JINGPYNPAW 13:2 - Khasi CL Bible (BSI)

² Uta u mradkhlaw u ïasyriem ïa u 'labasa, bad ki kjat kum ki kjat dngiem bad ka shyntur u kum ka shyntur sing. U Ïakjakor u la ai ha u mradkhlaw ïa ka bor jong u hi, ïa ka khet jong u, bad ïa ka bor synshar baïar jong u.

KA BAIBL

² Bad uta u mrad khlaw ïa uba nga la ïohi, u la syriem ïa u 'labasa, bad ki kjat jong u kum ki kjat dngiem, bad ka shyntur jong u kum ka shyntur sing: te uta u ïakjakor u la aiti ha u ïa ka bor jong u, bad ïa ka khet jong u, bad ïa ka bor synshar bakhraw.

JINGPYNPAW 13:2 ပူးပေါင်းရင်းမြစ်များ

2 SYIEM 2:24

U Elisha u phai dien, u la khmih da ka jingbitar ïa ki, bad u la tim ïa ki ha ka kyrteng jong U Trai. Nangta ar tylli ki dngiem kynthei ki la wan mih na khlaw bad ki la patar lyngkhot lyngkhai ïa ki sawphew ar ngut ki khynnah shynrang.

SALM 22:21

Pyllait ïa nga na kine ki sing; ngam lah leh ei ei ha khmat kine ki masi prut.

PROBERB 17:12

Ka kham bha ban ïakynduh ïa ka dngiem kaba la duh noh ïa la ki khun ban ïa kaba ïakynduh ïa uno uno uba bieit uba bunkam ha ka kam mutlop.

PROBERB 28:15

Ki briew kiba duk ki long khlem jingïarap ha khmat u nongsynshar uba sniew; u long uba shyrkhei kum u sing uba kyrhuh ne ka dngiem kaba tur.

ISAÏAH 5:29

Ki shipai ki kyrhuh kum ki sing kiba la pynïap ïa ka mrad bad kiba la rong ïa ka sha ka jaka ha kaba ym don ba lah ban knieh ïa ka na ki.

JEREMAÏAH 13:23

U briew uba ïong u lah mo ban pynkylla ïa ka rong jong ka sniehdoh jong u, lane u 'labasa u lah mo ban weng ïa ki jingthoh ïong jong u? Lada ki lah, te ma pha ka bym leh ïa kano kano hynrei ka jingsniew pha lah ban tip ban leh ïa kaei kaba dei.

JEREMAÏAH 5:6

Dei kata keiñ balei ba ki sing na khlaw kin pynïap ïa ki, ki suri na ka ri shyiap kin tar lyngkhot ïa ki, bad ki 'labasa kin ïaid apthap lyngba ki shong jong ki. Lada kito ki briew ki mih shabar, yn tar lyngkhot ïa ki namar ki pop jong ki, ki long kiba bun bad na ka por sha ka por ki la phai dien noh na U Blei.

HOSIA 11:10

“Ki briew jong nga kin sa wan bud ïa nga haba nga kyrhuh kum u sing ïa ki nongshun jong ki. Kin wan kyrkieh sha nga na sha sepngi.

AMOS 3:12

U Trai u ong, “Kumba u nongaplangbrot u shem pat sa tang ar tylli ki kjat, ne ka shkor jong ka langbrot ba u sing u la bam, kumta ruh yn pyllait im tang khyndiat ïa ki briew ka Samaria, kiba mynta ki shong shaniah ha ki jingthiah baremdor.

AMOS 5:19

Kan long kum haba u briew u phet ïap na u sing bad u ïakynduh ïa ka dngiem! lane kum haba u briew u wan sha la ïing bad buh ïa la ka kti ha ka kynroh — tang ban shah puh ha u bseiñ!

HABAKKUK 1:8

“Ki kulai jong ki, ki kham stet ban ïa ki 'labasa, kham shyrkhei ban ïa ki suri bathngan. Ki nongshong kulai jong ki, ki wan tur na ki jaka ba sha jngai; ki kulai jong ki, ki trud ïa ka khyndew. Ki wan suh wia kum ki pukni kiba tur ha ka jingbam.

