JINGPYNPAW 13:4 - Khasi CL Bible (BSI)

⁴ Uwei pa uwei u la mane ïa u Ïakjakor namar ba u la ai ïa la ka bor synshar ha uta u mradkhlaw. Ki la mane ruh ïa uta u mradkhlaw, bad ki la ong, “Uei uba kum u mradkhlaw? Uei uba lah ban ïaleh pyrshah ïa u?”

KA BAIBL

⁴ Bad ki la ïamane dem ïa uta u ïakjakor naba u la aiti ïa ka bor synshar jong u ha uta u mrad khlaw; te ki la ïamane dem ïa uta u mrad khlaw, ki da ong, “Uei, uba long kum uta u mrad khlaw? uei uba lah ban ïaleh thma bad u?”

JINGPYNPAW 13:4 ပူးပေါင်းရင်းမြစ်များ

EKSODOS 15:11

“Ko Trai, uei uba kat ma me hapdeng ki blei? Uei keiñ uba kum ma me, uba phylla ha ka jinglongkhuid? Uei uba lah ban leh ki kambah bad ki kamphylla kum ma me?

ISAÏAH 46:5

“Badno phin nujor ïa nga?” ong U Trai. “Hato don uno uno uba kum ma nga?

2 KORINTH 4:4

Kim shym la ngeit, namar ba ïa ki jingmut jong ki la kah dum da u blei basniew jong kane ka pyrthei. U khang ïa ki ba kin ïohi ïa ka jingshai kaba tyngshaiñ ha ki, ka jingshai kaba mihnoh na kata ka Khubor Babha shaphang ka burom jong U Khrist, uba long ka dur jong U Blei.

DEUTERONOMI 9:2

Ki briew pat ki long kiba radbah bad kiba jrong rynïeng; ki dei ki ramhah, bad phi la bna ba don kiba ong ba ym don mano mano uba lah ban ïeng ïaleh ïa ki.

2 THESSALONI 2:4

Un pyrshah ïa kaei kaei baroh ba la khot blei, lane ïa kano kano ban mane, bad un buh ïa lade halor jong ki baroh. Wat shapoh un leit rung bad shong hapoh ka Templ U Blei bad kam ba u long U Blei.

JINGPYNPAW 12:3

Sa kawei pat ka dak bamaïan ka la paw ha ka sahit bneng. La don u Ïakjakor uba heh bad uba rong saw uba don hynñiew tylli ki khlieh bad shiphew tylli ki reng, bad kawei ka pansngiat ha kawei pa kawei jong ki khlieh jong u.

JINGPYNPAW 12:4

Da u tdong jong u, u la patan na ka sahit bneng ïa shi bynta na ki lai bynta ki khlur bad u la bret arsut ïa ki sha ka khyndew. U la ïeng ha khmat jong kata ka briew, khnang ban bam ïa u khunlung jong ka tang mar ïa kha ïa u.

JINGPYNPAW 13:11

Nangta nga la ïohi sa uwei pat u mradkhlaw, uba la wan kiew napoh ka khyndew. U la don ar tylli ki reng kum ki jong u khunlangbrot, bad u la kren kum u Ïakjakor.

JINGPYNPAW 13:15

La shah ïa u mradkhlaw uba ar ban pyrsad jingim ha kata ka dur jong u mradkhlaw uba nyngkong, khnang ba ka durblei ka lah ban kren bad pynïap ïa kito baroh ki ban ym mane ïa ka.

JINGPYNPAW 13:2

Uta u mradkhlaw u ïasyriem ïa u 'labasa, bad ki kjat kum ki kjat dngiem bad ka shyntur u kum ka shyntur sing. U Ïakjakor u la ai ha u mradkhlaw ïa ka bor jong u hi, ïa ka khet jong u, bad ïa ka bor synshar baïar jong u.

JINGPYNPAW 17:14

Kin ïaleh pyrshah ïa U Khunlangbrot; hynrei U Khunlangbrot, lem bad ki nongbud jong u ïa kiba u la khot, u la jied, bad kiba ïaineh skhem, un jop ïa ki, namar ba u dei U Trai jong ki trai bad U Syiem jong ki syiem.”

JINGPYNPAW 18:18

bad ki la lynñiar jam haba ki la ïohi ïa ka tdem na ki thylliej dieng kiba la bam duh ïa ka: “Ym pat ju don kawei pat ka nongbah kum kane ka nongbah kaba khraw!”

JINGPYNPAW 9:20

Kiba sah na u bynriew, baroh kito kiba ym shym la pynïap noh da kine ki jingïapthem, kim shym la phai noh na kaei kaba ki hi ki la pynlong. Kim shym la sangeh ban mane ïa ki ksuid, lane ïa ki blei ba la thaw da ka ksiar, ka rupa, ka rnong, u maw, bad da ka dieng, ki bym lah ban ïohi, ne ïohsngew, ne ïaid.

1 SAMUEL 17:24

Haba ki Israel ki ïohi ïa u Goliath, ki her krad na u da ka jingsheptieng.