ki da ong, “Kiba khraw bad ba-iphylla long kita ki jingleh jong me, A U Trai uba U Blei Badonbor Baroh! ki bahok bad bashisha kita ki lynti jong me, U Syiem jong kita ki rta!

JINGPYNPAW 15:3 ပူးပေါင်းရင်းမြစ်များ

JENESIS 17:1

Haba u Abram u la dap khyndaiphew khyndai snem ka rta, U Trai u la mihpaw ha u bad u ong, “Nga long U Blei Badonbor Baroh. Kohnguh ïa nga bad ïai leh ïa kaba dei.

1 KHRONIKL 6:49

U Aaron bad ki khun ki ksiew jong u ki ai ïa ki jingkñia iwbih bad ki ai ïa ki jingkñia ba la thang ha ka duwan. Ki kitkhlieh ïa baroh ka jingmane ha Ka Jaka Bakyntang Tam bad ïa ki jingkñia da kiba U Blei u map ïa ki pop jong ki Israel. Ki leh ïa kane baroh kat kum ki jingbthah ba la ai da u Moses, u shakri U Blei.

2 KHRONIKL 24:6

kumta u phah khot ïa u Jehoïada, u nongïalam jong ki, bad u dawa, “Balei ba phim peit ïa kane ba ki Lebi ki lum na Judah bad Jerusalem ïa ka khajna kaba u Moses, u shakri jong U Trai, u la pan na ki briew ban siew ïa ka ban kyrshan ïa ka Ïingjaiñ Ka Jingdon Ryngkat U Trai?”

NEHEMAÏAH 9:14

Me hikai ïa ki ban sumar khuid ïa ki sngi Sabbaton, bad lyngba u shakri jong me u Moses me ai ha ki ïa ki hukum jong me.

Ka Kitab U Job 36:24

La ïai ïaroh ïa u namar kaei kaba u leh; phi ruh phi dei ban ïaroh ïa u.

Ka Kitab U Job 5:9

Ngim lah ban shemphang ïa kiei kiei kiba khraw kiba u leh, bad ki kambah jong u kim don jingkut.

SALM 100:5

U Trai u long uba bha; ka jingieit jong u ka neh bymjukut, bad ka jingïaineh jong u ka neh junom.

SALM 105:5

Ma phi ki khun ki ksiew jong u Abraham, u shakri jong u; ma phi ki khun ki ksiew u Jakob, u briew uba u la jied: Kynmaw ïa ki kambah ba U Blei u la leh bad ki jingbishar kiba u la ai.

SALM 111:2

A katno kiba phylla long kiei kiei kiba U Trai u la leh! Baroh kiba la kmen bad ki, ki kwah ban shemphang ïa ki.

SALM 111:7

Ha baroh kaba u leh u long uba ïaineh bad uba hok; ki hukum jong u baroh ki long kiba lah ban shaniah.

SALM 139:14

Nga ïaroh ïa me namar me long uba dei ban tiengburom; baroh kaba me leh ka long kaba pher bad baphylla. Nga tip ïa ka da ka dohnud jong nga baroh.

SALM 145:17

U Trai u long uba hok ha baroh kaba u leh, uba isynei ha baroh ki jingleh jong u.

SALM 145:6

Ki briew ki kren shaphang ki jingtrei borbah jong me, bad ngan pynbna ïa ka jingkhraw jong me.

SALM 18:30

Une U Blei — katno kiba janai long ki kam jong u! Katno ki ktien jong u ki long kiba lah ban shaniah! U long kum ka stieh ïa kito baroh kiba wad ïa ka jingïada jong u.

SALM 78:12

Katba ki kpa tymmen ki ap khmih, U Blei u la leh ïa ki kambah ha ki pyntha jong ka Soan ha ka ri Ijipt.

SALM 92:5

Katno kaba khraw long ki jingleh jong me, A Trai! Katno kaba jylliew long ki jingmut jong me!

SALM 99:4

Ko Syiem bakhlaiñbor, me ieit ïa kaei kaba dei; me la pynskhem ïa ka jingbishar hok ha Israel; me la wanrah ïa ka hok bad ka jinglehhok.

ISAÏAH 33:22

Baroh ki tyllai teh ha kito ki liengbah kim don jingmyntoi; ki jaiñ pdiang lyer kim lah ban pyiar! Ngin knieh noh ïa baroh ka spah jong ki kynhun shipai nongshun, bad kan bun haduh katta katta ba wat ki briew kiba dkoh ruh kin ïa-ïoh bynta. U Trai hi da lade un long u syiem jong ngi; un synshar halor jong ngi bad un ïada ïa ngi.

ISAÏAH 45:21

Ale bad ai ïa ka kam jong phi ha ka ïingbishar; ai ba ki nongïasaid kin ïasyllok uwei ïa uwei pat. Mano ba la ïathuhlypa slem mynshuwa kaei ban jia? Hato ym dei ma nga, U Trai, U Blei uba pynim ïa la ki briew? Ym don uwei pat U Blei.

DANIEL 6:20

Haba u la poi hangta, u la khot jam da ka jingkhmih lynti, “Ko Daniel, u shakri jong U Blei uba im! Hato U Blei uba me shakri hok katta katta u la lah mo ban pyllait im ïa me na ki sing?”

