JINGPYNPAW 13:15 - Khasi CL Bible (BSI)

¹⁵ La shah ïa u mradkhlaw uba ar ban pyrsad jingim ha kata ka dur jong u mradkhlaw uba nyngkong, khnang ba ka durblei ka lah ban kren bad pynïap ïa kito baroh ki ban ym mane ïa ka.

KA BAIBL

¹⁵ Bad la ai bor ha u ban ai ka mynsiem ha kata ka dur uta u mrad khlaw, ba kata ka dur uta u mrad khlaw kan da ïoh kren ruh, bad ba kan ïoh pynlong ba kat ki ban ym mane dem ïa kata ka dur uta u mrad khlaw, yn pynïap noh ïa ki.

JINGPYNPAW 13:15 ပူးပေါင်းရင်းမြစ်များ

JENESIS 2:7

Nangta U Trai U Blei u la shim katto katne ka dewmet na ka khyndew bad thaw ïa u briew na ka; u la pyrsad ka jingpyrsad ba ai jingim ha ki thliew khmut jong u bad uta u briew u la kylla long u jingthaw ba-im.

SALM 115:5

Ki don ki shyntur, hynrei kim lah ban kren; bad ki khmat, hynrei kim lah ban ïohi.

JEREMAÏAH 10:14

Ha ka jingïohi ïa kane, ki rangbah ki sngew mutlop bad kim sngewthuh ei ei; kito kiba shna bleithaw ki shah pynthame, namar ki blei kiba ki shna ki long kiba bakla bad kim don jingim.

JEREMAÏAH 10:5

Kiba kum kine ki bleithaw ki long kum ki jingpyntieng ïa ki sim ha ki lyngkha sohkhia; kim lah ban kren; la dei ban rah ïa ki namar kim lah ban ïaid. Wat sheptieng ïa ki: kim lah ban pynmynsaw ïa phi, bad kim lah ban lehbha ïa phi.”

JEREMAÏAH 51:17

Ha ka jingïohi ïa kane, ki briew ki long mutlop bad kumba ïap; kito kiba shna ïa ki bleithaw ki lyngngoh ngaiñ namar ki blei ba ki shna ki long kiba shu thok bad khlem jingim.

DANIEL 7:20

Bad nga la kwah ban tip shaphang ki shiphew tylli ki reng halor ka khlieh jong u bad ïa ka reng kaba la mih hadien bad kaba la pynhap ïa ki lai tylli ki reng. Ka la don ki khmat bad ka shyntur bad ka da kob sarong. Ka la kham ishyrkhei ban ïa kiwei pat.

DANIEL 7:25

Un kren pyrshah ïa U Blei Bahakhlieh Tam Eh bad banbeiñ ïa ki briew jong U Blei. Un pyrshang ban pynkylla ïa ki aiñ niam bad ïa ki Jingkhawai Niam jong ki, bad ki briew jong U Blei kin long hapoh ka bor jong u haduh lai snem shiteng.

HABAKKUK 2:19

Phi long ba la tim! Phi ong ha ka lyngkhot dieng, “Khie noh!” ne ïa u maw, “Ïeng joit!” Hato ka bleithaw ka lah ban pynpaw ei ei ïa phi? Lah ban suit ïa ka da ka rupa bad ka ksiar, hynrei ym don jingim ha ka.

JAKOB 2:26

Te kumta, kumba ka met khlem ka mynsiem ka long kaba ïap, kumta ruh ka jingngeit khlem ki kam ka long kaba ïap.

JINGPYNPAW 13:1

Nangta nga la ïohi ïa uwei u mradkhlaw uba wan mih na duriaw. U la don shiphew tylli ki reng bad hynñiew tylli ki khlieh; halor kawei pa kawei jong ki reng jong ka, la don ka pansngiat, bad halor kawei pa kawei jong ki khlieh jong ka la don ka kyrteng kaba krenbeiñ Blei.

JINGPYNPAW 13:12

U la pyndonkam ïa ka bor synshar baïar jong u mradkhlaw uba nyngkong ha ka jingdon ryngkat jong u. U la pynbor ïa ka pyrthei bad ïa baroh kiba shong ha ka ban mane ïa u mradkhlaw uba nyngkong, uba ka jingmynsaw jong u ka la ïohkhiah.