2 TIMOTHI 4:17

Hynrei U Trai u la pynim ïa nga bad u la ai bor ïa nga, ba nga la lah ban ïalap ïa ka gospel, bad ba ki Jentil baroh kin ïohsngew; U Blei u la pyllait ïa nga na ka jingïap.

1 PETROS 5:8

To leh adkar, to sharai! U nongshun jong phi, u Ksuid, u shang kylleng kum u sing bakyrhuh, da kaba wad ïa uno uno ba un nguid tylli.

JINGPYNPAW 12:13

Haba u Ïakjakor u la sngewthuh ba u la shah bret noh arsut sha ka khyndew, u la sdang ban thwet ïa kata ka briew kaba la kha khun shynrang.

JINGPYNPAW 12:15

Bad nangta na ka shyntur jong u, u Ïakjakor u la theh noh ïa jingshlei um nadien jong kata ka briew, khnang ba yn kit noh ïa ka.

JINGPYNPAW 12:9

Ïa u Ïakjakor uba heh la bret shabar — ïa uta u bseiñ na mynbarim, ïa uba la khot u Ksuid, lane u Soitan, uta uba la shukor ïa ka pyrthei baroh kawei. La bret arsut ïa u sha ka khyndew, bad ïa ki angel baroh jong u lem bad u.

JINGPYNPAW 13:12

U la pyndonkam ïa ka bor synshar baïar jong u mradkhlaw uba nyngkong ha ka jingdon ryngkat jong u. U la pynbor ïa ka pyrthei bad ïa baroh kiba shong ha ka ban mane ïa u mradkhlaw uba nyngkong, uba ka jingmynsaw jong u ka la ïohkhiah.

JINGPYNPAW 13:4

Uwei pa uwei u la mane ïa u Ïakjakor namar ba u la ai ïa la ka bor synshar ha uta u mradkhlaw. Ki la mane ruh ïa uta u mradkhlaw, bad ki la ong, “Uei uba kum u mradkhlaw? Uei uba lah ban ïaleh pyrshah ïa u?”

JINGPYNPAW 16:10

Nangta u angel uba san u la theh noh ïa ka pliang jong u ha ka khet jong u mradkhlaw. Ka jingdum ka la tap ïa ka hima jong u mradkhlaw, bad ki briew ki la dait ïa la ki thylliej namar ka jingpang jong ki,

JINGPYNPAW 17:12

“Ki shiphew tylli ki reng kiba me la ïohi ki long ki shiphew ngut ki syiem ki bym pat shym la sdang ban synshar, hynrei ki ban sa ïoh ka iktiar ban synshar kum ki syiem tang shi kynta bad u mradkhlaw.

JINGPYNPAW 19:20

Ïa u mradkhlaw la ring koidi, lem bad ïa u nongïathuhlypa lamler uba la leh ki kambah ha ka jingdon ryngkat jong u. (Ka la long da kito ki kambah ba u la shukor ïa kito kiba la don ïa ka shab jong u mradkhlaw bad ïa kito kiba la mane ïa ka dur jong u mradkhlaw.) Ïa u mradkhlaw bad ïa u nongïathuhlypa lamler la bret im sha ka pung ding kaba klang da u kyndok.

JINGPYNPAW 2:13

Nga tip hangno pha shong, hangta ha kaba u Soitan u don ka khet jong u. Pha long kaba shisha ha nga, bad pham shym la phai dien noh na ka jingngeit jong pha na nga wat ha ka por mynba u Antipas, u sakhi baïaineh jong nga, u la shah pynïap hangta ha ka jaka ba u Soitan u shong u sah.

JINGPYNPAW 20:2

U la kem ïa u Ïakjakor, ïa uta u 'seiñ hyndai — kata, u Ksuid lane u Soitan — bad u la teh kynjri ïa u haduh shihajar snem.