JINGPYNPAW 14:15 - Khasi CL Bible (BSI)

¹⁵ Nangta uwei pat u angel u la wan mihnoh na ka Templ bad u la pyrta da ka sur kaba jam sha uta uba shong halor u lyoh, “To pyndonkam ïa la ka rashi bad to ot ïa ka jingot, namar ka por ka la poi; ka pyrthei ka la ih na ka bynta ka jingot!”

KA BAIBL

¹⁵ Bad uwei pat u angel u la wan mih noh na ka ïing Blei, u da pyrta da ka ktien bajam ha uta uba shong halor uta u lyoh, “To phah noh ïa kata ka rashi jong me, bad to ot; naba kata ka aïom ban ot ka la wan, naba kata ka jingot ka khyndew ka la ih rkhiang.”

JINGPYNPAW 14:15 ပူးပေါင်းရင်းမြစ်များ

JENESIS 15:6

U Abram u la shaniah ha U Trai; bad namar kane, U Trai u la sngewbha ïa u bad u la pdiang ïa u.

ISAÏAH 62:1

Ngan kren jam ban pynshlur ïa ka Jerusalem; ngan ym sngap jar haduh ba yn pynim ïa ka, bad ka jingjop jong ka kan tyngshaiñ kum ka jingshai ha ka por mynmiet.

JEREMAÏAH 51:33

Shen u nongshun un ot ïa ki bad un ïuhroit ïa ki kum u kew ha ka jaka tylliat kew. Ma nga, U Trai Badonbor Baroh, U Blei jong ki Israel, nga la kren.”

JOEL 3:13

Ki long kiba bymman haduh katta katta; ot ïa ki kum ïa u kew ha ka aïom ot; pynlwet ïa ki kum ïa ki sohwaiñ ha ka jaka pynmih umsoh haduh ba ka umsoh ka shlei.”

MATHAÏOS 13:30

Ai ba u kew bad ki ñiut kin ïasan lang tad haduh ka aïom ot. Nangta ngan ong ha ki nongot ban rat nyngkong ïa ki ñiut, ban tehsong ïa ki bad ban thang ïa ki, bad nangta ban lumlang shapoh ïa u kew bad buh ïa u ha ka thiar jong nga.’ ”

MATHAÏOS 13:39

bad u nongshun uba la bet ïa ki ñiut u long u Ksuid. Ka jingot ka long kaba kut jong ka Ïa, bad ki nongot ki long ki angel.

MATHAÏOS 23:32

To nang ïaid, bad pyndep ïa kaei kaba ki kpa tymmen jong phi ki la sdang!

MARKOS 4:29

Haba u kew u la ih, u briew u sdang ban ot ïa u da ka rashi, namar ka aïom ot ka la poi.

1 THESSALONI 2:16

Ki la pyrshang wat ban pynsangeh ïa ngi na kaba ïalap ha ki Jentil ïa ka khubor ka ban wallam ka jingpynim ha ki. Ha kane ka rukom ki la pyndep ïa baroh ki pop kiba ki la ju ïai leh. Bad mynta ka jingbitar jong U Blei ha kaba kut ka la wan hiar halor jong ki!

JINGPYNPAW 11:19

Ïa ka Templ U Blei ha bneng la plie, bad ïa ka Synduk ka Jutang la ïohi hangta. Nangta la don ki jingthaba leilieh, ki jingkyrhuh bad ki jingsawa u pyrthat, ka jingkhynñiuh jumai bad ka jinghap phria kaba jur.

JINGPYNPAW 13:12

U la pyndonkam ïa ka bor synshar baïar jong u mradkhlaw uba nyngkong ha ka jingdon ryngkat jong u. U la pynbor ïa ka pyrthei bad ïa baroh kiba shong ha ka ban mane ïa u mradkhlaw uba nyngkong, uba ka jingmynsaw jong u ka la ïohkhiah.

JINGPYNPAW 14:14

Nangta nga la khmih, bad la don u lyoh uba lieh, bad uba shong halor u lyoh u la long uta uba i kum u briew, uba don ka pansngiat ksiar halor ka khlieh jong u bad ka rashi kaba nep ha ka kti jong u.

JINGPYNPAW 14:16

Te uta uba shong halor u lyoh u la pyndonkam ïa la ka rashi ha ka pyrthei, bad la ïohlum ïa ka jingot jong ka pyrthei.

JINGPYNPAW 14:17

Nangta nga la ïohi ïa uwei pat u angel ba u wan mihnoh na ka Templ ha bneng, bad u ruh u la don ka rashi kaba nep.

JINGPYNPAW 14:18

Nangta sa uwei pat u angel, uba dei khmih ïa ka ding, u la wan na ka duwan. U la pyrta ha ka sur kaba jam sha uta u angel uba la don ka rashi kaba nep, “To pyndonkam ïa la ka rashi, bad ot ïa ki sohwaiñ na ka bri sohwaiñ jong ka pyrthei, namar ba ki sohwaiñ ki la ih!”

JINGPYNPAW 15:6

Ki hynñiew ki angel kiba la don ïa ki hynñiew tylli ki khlam ki la mihnoh na ka Templ, kiba la kup da ki jaiñ linen ba-thaba kiba khuid lem bad ki panpoh ksiar ba la teh sawdong ki shadem jong ki.

JINGPYNPAW 16:17

Nangta u angel uba hynñiew u la theh noh ïa ka pliang jong u ha suiñ. Ka sur kaba jam ka la wan na ka khet kaba ha ka templ, ka da ong, “La pyndep!”

JINGPYNPAW 6:10

Ki la pyrta da ka sur kaba jam, “Ko Trai Badonbor Baroh, u bakhuid bad uba shisha! Sa katno kan long haduh ba men da bishar ïa ki briew ha ka pyrthei bad pynshitom ïa ki namar ba ki pynïap ïa ngi?”