JINGPYNPAW 14:4 - Khasi CL Bible (BSI)

⁴ Ki long ki rangbah kiba la ri khuid ïa lade khlem ïathiah shongkha bad ki kynthei; ki long ki rangsotti. Ki bud ïa U Khunlangbrot kat shaba u leit. La siewspah ïa ki napdeng u khunbynriew bad ki long kiba nyngkong ïa kiba la ainguh ha U Blei bad ha u Khunlangbrot.

KA BAIBL

⁴ Kine ki long kita ïa kiba ym shym la pynbit-tngit bad ki kynthei, namar ki long ki rangsotti. Kine ki long kita kiba bud ïa uta U Khun langbrot kat shaba u leit. Ïa kine la siewspah noh napdeng ki briew, kum u soh nyngkong ha U Blei bad ha uta U Khun langbrot.

JINGPYNPAW 14:4 ပူးပေါင်းရင်းမြစ်များ

SALM 45:14

Ha ka sopti babun rong, la ïalam ïa ka sha u syiem, ba la bud da ki nongsynran kynthei, bad ïa ki ruh la wallam sha u.

SALM 74:2

To kynmaw ïa ki briew jong me, kiba me la jied na ka bynta ïa lade la slem bah, kiba me la wallam na ka jinglongmraw ban long ka jait ka jong me hi. To kynmaw ïa u lum Seïon, ha kaba shisien me la shong.

JINGRWAI SOLOMON 1:3

Ka don ka jingiw kaba iwbih shaphang jong phi; ka jingsawa ka kyrteng jong phi ka pynkynmaw ïa kata. Ym don kano kano ka briew ka bym lah khlem da ieit ïa phi.

JINGRWAI SOLOMON 6:8

Ai ba u syiem un don hynriewphew ngut ki mahadei, phraphew ngut ki tnga kliar, ki kynthei ba dang samla khlem ka jingkheiñ ïa ka jingdon jong ki!

JEREMAÏAH 2:3

Ko Israel, pha long tang ka jong nga hi; pha long ka jingdon bakyntang jong nga. Nga la phah ka jingshitom bad ka jingpynjot ha uwei pa uwei uba pynmong ïa pha. Ma nga, U Trai nga la kren.”

AMOS 6:1

Katno kaba sngewshyrkhei kan long ïa phi kiba shongsuk ha Seïon, bad ïa phi kiba sngewshngain ha Samaria — phi ki briew kiba khraw jong kane ka jaitbynriew Israel kaba khraw, phi sha kaba ki briew ki ju leit ban ïoh jingïarap!

MATHAÏOS 19:12

Naba don shibun ki daw baïapher balei ba ki briew kim lah ban shongkurim: katto katne, namar ba la kha ïa ki kumta; kiwei pat, namar ba ki briew ki pynlong ïa ki kumta; bad kiwei pat kim shongkurim na ka bynta ka Hima ki bneng. Ai ba uta uba lah ban pdiang ïa kane ka jinghikai un leh kumta.”

MATHAÏOS 25:1

“Ha kata ka por ka Hima ki bneng kan long kumne. Shisien la don shiphew ngut ki theisotti kiba la rah ïa la ki sharak bad ki la mih ban ïashem ïa u nongleitkurim.

MATHAÏOS 8:19

U nonghikai Aiñ u la wan sha u. “Ko Nonghikai,” u la ong, “Nga la kloi ban leit bad me kat shaba me leit.”

ÏOANNIS 10:27

Ki langbrot jong nga ki shahshkor ïa ka sur jong nga; nga ithuh ïa ki, bad ki bud ïa nga.

ÏOANNIS 12:26

Uno uno uba kwah ban shakri ïa nga u dei ban bud ïa nga, khnang ba u shakri jong nga un long lem bad nga hangno hangno ba nga don. Bad u Kpa jong nga un pyndonburom ïa uno uno uba shakri ïa nga.

ÏOANNIS 13:37

“Ko Trai, balei ngam lah ban bud ïa me mynta?” u Petros u la kylli. “Nga kloi ban ïap na ka bynta jong me!”

ÏOANNIS 8:12

U Jisu u la kren biang ha ki Pharisi. “Nga long ka Jingshai jong ka Pyrthei,” u la ong. “Uno uno uba bud ïa nga un ïoh ïa ka jingshai jong ka jingim bad da lei lei un ym ïaid ha ka jingdum.”

KI KAM 20:28

To sumar bha ïa lade bad ïa ka kynhun baroh kawei ïa kaba U Mynsiem Bakhuid u la buh ha ka jingsumar jong phi. To sharai ïa ka balang U Blei, ïa kaba u la pynlong ka jong u hi lyngba ka jingïap ba aiti lut jong u khun jong U.

