JINGPYNPAW 13:17 - Khasi CL Bible (BSI)

¹⁷ Ym don mano mano ba lah ban thied ne die khlem don kane ka shab, kaba long, ka kyrteng jong u mradkhlaw lane u dak jingkheiñ uba ïeng na ka bynta ka kyrteng jong u.

KA BAIBL

¹⁷ bad ba uno uno ruh un ym lah ban thied lane ban die, hynrei, tang uta uba don kata ka dak, kata ka kyrteng hi uta u mrad khlaw keiñ, lane kata ka jingkheiñ ka kyrteng jong u.

JINGPYNPAW 13:17 ပူးပေါင်းရင်းမြစ်များ

GALATIA 6:17

Ban pynkut: Wat ai ba uno uno un buh jingeh shuh ïa nga, namar ki dak mong kiba nga don ha ka met jong nga ki pyn-i ba nga long u mraw jong U Jisu.

JINGPYNPAW 13:16

U mradkhlaw u la pynbor ïa ki briew baroh, kiba rit bad kiba khraw, kiba riewspah bad kiba duk, ki mraw bad kiba laitluid, ban don ka shab ïa kaba la buh ha ki kti kamon jong ki lane ha ki shyllangmat jong ki.

JINGPYNPAW 13:18

Kane ka dawa ïa ka jingstad. Uno uno uba shemphang u lah ban batai ïa ka jingmut jong u dak jingkheiñ jong u mradkhlaw, namar u dak jingkheiñ u ïeng na ka bynta ka kyrteng jong u briew. U dak jingkheiñ jong kata ka kyrteng u long hynriewspah hynriewphew hynriew.

JINGPYNPAW 14:11

Ka tdem jong ka ding kaba pynsaja ïa ki ka kiew shajrong junom la junom. Ym don jingtngen mynsngi ne mynmiet ïa kito kiba mane ïa u mradkhlaw bad ïa ka dur jong u, ïa uno uno uba don ïa ka shab jong ka kyrteng jong u mradkhlaw.”

JINGPYNPAW 14:9

U angel uba lai u la bud ïa ki ar ngut ki angel kiba sha khmat, da kaba kren ha ka sur kaba jam, “Uno uno u mane ïa u mradkhlaw bad ïa ka dur jong u bad pdiang ïa ka shab ha ka shyllangmat jong u lane ha ka kti jong u,

JINGPYNPAW 15:2

Nangta nga la ïohi ïa kaei kaba i kum ka ïit bakhraw kaba la khleh lang bad ka ding. Nga la ïohi ruh ïa kito kiba la jop ïa u mradkhlaw bad ïa ka dur jong u bad ïa uta uba ka kyrteng jong u la mihkhmat da u dak jingkheiñ. Ki la ïeng hajan ka ïit bakhraw, ki da bat ïa ki duitara kiba U Blei u la ai ha ki

JINGPYNPAW 17:5

Ha ka shyllangmat jong ka, la thoh ïa ka kyrteng kaba don ka jingmut kaba rieh: “Ka Babilon Bakhraw, ka kmie jong ki nuti baroh bad kiba sakma baroh ha ka pyrthei.”

JINGPYNPAW 20:4

Nangta nga la ïohi ïa ki khet bad ha kito kiba shong ha ki la ai ïa ka bor ban bishar. Nga la ïohi ruh ïa ki mynsiem jong kito kiba la shah pynïap namar ba ki la pynbna ïa ka jingshisha ïa kaba U Jisu u la pynpaw bad ïa ka ktien U Blei. Kim shym la mane ïa u mradkhlaw lane ïa ka dur jong u, lymne ba ki la pdiang ïa ka shab jong u mradkhlaw ha ki shyllangmat jong ki lane ha ki kti jong ki. Ki la im pat bad ki la synshar kum ki syiem bad U Khrist shihajar snem.

JINGPYNPAW 22:4

Kin ïohi ïa ka durkhmat jong u, bad ïa ka kyrteng jong u yn thoh ha ki shyllangmat jong ki.

JINGPYNPAW 3:12

Ngan pynlong ïa uta uba jop, u rijied ha ka Templ jong U Blei jong nga, bad un ïailong hangta. Ngan thoh halor jong u ïa ka kyrteng U Blei jong nga bad ka kyrteng jong ka nongbah jong U Blei jong nga, ka Jerusalem bathymmai, ka ban wan hiar na bneng na U Blei jong nga. Ngan thoh ruh halor jong u ïa ka kyrteng bathymmai jong nga.

JINGPYNPAW 7:3

U angel u la ong, “Wat pynsniew ïa ka khyndew, ka duriaw ne ïa ki dieng, katba ym pat buh dak ïa ki shakri jong U Blei jong ngi da ka shab ha ki shyllangmat jong ki.”