JINGPYNPAW 15:1 - Khasi CL Bible (BSI)

¹ Nangta nga la ïohi ha ka suiñbneng ïa kawei pat ka jingïohi kaba maïan, kaba khraw bad kaba iphylla. La don hynñiew ngut ki angel lem bad hynñiew tylli ki khlam, kiba long kiba khatduh, namar ki long ki jingpynpaw kiba khatduh jong ka jingbitar U Blei.

KA BAIBL

¹ Bad nga la ïohi ïa kawei pat ka dak khyllah ha bneng, kaba khraw bad ba-iphylla, hynñiew angel kiba don hynñiew ki jingïapthem, kiba long ki bakhatduh; naba ha ki la pyndep noh ïa kata ka jingbitar U Blei.

JINGPYNPAW 15:1 ပူးပေါင်းရင်းမြစ်များ

DANIEL 6:27

U pynim bad u pyllait im; u leh ïa ki jingphylla bad ki kambah ha bneng bad ha pyrthei. U la pynim ïa u Daniel na kaba shah pynïap ha ki sing.”

LEBITIKOS 26:21

“Lada phi dang ïaleh pyrshah ïa nga bad phim treh ban kohnguh ïa nga, ngan pynshitom shuh shuh ïa phi sa hynñiew shah.

JINGPYNPAW 10:3

bad u la pyrta da ka sur kaba jam kaba sawa kum ka jingkyrhuh ki sing. Hadien ba u la pyrta jam, ki hynñiew tylli ki pyrthat ki la jubab da ka jingkyrhuh.

JINGPYNPAW 11:14

Ka jingshyrkhei kaba ar ka la kut, hynrei ka jingshyrkhei kaba lai kan sa wan shen!

JINGPYNPAW 14:10

u hi da lade un dih ïa ka waiñ ka jong U Blei, ka waiñ ka jingbitar shla jong U, kaba u la theh noh ha ka bor jong ka baroh ha ka khuri ka jingbitar jong U! Baroh kiba leh ïa kane kin shah pynsaja ha ka ding bad ha u kyndok ha khmat ki angel bakhuid bad ha khmat U Khunlangbrot.

JINGPYNPAW 14:19

Kumta u angel u la pyndonkam ïa la ka rashi ha ka pyrthei, u la ot ïa ki sohwaiñ na uta u dieng sohwaiñ, bad u la bret ïa ki sha ka jaka khñiot waiñ jong ka jingbitar shla jong U Blei.

JINGPYNPAW 16:1

Nangta nga la ïohsngew ïa ka sur kaba jam kaba kren na ka Templ, ha ki hynñiew ngut ki angel: “Khie leit bad theh noh ïa ki hynñiew tylli ki pliang jong ka jingbitar U Blei ha ka pyrthei!”

JINGPYNPAW 17:1

Nangta uwei na kita ki hynñiew ngut ki angel kiba la don ïa ki hynñiew tylli ki pliang, u la wan sha nga bad u la ong, “Ale, ngan pyn-i ha me ba kumno yn pynshitom ïa ka nuti bapawnam, kata ka nongbah bakhraw ïa kaba la tei hajan ki wah babun.

JINGPYNPAW 19:15

Na ka shyntur jong u la mih ka waitlam kaba nep, da kata un jop ïa ki jaitbynriew. Un synshar halor jong ki da u diengduh nar, bad ïuhroit ïa ka waiñ hapoh ka jaka khñiot waiñ jong ka jingbitar shla jong U Blei U Badonbor Baroh.

JINGPYNPAW 21:9

Uwei na ki hynñiew ngut ki angel uba la don ïa ki hynñiew tylli ki pliang kiba dap da ki hynñiew tylli ki khlam kiba khatduh u la wan sha nga bad u la ong, “To wan, bad ngan pyn-i ha me ïa ka Nongleitkurim, ka tnga jong U Khunlangbrot.”

JINGPYNPAW 8:13

Nangta nga la khmih, nga la ïohsngew ïa u pukni uba her shajrong eh jong ka suiñ ba u pyrta ha ka sur kaba jam, “Kaba kordit! Kaba kordit! Katno kaba kordit kan long ïa baroh kiba shong ha ka pyrthei haba ka jingsawa ka mih na ki turoi ïa kaba kita kiwei pat ki lai ngut ki angel kin put.”

JINGPYNPAW 8:2

Nangta nga la ïohi ïa ki hynñiew ngut ki angel kiba ïeng ha khmat U Blei, bad la ai ha ki, hynñiew tylli ki turoi.

JINGPYNPAW 8:6

Nangta kita ki hynñiew ngut ki angel kiba don kita ki hynñiew tylli ki turoi ki la pynkhreh ban put ïa ki.

JINGPYNPAW 9:20

Kiba sah na u bynriew, baroh kito kiba ym shym la pynïap noh da kine ki jingïapthem, kim shym la phai noh na kaei kaba ki hi ki la pynlong. Kim shym la sangeh ban mane ïa ki ksuid, lane ïa ki blei ba la thaw da ka ksiar, ka rupa, ka rnong, u maw, bad da ka dieng, ki bym lah ban ïohi, ne ïohsngew, ne ïaid.