JINGPYNPAW 13:16 - Khasi CL Bible (BSI)

¹⁶ U mradkhlaw u la pynbor ïa ki briew baroh, kiba rit bad kiba khraw, kiba riewspah bad kiba duk, ki mraw bad kiba laitluid, ban don ka shab ïa kaba la buh ha ki kti kamon jong ki lane ha ki shyllangmat jong ki.

KA BAIBL

¹⁶ Bad u pynlong ïa ki baroh, ïa ki barit baraiñ ruh bad ki bakhraw batri, ïa ki bariewspah ruh bad ki baduk, ïa kiba laitluid ruh bad ki mraw, ba yn buh ha ki, ïa ka dak halor ka kti kamon jong ki, lane halor ki shyllangmat jong ki;

JINGPYNPAW 13:16 ပူးပေါင်းရင်းမြစ်များ

2 KHRONIKL 15:13

Mano mano, samla ne tymmen, shynrang ne kynthei, ki bym mane ïa U, la pynïap.

Ka Kitab U Job 34:19

Um ïashah liang bad ki nongsynshar ne pynpaw ba u kham lah ïa kiba riewspah ban ïa kiba duk, naba u la thaw ïa ki baroh.

SALM 115:13

Un kyrkhu ïa uwei pa uwei uba pyndonburom ïa u, kiba khraw bad kiba rit kumjuh.

SALM 49:2

kiba rit bad kiba khraw kumjuh, kiba duk bad kiba riewspah baroh lang.

EKSODOS 13:9

Kane ka jingrakhe kan long ka jingpynkynmaw, kum kaei kaei kaba la teh ha ka kti jong phi ne ha ka shyllangmat jong phi; kan pynkynmaw ïa phi ban ïai kren bad ïai puson ïa ka Aiñ U Trai, namar U Trai u la ïalam noh ïa phi na ka ri Ijipt da ka borbah jong u.

ESEKIEL 9:4

“Khie ïaid lyngba ïa ka nongbah Jerusalem bad buh dak ha ka shyllangmat jong uwei pa uwei uba shem jynjar bad khuslai namar ki kiei kiei baroh kiba ijli kiba la leh ha ka nongbah.”

SEKHARAÏAH 13:6

Te lada uno uno u kylli ïa u, ‘Kiei kito ki jingmong ha ka shadem jong phi?’ Un jubab, ‘Nga la ïoh ïa ki ha ka ïing u paralok.’ ”

KI KAM 26:22

Hynrei haduh kane ka sngi, la ïarap ïa nga da U Blei, bad kumta nga ïeng hangne ban ai ïa ka jingsakhi jong nga ha baroh, ha uba rit bad ha uba khraw kumjuh. Kaei kaba nga ong ka long kajuh hi kaba ki nongïathuhlypa bad u Moses ki la ong ba kan sa jia:

1 KORINTH 12:13

Ha kajuh ka rukom, baroh na ngi, la ngi long ki Jiw ne ki Jentil, ki mraw ne kiba laitluid, la pynbaptis ha kawei ka met da ujuh U Mynsiem, bad la ai ha ngi ïa ujuh U Mynsiem ban ïoh dih.

GALATIA 3:28

Kumta, ym don jingïapher hapdeng ki Jiw bad ki Jentil, hapdeng ki mraw bad kiba laitluid, hapdeng ki shynrang bad ki kynthei; phi baroh phi ïalong kawei ha U Khrist Jisu.

GALATIA 6:17

Ban pynkut: Wat ai ba uno uno un buh jingeh shuh ïa nga, namar ki dak mong kiba nga don ha ka met jong nga ki pyn-i ba nga long u mraw jong U Jisu.

EPHESOS 6:8

To kynmaw ba U Trai un ainong ïa uwei pa uwei, la u mraw ne uba laitluid, namar ka kam babha ba u trei.

DEUTERONOMI 11:18

“To kynmaw ïa kine ki hukum bad ñiewkor ïa ki. Teh ïa ki ha ki ksang'ti jong phi bad deng ïa ki ha ki shyllangmat jong phi kum ka jingpynkynmaw.

DEUTERONOMI 6:8

Kum ka dak ka jingpynkynmaw, teh ïa ki ha ki ksang'ti jong phi bad deng ïa ki ha ki shyllangmat jong phi.

