JINGPYNPAW 14:14 - Khasi CL Bible (BSI)

¹⁴ Nangta nga la khmih, bad la don u lyoh uba lieh, bad uba shong halor u lyoh u la long uta uba i kum u briew, uba don ka pansngiat ksiar halor ka khlieh jong u bad ka rashi kaba nep ha ka kti jong u.

KA BAIBL

¹⁴ Bad nga la ïohi, te ha khmih, u lyoh balieh; bad halor uta u lyoh u da shong uba kum U Khun u briew, uba don halor ka khlieh jong u ka pansngiat ksiar, bad ha ka kti jong u ka rashi banep.

JINGPYNPAW 14:14 ပူးပေါင်းရင်းမြစ်များ

SALM 21:3

Me wan sha u bad ki jingkyrkhu kiba khraw bad pynphong da ka pansngiat ksiar halor ka khlieh jong u.

SALM 97:2

Ki lyoh bad ka jingdum ki ker sawdong ïa u; u synshar da ka hok bad ka jingbishar hok.

ISAÏAH 19:1

Kane ka dei ka khubor shaphang ka Ijipt. U Trai u wan sha Ijipt, u da shong ha u lyoh uba ïaid stet. Ki bleithaw jong ki Ijipt ki khynñiuh ha khmat jong u, bad ki briew jong ka Ijipt ki duh noh ïa ka jingshlur jong ki.

ESEKIEL 1:26

Halor ka tnum ka don kaei kaei kaba i kum ka khet; ba la shna da u mawkordor Sapphir; bad don bashong halor kata ka khet ba i kum u briew.

DANIEL 7:13

Ha kane ka jingïohipaw ha ka por mynmiet, nga la ïohi ïa kaei kaba i kum u briew. U la wan sha nga, ba la ker sawdong da u lyoh, bad u la leit sha uta uba la im junom bad la ai sngewbha ha u.

MATHAÏOS 13:30

Ai ba u kew bad ki ñiut kin ïasan lang tad haduh ka aïom ot. Nangta ngan ong ha ki nongot ban rat nyngkong ïa ki ñiut, ban tehsong ïa ki bad ban thang ïa ki, bad nangta ban lumlang shapoh ïa u kew bad buh ïa u ha ka thiar jong nga.’ ”

MATHAÏOS 17:5

Katba u dang kren, u lyoh uba tyngshaiñ u la wan halor jong ki, bad ka sur na u lyoh ka la ong, “Une u long U Khun uba ieit jong nga, ha uba nga sngewbha eh — to shahshkor ïa u!”

MARKOS 4:29

Haba u kew u la ih, u briew u sdang ban ot ïa u da ka rashi, namar ka aïom ot ka la poi.

LOUKAS 21:27

Nangta U Khun U Briew un paw, u da wan ha ki lyoh lem bad ka bor bad ka burom bakhraw.

HEBRU 2:9

Hynrei ngi da ïohi ïa U Jisu, ïa uba la pynlong shipor kham hapoh ban ïa ki angel, kumta ba lyngba ka jingaiei ka jong U Blei, u dei ban shahïap na ka bynta uwei pa uwei baroh. Mynta ngi ïohi ïa u, ba la pynphong pansngiat da ka burom bad da ka jingpyndonburom namar ka jingïap kaba u la shah.

JINGPYNPAW 1:13

bad napdeng jong ki, la don uba i kum U Khun U Briew, uba kup ka jaiñkup kaba kot haduh ki kjat jong u, bad u don u panpoh ksiar sawdong ka shadem jong u.

JINGPYNPAW 1:7

Ha khmih, u wan ha ki lyoh! Baroh kin ïohi ïa u, kynthup ïa kito kiba la sum ïa u. Ki jaitbynriew baroh ha ka pyrthei kin ïamkthang namar jong u. Kumta kan long!

JINGPYNPAW 10:1

Nangta nga la ïohi sa uwei pat u angel bakhrawbor ba u wan hiar na bneng. La sop ïa u ha u lyoh bad la don u simpyllieng sawdong ka khlieh jong u; ka durkhmat jong u ka long kum ka sngi, bad ki kjat jong u kum ki rishot ding.

JINGPYNPAW 19:12

Ki khmat jong u ki la long kum ka thylliej ding, bad u la phong shibun ki pansngiat ha ka khlieh jong u. U la don ka kyrteng ïa kaba la thoh halor jong u ïa kaba ym don batip hynrei lait tang ma u hi.

JINGPYNPAW 20:11

Nangta nga la ïohi ïa ka khet balieh kaba khraw bad ïa uta uba shong ha ka. Ka pyrthei bad ka bneng ki la phet na khmat jong u bad ym shym la ïohi shuh ïa ki.

JINGPYNPAW 6:2

Nga la khmih, bad hangta la don u kulai balieh. Halor jong u, u nongshong kulai u la bat ïa ka ryntieh, bad ha u la ai ïa ka pansngiat. U la shong halor jong u kum u nongjop ban jop.