JINGPYNPAW 13:14

Bad u la shukor ïa ki briew baroh kiba im ha ka pyrthei da ki kambah ïa kiba la shah ïa u ban leh ha khmat jong uta u mradkhlaw uba nyngkong. U mradkhlaw u la ong ïa ki ban tei ka durblei ha ka jingpyndonburom ïa u mradkhlaw ïa uba la shah pynmynsaw da ka waitlam bad pynban uba dang im.

JINGPYNPAW 14:11

Ka tdem jong ka ding kaba pynsaja ïa ki ka kiew shajrong junom la junom. Ym don jingtngen mynsngi ne mynmiet ïa kito kiba mane ïa u mradkhlaw bad ïa ka dur jong u, ïa uno uno uba don ïa ka shab jong ka kyrteng jong u mradkhlaw.”

JINGPYNPAW 14:9

U angel uba lai u la bud ïa ki ar ngut ki angel kiba sha khmat, da kaba kren ha ka sur kaba jam, “Uno uno u mane ïa u mradkhlaw bad ïa ka dur jong u bad pdiang ïa ka shab ha ka shyllangmat jong u lane ha ka kti jong u,

JINGPYNPAW 16:2

U angel uba nyngkong u la leit bad u la theh noh ïa ka pliang jong u ha ka pyrthei. Ki prum kiba shyrkhei bad kiba tyrha ki la mih ha kito kiba la don ïa ka shab jong u mradkhlaw bad ha kito kiba la mane ïa ka dur jong u.

JINGPYNPAW 16:5

Nga la ïohsngew ïa u angel uba dei khmih ïa ki um ba u ong, “Ki jingbishar kiba me la pynlong ki long kiba hok, A Uba Khuid, me uba long bad uba la long!

JINGPYNPAW 17:14

Kin ïaleh pyrshah ïa U Khunlangbrot; hynrei U Khunlangbrot, lem bad ki nongbud jong u ïa kiba u la khot, u la jied, bad kiba ïaineh skhem, un jop ïa ki, namar ba u dei U Trai jong ki trai bad U Syiem jong ki syiem.”

JINGPYNPAW 17:17

Naba U Blei u la buh ha ki dohnud jong ki ïa ka mon ban pyndep ïa ka jingthmu jong u da kaba ïatreilang bad da kaba ai ha u mradkhlaw ïa ka bor jong ki ban synshar tad ynda ki ktien jong U Blei ki wan urlong shisha.

JINGPYNPAW 17:6

Bad nga la ïohi ïa kata ka briew ba ka la buaid da ka snam jong ki briew jong U Blei, bad da ka snam jong kito kiba la shah pynïap namar ba ki la ïaineh skhem ha U Jisu. Haba nga la ïohi ïa ka, nga la sngewkyndit shikatdei eh.

JINGPYNPAW 18:20

To shadkmen, ko ka bneng, namar ka jingpynjot ïa ka! to shadkmen, ko ki briew jong U Blei bad ki apostol bad ki nongïathuhlypa! Naba U Blei u la pynrem ïa ka na ka bynta kaei kaba ka la leh ïa phi!

JINGPYNPAW 18:24

Ïa ka Babilon la pynshitom namar ïa ka snam jong ki nongïathuhlypa bad jong ki briew jong U Blei la shem hapoh ka nongbah; ho-oid, ka snam jong kito baroh kiba la shah pynïap ha ka pyrthei.

JINGPYNPAW 19:20

Ïa u mradkhlaw la ring koidi, lem bad ïa u nongïathuhlypa lamler uba la leh ki kambah ha ka jingdon ryngkat jong u. (Ka la long da kito ki kambah ba u la shukor ïa kito kiba la don ïa ka shab jong u mradkhlaw bad ïa kito kiba la mane ïa ka dur jong u mradkhlaw.) Ïa u mradkhlaw bad ïa u nongïathuhlypa lamler la bret im sha ka pung ding kaba klang da u kyndok.

JINGPYNPAW 20:4

Nangta nga la ïohi ïa ki khet bad ha kito kiba shong ha ki la ai ïa ka bor ban bishar. Nga la ïohi ruh ïa ki mynsiem jong kito kiba la shah pynïap namar ba ki la pynbna ïa ka jingshisha ïa kaba U Jisu u la pynpaw bad ïa ka ktien U Blei. Kim shym la mane ïa u mradkhlaw lane ïa ka dur jong u, lymne ba ki la pdiang ïa ka shab jong u mradkhlaw ha ki shyllangmat jong ki lane ha ki kti jong ki. Ki la im pat bad ki la synshar kum ki syiem bad U Khrist shihajar snem.