JINGPYNPAW 14:1 - Khasi CL Bible (BSI)

¹ Te nga la peit, bad la don U Khunlangbrot uba ïeng halor u lum Seïon; lem bad u la don shi lakh sawphew saw hajar ngut ki briew kiba la don ïa ka kyrteng jong u, bad ïa ka kyrteng jong U Kpa jong u ïa kaba la thoh ha ki shyllangmat jong ki.

KA BAIBL

¹ Te nga la ïohi, bad ha khmih, U Khun langbrot u ïeng halor u lum Seïon, bad lem bad u ruh shispah sawphew saw hajar ngut, kiba don kata ka kyrteng jong u, bad ka kyrteng U Kpa jong u, ïa kaba la thoh halor ki shyllangmat jong ki.

JINGPYNPAW 14:1 ပူးပေါင်းရင်းမြစ်များ

SALM 2:6

“Ha Seïon, u lum bakyntang jong nga,” u ong, “nga la thung ïa u syiem jong nga.”

ISAÏAH 49:14

Hynrei ki briew jong ka Jerusalem ki la ong, “U Trai u la iehnoh ïa ngi! U la klet ïa ngi.”

JEREMAÏAH 1:11

U Trai u kylli ïa nga, “Ko Jeremaïah, kaei me ïohi?” Nga jubab, “U tnat jong u diengsoh Almond.”

ESEKIEL 1:4

Nga la khmied, bad nga la ïohi ïa ka 'erïong ba ka wan na shaphang shatei. Ka leilieh ka thaba na u lyoh uba rben, bad ka sahit bneng sawdong jong u, ka phyrnai. Ha ka jaka ba ka leilieh ka thaba, don kaei kaei kaba phyrnai kum ka rnong.

ESEKIEL 10:1

Nga la khmied sha tnum halor ki khlieh ki kherub bad halor jong ki ka don kaei kaei kaba i kum ka khet ba la shna na u mawkordor sapphir.

ESEKIEL 10:9

Nga la ïohi ruh ba la don saw tylli ki shalyntem, baroh kiba ïasyriem, hajan uwei pa uwei kherub.

ESEKIEL 2:9

Nga la ïohi ïa ka kti ba la kner sha nga bad ka bat ïa ka kot kli.

ESEKIEL 44:4

Te uta u briew u la ïalam ïa nga lyngba ka khyrdop bashaphang shatei haduh ha khmat ka Templ. Katba nga dang khmih, nga la ïohi ba ïa ka Templ U Trai la pyndap da ka jingshai ba-thaba jong ka jingdon ryngkat jong u.

ESEKIEL 8:7

U la ïalam ïa nga sha ka jaka rung sha ka phyllaw kaba shabar bad pyn-i ïa nga ïa ka thliew ha ka kynroh.

ESEKIEL 9:4

“Khie ïaid lyngba ïa ka nongbah Jerusalem bad buh dak ha ka shyllangmat jong uwei pa uwei uba shem jynjar bad khuslai namar ki kiei kiei baroh kiba ijli kiba la leh ha ka nongbah.”

DANIEL 12:5

Nangta nga la ïohi ar ngut ki rangbah kiba ïeng harud wah, uwei ha kawei kawei ka liang.

JOEL 2:32

Hynrei baroh uba kyrpad ïa U Trai na ka bynta ka jingïarap, yn pynim. Kumba U Trai U la ong, ‘Katto katne ha Jerusalem, kin lait im; kito ïa kiba nga jied, kin im.’ ”

AMOS 8:2

U Trai u kylli, “Ko Amos, me ïohi aïu?” “Shi shang ki soh,” nga la jubab. Nangta U Trai u la ong ha nga, “Kaba kut ka la wan ha ki briew jong nga ki Israel. Ngan ym kylla shuh la ka jingmut shaphang kaba pynshitom ïa ki.

MIKAH 4:7

Ki la long kiba dkoh bad jngai na ïing, hynrei ngan pynlong ka jingsdang kaba thymmai bad kito kiba sah, bad kin long ka jaitbynriew kaba khraw. Ngan synshar halor jong ki ha u lum Seïon naduh kata ka por bad junom.”

SEKHARAÏAH 4:2

“Kaei me ïohi?” U la kylli. “U diengpynïeng sharak ba la shna da ka ksiar,” nga la jubab. Ha ka kliar ka don ka pliang na ka bynta ka umphniang. “Halor u diengpynïeng sharak don hynñiew tylli ki sharak, kawei kawei bad ki jaka na ka bynta ki hynñiew tylli ki ksai sharak.

LOUKAS 12:8

“Nga pynthikna ïa phi ba uno uno uba pynbna ha kaba paw ba u long u jong nga, U Khun U Briew un leh kumjuh ïa u ha khmat ki angel jong U Blei.

Ka Shithi U Paul Sha Ki Nong Rom 9:33

uba ka Jingthoh Bakhuid ka kren shaphang uta: “Ha khmih, nga buh ha Seïon ïa u maw u ban pynlong ïa ki briew ban jynthut, u mawsiang u ban pynlong ïa ki ban kyllon. Hynrei uno uno uba ngeit ha u un ym shem ïa kaba sngewsih.”

JINGPYNPAW 14:14

Nangta nga la khmih, bad la don u lyoh uba lieh, bad uba shong halor u lyoh u la long uta uba i kum u briew, uba don ka pansngiat ksiar halor ka khlieh jong u bad ka rashi kaba nep ha ka kti jong u.

JINGPYNPAW 14:3

Ki shi lakh sawphew saw hajar ngut ki briew ki la ïeng ha khmat ka khet, ha khmat ki saw tylli ki jingthaw ba-im, bad ha khmat ki nongsharai balang; ki la ïarwai ïa ka jingrwai kaba thymmai, kaba tang ma ki hi ki lah ban nang. Na ki bynriew baroh, ki long tang ma ki, kiba la siewspah.

JINGPYNPAW 15:5

Hadien kane nga la ïohi ïa ka templ ha bneng ba ka plie, lem bad ka Ïingjaiñ ka Jingdon Ryngkat U Blei hapoh jong ka.

JINGPYNPAW 22:4

Kin ïohi ïa ka durkhmat jong u, bad ïa ka kyrteng jong u yn thoh ha ki shyllangmat jong ki.

JINGPYNPAW 3:12

Ngan pynlong ïa uta uba jop, u rijied ha ka Templ jong U Blei jong nga, bad un ïailong hangta. Ngan thoh halor jong u ïa ka kyrteng U Blei jong nga bad ka kyrteng jong ka nongbah jong U Blei jong nga, ka Jerusalem bathymmai, ka ban wan hiar na bneng na U Blei jong nga. Ngan thoh ruh halor jong u ïa ka kyrteng bathymmai jong nga.

JINGPYNPAW 4:1

Ha kane ka por, nga don kawei pat ka jingïohipaw bad nga la ïohi ïa ka jingkhang ba plie ha bneng. Bad nga la ïohsngew ïa ka sur kaba sawa kum ka turoi kaba nga la ïohsngew kaba kren ha nga kumba mynshuwa, kaba ong, “Wan kiew shane shalor, bad ngan pyn-i ïa me kaei kaba dei ban jia hadien kane.”

JINGPYNPAW 6:8

Nga la khmih, bad hangta la don u kulai uba lieh bthuh. Ïa u nongshong kulai la ai kyrteng “ka Jingïap”, bad ka Hades ka bud syndah nadien. La ai ha ki ka bor halor shipawa na ka pyrthei, ban pynïap da ka thma, ka 'nemsniew, ka khlam, bad da ki mradkhlaw.