JINGPYNPAW 13:7 - Khasi CL Bible (BSI)

⁷ La shah ïa u ban ïaleh pyrshah ïa ki briew jong U Blei bad ban jop ïa ki, bad la ai ha u ïa ka bor halor kawei pa kawei ka jaitbynriew, ka hima, ka ktien bad halor u bynriew baïapher.

KA BAIBL

⁷ Bad la ai bor ha u ban ïaleh thma bad kita ki riewkhuid, bad ban jop noh ïa ki: bad la ai ha u ïa ka bor synshar halor ka jaid, bad u paidlang, bad ka thylliej, bad ka kynja bynriew baroh.

JINGPYNPAW 13:7 ပူးပေါင်းရင်းမြစ်များ

EKSODOS 9:16

Hynrei ban pyn-i ha me ïa ka bor jong nga, nga la shah ba men dang im, khnang ba yn ïoh pynbna ïa ka kyrteng jong nga ha ka pyrthei baroh kawei.

ISAÏAH 10:15

Hynrei U Trai u ong, “Hato u sdie un kam ba u kham khraw ban ïa uta uba pyndonkam ïa u? Hato ka kurat ka long kaba kham donkam ban ïa uta uba tar da ka? U dieng tangon um rah ïa u briew; u briew u rah ïa u dieng tangon.”

ISAÏAH 37:26

“Hato mem pat ju ïohsngew ba nga la thmu ïa kane baroh slem mynshuwa? Bad mynta nga pynurlong ïa ka. Nga ai ha me ka bor ban pynkylla ïa ki nongbah ba la ker kynroh sha ki kynton theh ñiut.

JEREMAÏAH 25:9

‘Ngan sa phah ïa ki jaitbynriew baroh na shatei bad ïa u shakri jong nga, u Nebukhadnessar u syiem ka Babilonia. Ngan wanrah ïa ki ban ïaleh pyrshah ïa ka Judah bad ïa ki nongshong shnong jong ka, bad pyrshah ïa ki jaitbynriew baroh kiba shong marjan bad ka. Ngan pynduh khoit ïa kane ka jaitbynriew bad ki paramarjan jong ka bad ngan sa ieh ïa ki ha ka jingjot junom, kaei kaei kaba ishyrkhei bad kaba pynkyndit ban peit. Ma nga, U Trai, nga la kren.

DANIEL 12:1

U angel uba kup ki jaiñ linen u la ong, “Ha kata ka por, u Mikhael, u angel uba khraw, uba ïada ïa ki briew jong me, un mihpaw. Nangta kan don ka por ki jingjynjar, kaba kham sniew tam naduh ba ki jaitbynriew ki mih. Haba kata ka por ka wan, baroh ki briew jong ka jaitbynriew jong me kiba ïa ki kyrteng jong ki la thoh ha ka kitab ka jong U Blei yn pynim.

DANIEL 7:21

Mynba nga dang khmih, kata ka reng ka pynlong thma bad ki briew jong U Blei bad ka la jop ïa ki.

DANIEL 7:25

Un kren pyrshah ïa U Blei Bahakhlieh Tam Eh bad banbeiñ ïa ki briew jong U Blei. Un pyrshang ban pynkylla ïa ki aiñ niam bad ïa ki Jingkhawai Niam jong ki, bad ki briew jong U Blei kin long hapoh ka bor jong u haduh lai snem shiteng.

LOUKAS 4:6

“Ngan ai ha me ïa kane ka bor baroh bad ïa kane ka spah baroh,” u Soitan u la ong ïa u. “La ai ïa kane baroh ha nga, bad nga lah ban ai ïa ka ha uno uno uba nga jied.

ÏOANNIS 19:11

U Jisu u la jubab, “Me don ka bor halor jong nga tang namar ba la ai ha me da U Blei. Kumta u briew uba aiti noh ïa nga ha me u long uba la rem na ka pop kaba kham khraw.”

JINGPYNPAW 10:11

Te la ïathuh ïa nga, “Sa shisien pat ka dei ïa me ban pynbna ïa ka khubor U Blei sha kiba bun ki jaitbynriew, ki kynja bynriew, ki jait ktien, bad ki syiem.”

JINGPYNPAW 11:18

Kiba mane blei thala ki la dap da ka jingbitar shla, namar ka por jong ka jingbitar jong me ka la poi, ka por ban bishar ïa kiba ïap. Ka por ka la poi ban ainong ïa ki shakri jong me, ki nongïathuhlypa, bad ïa ki briew jong me baroh, kito baroh kiba tiengburom ïa me, kiba khraw bad kiba rit kumjuh. Ka por ka la poi ban pynjot ïa kito kiba pynjot ïa ka pyrthei!”

JINGPYNPAW 11:7

Haba ki dep ban pynbna ïa ka khubor jong ki, uta u mradkhlaw uba wan kiew na ka liewlong ba khlem trai un ïaleh pyrshah ïa ki.

JINGPYNPAW 12:17

U Ïakjakor u la bitar shla ïa kata ka briew bad u la leit noh ban ïaleh pyrshah ïa ki khun ki ksiew jong ka kiba dang sah, ïa baroh kito kiba kohnguh ïa ki hukum jong U Blei bad kiba ïaineh ha ka jingshisha ïa kaba U Jisu u la pynpaw.

JINGPYNPAW 17:15

U angel u la ong ruh ha nga, “Ki um ïa kiba me la ïohi, ha kaba kata ka nuti ka shong, ki long ki jaitbynriew, ki paidlang, ki kynja bynriew bad ki jait ktien.

JINGPYNPAW 5:9

Ki la rwai ka jingrwai bathymmai: “Me long uba dei hok ban shim ïa ka kot kli bad ban pynpait ïa ki jingpyndait jong ka. Naba la pynïap ïa me, bad da ka jingïap ba aiti lut jong me me la siew kuna na ka bynta ki briew jong U Blei na kawei pa kawei ka jait, ka jait ktien, ka hima bad ka jaitbynriew.