JINGPYNPAW 14:2 - Khasi CL Bible (BSI)

² Bad nga la ïohsngew ïa ka sur na bneng kaba sawa kum ka jingkyrhuh jong ka kshaid, bad kum ka jingtied jam jong u pyrthat. Ka sawa kum ka sur jingtem ba la tem da ki nongtem kiba tem ïa la ki duitara.

KA BAIBL

² Bad nga la ïohsngew ïa ka ktien sawa na bneng, kum ka jingsawa shibun ki um, bad kum ka jingsawa u pyrthat bakhraw: bad kata ka jingsawa kaba nga la ïohsngew, ka la long kum ka jingsawa ki nongtem duitara haba ki ïatem ha ki duitara jong ki.

JINGPYNPAW 14:2 ပူးပေါင်းရင်းမြစ်များ

2 SAMUEL 6:5

U Dabid bad ki Israel baroh ki la ïashad kmen bad ïarwai shitrhem da ka bor baroh ban burom ïa U Trai. Ki da tem ïa ki duitara, ki jingtem ksai, ki ksing, ki kanjari, bad ki shakuriaw.

2 KHRONIKL 20:28

Haba ki la poi ha ka nongbah, ki ïaid sha ka Templ, ryngkat bad ki jingtem jingput ki duitara bad ki turoi.

SALM 147:7

To rwai ki jingrwai jong ka jingïaroh ïa U Trai; tem ïa ki sur ha ka duitara ha U Blei jong ngi.

SALM 149:3

To ïaroh ïa ka kyrteng jong u da ka jingshad; to tem ki ksing bad ki duitara ha ka jingïaroh ïa u.

SALM 33:2

To ai ki jingainguh ïa U Trai ha ki duitara, to rwai ha u da ki jingtem ksai.

SALM 43:4

Te ngan leit sha ka duwan jong me, A Blei; me long ka thymmei jong ka jingkmen jong nga. Ngan tem ïa ka duitara jong nga bad rwai ka jingïaroh ïa me, A Blei, U Blei jong nga.

SALM 57:8

To khie noh, ko mynsiem jong nga! To khie noh, ko ka duitara bad ka jingtem ksai jong nga! Ngan kyrsiew ïa ka sngi.

SALM 92:3

ha ka sur jong ki jingtem ksai bad ha ka jingkyn-ud ka duitara.

SALM 93:4

U Trai u synshar hakhlieh eh ha bneng, kham khraw ban ïa ka jingkyrhuh jong ka duriaw-bah, kham donbor ban ïa ki jingat phyllung jong ka duriaw.

SALM 98:5

To rwai ki jingïaroh ha U Trai! To tem ïa ki sur ha ki duitara!

EKSODOS 19:16

Ha ka step jong ka sngi kaba lai, la don u pyrthat bad ka leilieh, u lyoh uba rben u la paw halor u lum, bad la ïohsngew ïa ka turoi kaba sawa jam. Baroh ki briew kiba don ha ka jaka sher dara ki la kyiuh da ka jingsheptieng.

EKSODOS 20:18

Haba ki paidbah ki la ïohsngew ïa ka jingtied u pyrthat bad ïa ka jingsawa ka turoi, bad ïohi ïa ka leilieh bad ïa uta u lum uba mih tdem, ki la kyiuh da ka jingsheptieng bad ki la ïeng noh sha jngai.

ISAÏAH 17:13

Ki jaitbynriew ki ïaid shaphrang kum ki jingat phyllung kiba wan stet, hynrei U Blei u sneng ïa ki bad ki kynran, la beh noh ïa ki kum u pui pui ha ki sharing lum, kum u phlangïap ha ka 'erlangthari.

ESEKIEL 43:2

bad hangta nga la ïohi ba wan na shaphang mihngi ka jingshai ba-thaba jong ka jingdon U Blei ki Israel. Ka sur jong U Blei ka sawa kum ka jingkyrhuh ka duriaw, bad ka pyrthei ka phyrnai da ka jingshai ba-thaba.

SEKHARAÏAH 9:14

U Trai un mihpaw halor ki briew jong u; un siat ïa ki khnam jong u kum ka leilieh. U Trai Nongsynshar un pynsawa ïa ka turoi; un ïaid ha ki 'erïong na shathie.

1 KORINTH 13:1

Nga lah ban kren ha ki ktien jong ki briew bad wat ha ka jong ki angel ruh, hynrei lada ngam don ka jingieit, ka jingkren jong nga ka long kum ka wiang rnong ba sawa ne kum ka shakuriaw bariew shaw shaw.

JINGPYNPAW 1:10

Ha ka sngi U Trai, U Mynsiem u la shim ïa nga, bad nga la ïohsngew ïa ka sur bajam, kaba sawa kum ka turoi, kaba kren na shadien jong nga.

JINGPYNPAW 1:15

ki kjat jong u ki phyrnai kum ka rnong ba la phrang bad ba la pynphyrnai, bad ka sur jong u ka sawa kum ka kshaid bakyrhuh.

JINGPYNPAW 11:12

Nangta kita ki ar ngut ki nongïathuhlypa ki la ïohsngew ïa ka sur kaba jam na bneng kaba ong ïa ki, “To wan kiew shane!” Katba ki nongshun jong ki, ki dang khmih, ki la kiew sha bneng ha u lyoh.

JINGPYNPAW 11:15

Nangta u angel uba hynñiew u la put ïa la ka turoi, bad la don ki sur kiba jam ha bneng, kiba ong, “Ka bor ban synshar halor ka pyrthei ka long mynta ka jong U Trai jong ngi bad jong U Messaïah jong u, bad un synshar junom la junom!”

JINGPYNPAW 15:2

Nangta nga la ïohi ïa kaei kaba i kum ka ïit bakhraw kaba la khleh lang bad ka ding. Nga la ïohi ruh ïa kito kiba la jop ïa u mradkhlaw bad ïa ka dur jong u bad ïa uta uba ka kyrteng jong u la mihkhmat da u dak jingkheiñ. Ki la ïeng hajan ka ïit bakhraw, ki da bat ïa ki duitara kiba U Blei u la ai ha ki

JINGPYNPAW 18:22

Ïa ka sur jingtem jong ki duitara bad ka sur jong ki nongrwai, jong ki nongput ïa ka tangmuri bad ïa ka turoi, yn ym ïohsngew shuh ha pha! Ïa uno uno u nongtrei ha kano kano ka kam yn ym shem shuh ha pha; bad ïa ka jingsawa jong u mawtylliat yn ym ïohsngew shuh!

JINGPYNPAW 5:8

Katba u dang leh kumta, kita ki saw tylli ki jingthaw ba-im bad ki arphew saw ngut ki nongsharai balang ki la dem khrup ha khmat U Khunlangbrot. Uwei pa uwei u la don ka duitara bad ki pliang ksiar ba la pyndap da ka jingiwbih, kiba long ki jingduwai jong ki briew jong U Blei.

JINGPYNPAW 6:1

Nangta nga la ïohi ïa U Khunlangbrot ba u pynpait noh ïa kawei na ki hynñiew tylli ki jingpyndait, bad nga la ïohsngew ïa uwei na ki saw tylli ki jingthaw ba-im ba u ong ha ka sur kaba sawa kum u pyrthat, “To wan!”

JINGPYNPAW 8:7

U angel uba nyngkong u la put ïa la ka turoi. U phria bad ka ding, ba la khleh lang bad ka snam, ki la hap halor ka khyndew. Shi bynta na ka lai bynta jong ka khyndew la thang duh noh, shi bynta na ka lai bynta jong ki dieng, bad ïa baroh ki phlang bajyrngam.