1 KORINTH 16:15

Phi tip shaphang u Stephanas bad ka longïing jong u; ki long ki Khristan kiba nyngkong eh ha Akhaïa bad ki la aiti ïa lade ïa ka ban shakri ïa ki briew jong U Blei.

1 KORINTH 6:20

Phim long la u jong hi hynrei jong U Blei; u la thied ïa phi da ka dor. Kumta to pyndonkam ïa ki met jong phi na ka bynta ka burom jong U Blei.

1 KORINTH 7:28

Hynrei lada phin shongkurim ruh, phim shym la leh pop; bad lada ka briew ka bym pat shongkurim ka shongkurim noh, kam shym la leh pop. Hynrei ngan jin da la kwah ban pyllait ïa phi na ki jingeh kiba man ka sngi ïa kiba kita kiba la shongkurim kin don.

2 KORINTH 11:2

Nga don ka jingsngewkhia na ka bynta jong phi, kumba U Blei u sngew; phi long kum ka theisotti basngur ïa kaba nga la kular ha ka jingshongkurim bad tang ïa uwei u briew, U Khrist hi.

EPHESOS 1:14

U Mynsiem u long ka jingbahkhlieh ba ngin sa ïohpdiang ïa kaei kaba U Blei u la kular ha ki briew jong u, bad kane ka pynthikna ïa ngi ba U Blei un ai ka jinglaitluid kaba pura ha kito kiba long ki jong u. To ngin ïaroh ïa ka burom jong u!

1 TIMOTHI 4:3

Kiba kum kita ki briew ki hikai ba ka long ka bym dei ban shongkurim bad ban bam kyndiah ïa ki katto katne ki jait jingbam. Hynrei U Blei u la thaw ïa kito ki jingbam ban bam, hadien ka jingduwai sngewnguh, da kito kiba long kiba ngeit bad kiba la tip ïa ka jingshisha.

HEBRU 12:23

Phi la wan sha ka jingïalumlang kaba kmen jong ki khun shynrang ba la kha nyngkong jong U Blei, kiba ïa ki kyrteng jong ki la thoh ha bneng. Phi la wan sha U Blei uba long u nongbishar ki bynriew baroh, bad sha ki mynsiem jong ki briew kiba bha ïa kiba la pynjanai.

JAKOB 1:18

Da ka mon sngewbha jong u hi u la wallam ïa ngi sha ka jingim lyngba ka ktien jong ka jingshisha, khnang ba ngi dei ban ïoh ïa ka jaka kaba nyngkong hapdeng ki jingthaw baroh.

1 PETROS 2:9

Hynrei ma phi, phi long ka kynja ba la jied, ki lyngdoh jong U Syiem, ka jaitbynriew bakhuid, ki briew kiba dei jong U Blei hi, ba la jied ban pynbna ïa ki kam baphylla jong U Blei, uba la khot noh ïa phi na ka jingdum sha ka jingshai baphylla jong u hi.

JINGPYNPAW 17:14

Kin ïaleh pyrshah ïa U Khunlangbrot; hynrei U Khunlangbrot, lem bad ki nongbud jong u ïa kiba u la khot, u la jied, bad kiba ïaineh skhem, un jop ïa ki, namar ba u dei U Trai jong ki trai bad U Syiem jong ki syiem.”

JINGPYNPAW 21:22

Ngam shym ïohi ïa ka templ ha ka nongbah, namar ka templ jong ka, u long U Trai U Blei Badonbor Baroh bad U Khunlangbrot.

JINGPYNPAW 21:23

Ka nongbah kam donkam ïa ka sngi lane ïa u bnai ban tyngshaiñ halor jong ka, namar ba ka burom jong U Trai ka tyngshaiñ halor jong ka, bad U Khunlangbrot u long ka sharak jong ka.

JINGPYNPAW 3:4

Hynrei katto katne ngut na pha hangto ha Sardis kim shym la pyntngit ïa ki jaiñkup jong ki. Phan ïaid ryngkat bad nga, da kaba phong da ki jaiñkup balieh, namar pha long kaba dei hok ban leh kumta.

JINGPYNPAW 5:9

Ki la rwai ka jingrwai bathymmai: “Me long uba dei hok ban shim ïa ka kot kli bad ban pynpait ïa ki jingpyndait jong ka. Naba la pynïap ïa me, bad da ka jingïap ba aiti lut jong me me la siew kuna na ka bynta ki briew jong U Blei na kawei pa kawei ka jait, ka jait ktien, ka hima bad ka jaitbynriew.