KOLOSSAI 3:11

Kaba mih na kata, ka long ba ym don shuh ka jingpynïapher hapdeng ki Jentil bad ki Jiw, kiba la shah otsher bad ki bym shym la shah otsher, ki riewkhlaw, ki riewdum, ki mraw bad kiba laitluid; hynrei U Khrist u long baroh, U Khrist u long ha baroh.

2 TIMOTHI 3:8

Kumba u Jannes bad u Jambres ki la ïeng ïaleh pyrshah ïa u Moses, kumta ruh kine ki briew ki ïaleh pyrshah ïa ka jingshisha — ki briew kiba ki jingmut jong ki kim treikam bad kiba la shahjop ha ka jingngeit.

JINGPYNPAW 11:18

Kiba mane blei thala ki la dap da ka jingbitar shla, namar ka por jong ka jingbitar jong me ka la poi, ka por ban bishar ïa kiba ïap. Ka por ka la poi ban ainong ïa ki shakri jong me, ki nongïathuhlypa, bad ïa ki briew jong me baroh, kito baroh kiba tiengburom ïa me, kiba khraw bad kiba rit kumjuh. Ka por ka la poi ban pynjot ïa kito kiba pynjot ïa ka pyrthei!”

JINGPYNPAW 15:2

Nangta nga la ïohi ïa kaei kaba i kum ka ïit bakhraw kaba la khleh lang bad ka ding. Nga la ïohi ruh ïa kito kiba la jop ïa u mradkhlaw bad ïa ka dur jong u bad ïa uta uba ka kyrteng jong u la mihkhmat da u dak jingkheiñ. Ki la ïeng hajan ka ïit bakhraw, ki da bat ïa ki duitara kiba U Blei u la ai ha ki

JINGPYNPAW 19:18

Ale bad bam ïa ka doh jong ki syiem, ki nongïalam shipai, bad jong ki shipai, ka doh jong ki kulai bad ki nongshong jong ki, ka doh jong ki briew baroh, ki mraw bad kiba laitluid, kiba rit bad kiba khraw!”

JINGPYNPAW 19:20

Ïa u mradkhlaw la ring koidi, lem bad ïa u nongïathuhlypa lamler uba la leh ki kambah ha ka jingdon ryngkat jong u. (Ka la long da kito ki kambah ba u la shukor ïa kito kiba la don ïa ka shab jong u mradkhlaw bad ïa kito kiba la mane ïa ka dur jong u mradkhlaw.) Ïa u mradkhlaw bad ïa u nongïathuhlypa lamler la bret im sha ka pung ding kaba klang da u kyndok.

JINGPYNPAW 19:5

Nangta, ka jingsawa jong ka sur ka la wan na ka khet, ka da ong, “To ïaroh ïa U Blei jong ngi, phi baroh ki shakri bad ki briew jong u, kiba rit bad kiba khraw kumjuh, kiba ñiewburom ïa u!”

JINGPYNPAW 20:12

Bad nga la ïohi ïa kiba ïap, kiba rit bad kiba khraw kumjuh, kiba ïeng ha khmat jong ka khet. Ïa ki kitab la plied, bad nangta la plied sa kawei pat ka kitab, ka kitab jong kiba im. Ïa kiba ïap la bishar kat kum kaei kaba ki la leh, kumba la buh jingthoh ha ki kitab.

JINGPYNPAW 20:4

Nangta nga la ïohi ïa ki khet bad ha kito kiba shong ha ki la ai ïa ka bor ban bishar. Nga la ïohi ruh ïa ki mynsiem jong kito kiba la shah pynïap namar ba ki la pynbna ïa ka jingshisha ïa kaba U Jisu u la pynpaw bad ïa ka ktien U Blei. Kim shym la mane ïa u mradkhlaw lane ïa ka dur jong u, lymne ba ki la pdiang ïa ka shab jong u mradkhlaw ha ki shyllangmat jong ki lane ha ki kti jong ki. Ki la im pat bad ki la synshar kum ki syiem bad U Khrist shihajar snem.

JINGPYNPAW 6:15

Te ki syiem jong ka pyrthei, ki nongsynshar bad ki rangbah shipai, kiba riewspah bad kiba donbor, bad kiwei pat ki briew baroh, ki mraw ne kiba laitluid, ki la buhrieh ïa lade ha ki krem bad ha ki synrang maw ba-don ha ki lum.

JINGPYNPAW 7:3

U angel u la ong, “Wat pynsniew ïa ka khyndew, ka duriaw ne ïa ki dieng, katba ym pat buh dak ïa ki shakri jong U Blei jong ngi da ka shab ha ki shyllangmat jong ki.”