DANIEL 9:11

Ki Israel baroh ki la pynkheiñ ïa ki aiñ jong me bad ki kyntait ban shahshkor ïa kaei kaba me la ong. Ngi la leh pop pyrshah ïa me, bad kumta me la wallam ha ngi ïa ki jingtim kiba la thoh ha Ka Aiñ u Moses, u shakri jong me.

HOSIA 14:9

To ai ba kito kiba stad kin shemphang ïa kaei kaba la thoh hangne; bad ai ba kin pdiang ïa ki naduh ka dohnud. Ki lynti U Trai ki long kiba beit, bad ki briew kiba hok ki im da kaba bud ïa ki, hynrei ki nongpop ki jynthut bad ki kyllon namar ba kim suidñiew ïa ki.

MIKAH 7:20

Men pyn-i ïa ka jingïaineh jong me bad ka jingieit baneh ha la ki briew, ki khun ki ksiew jong u Abraham bad jong u Jakob, kumba me la kular ïa ki kpa tymmen jong ngi la slem bah.

SEPHANAÏAH 3:5

Hynrei U Trai u dang don ha ka nongbah; u leh ïa kaei kaba dei bad da lei lei ruh em ïa kaei ka bymdei. Man ka step khlem bakla, u wallam ka jinglehhok ha ki briew jong u. Bad pynban hangta ki briew bymhok ki ïai leh bymdei bad kim sngewlehrain.

SEKHARAÏAH 9:9

To kmen to shadkmen ko ki briew ka Seïon! Pyrta da ka jingkmen phi ki briew jong ka Jerusalem! Ha khmih u syiem jong phi u wan sha phi! U wan ha ka jingrisa bad ha ka jingjop, hynrei ha ka jingsngewrit bad u da shong halor ka kada — halor u khun kada.

ÏOANNIS 1:17

U Blei u la ai ïa ka hukum lyngba u Moses, hynrei ka jingaiei bad ka jingshisha ki la wan lyngba U Jisu Khrist.

DEUTERONOMI 31:30

Nangta u Moses u ïathuh ïa ki ktien jong kane ka jingrwai baroh kawei katba ki paid Israel baroh ki shahshkor.

DEUTERONOMI 32:3

Ngan ïaroh ïa ka kyrteng U Trai, bad ki briew jong u kin pynbna ïa ka jingkhraw jong u.

DEUTERONOMI 34:5

Kumta u Moses, u shakri U Trai, u la ïap hangta ha ri Moab, kumba U Trai u la ong.

1 TIMOTHI 1:17

Ha u Syiem bymjukut, u bymïap shuh bad u bym lah ban ïohi, uba tang ma u hi U Blei — ha u to long ka jingpyndonburom bad ka burom junom la junom! Amen.

HEBRU 3:5

U Moses u long uba lah ban shaniah ha ka ïing U Blei kum u shakri, bad u kren ïa kiei kiei kiba U Blei un sa kren ha ki por ki ban sa wan.

JOSHUA 22:5

Pynthikna ba phi kohnguh ïa ka aiñ kaba u Moses u la hukum ïa phi: ieit ïa U Trai U Blei jong phi, leh ïa ka mon jong u, kohnguh ïa ki hukum jong u, ïaineh ha u, bad shakri ïa u da ka dohnud bad ka mynsiem jong phi baroh.”

JINGPYNPAW 1:8

“Nga long u Alpha bad u Omega,” ong U Trai U Blei Badonbor Baroh, uba long, uba la long bad u ban sa wan.

JINGPYNPAW 14:3

Ki shi lakh sawphew saw hajar ngut ki briew ki la ïeng ha khmat ka khet, ha khmat ki saw tylli ki jingthaw ba-im, bad ha khmat ki nongsharai balang; ki la ïarwai ïa ka jingrwai kaba thymmai, kaba tang ma ki hi ki lah ban nang. Na ki bynriew baroh, ki long tang ma ki, kiba la siewspah.

JINGPYNPAW 14:8

U angel uba ar u la bud ïa uba nyngkong, u da ong, “Ka la kyllon! Ka Babilon Bakhraw ka la kyllon! Ka la pynlong ïa ki briew baroh ban dih ïa ka waiñ jong ka — ka waiñ kaba khor jong ka jingkwah brai khlem akor!”

JINGPYNPAW 17:14

Kin ïaleh pyrshah ïa U Khunlangbrot; hynrei U Khunlangbrot, lem bad ki nongbud jong u ïa kiba u la khot, u la jied, bad kiba ïaineh skhem, un jop ïa ki, namar ba u dei U Trai jong ki trai bad U Syiem jong ki syiem.”

JINGPYNPAW 19:16

Ha ka jaiñkup jong u bad ha ka lbong jong u la thoh ïa ka kyrteng: “U Syiem jong ki syiem bad U Trai jong ki trai.”

JINGPYNPAW 19:2

Ki jingbishar jong u ki long kiba shisha bad kiba hok! U la pynrem ïa ka nuti kaba pynpyut ïa ka khyndew da ki jingawria jong ka. U Blei u la pynshitom ïa ka namar ba ka la pynïap ïa ki shakri jong u.”

JINGPYNPAW 4:8

Baroh kita ki saw tylli ki jingthaw ba-im, ki don mar hynriew tylli ki thapniang, bad ïa ki la tap da ki khmat, shapoh bad shabar. Mynsngi bad mynmiet kim ju sangeh noh na kaba rwai: “Bakhuid, bakhuid, bakhuid, long U Trai U Blei Badonbor Baroh, Uba la long, uba long bad u ban sa wan.”