JINGPYNPAW 13:1 - Khasi CL Bible (BSI)

¹ Nangta nga la ïohi ïa uwei u mradkhlaw uba wan mih na duriaw. U la don shiphew tylli ki reng bad hynñiew tylli ki khlieh; halor kawei pa kawei jong ki reng jong ka, la don ka pansngiat, bad halor kawei pa kawei jong ki khlieh jong ka la don ka kyrteng kaba krenbeiñ Blei.

KA BAIBL

¹ Bad nga la ïohi ïa u mrad khlaw uba kiew noh na ka duriaw, uba don hynñiew ki khlieh bad shiphew ki reng, bad halor kita ki reng jong u, shiphew ki pansngiat, bad halor kita ki khlieh jong u ki kyrteng ka jingkrenbeiñ Blei.

JINGPYNPAW 13:1 ပူးပေါင်းရင်းမြစ်များ

JEREMAÏAH 5:22

Nga long U Trai; balei phim sheptieng ïa nga? Balei phim khynñiuh ha khmat jong nga? Nga la buh ïa u shyiap kum u pud jong ka duriaw, u pud uba neh ba kam lah ban jam palat. Ka duriaw ka lah ban kynting, hynrei kam lah ban leit palat ïa u; ki jingat phyllung ki lah ban kyrhuh, hynrei kim lah ban ksam lyngba.

DANIEL 11:36

“U syiem ka Syria un leh kat kaba u sngewbha. Un kob ba u long kham khraw ban ïa uno uno u blei, kham halor wat ïa U Blei Bahakhlieh Tam Eh. Un lah ban leh ïa kane tad haduh ha ka por haba U Blei un pynshitom ïa u. U Blei un leh thik ïa kaei kaba u la thmu.

DANIEL 2:41

Phi la ïohi ruh ba ki kjat bad ki shympriah kjat ki long shi bynta da ka dewbyrtha bad shi bynta da ka nar. Kane ka mut ba kan long ka hima kaba la pynïakhlad. Kan don kaei kaei kaba eh kum ka nar, namar la don ka nar kaba la khleh bad ka dewbyrtha.

JINGPYNPAW 11:7

Haba ki dep ban pynbna ïa ka khubor jong ki, uta u mradkhlaw uba wan kiew na ka liewlong ba khlem trai un ïaleh pyrshah ïa ki.

JINGPYNPAW 12:3

Sa kawei pat ka dak bamaïan ka la paw ha ka sahit bneng. La don u Ïakjakor uba heh bad uba rong saw uba don hynñiew tylli ki khlieh bad shiphew tylli ki reng, bad kawei ka pansngiat ha kawei pa kawei jong ki khlieh jong u.

JINGPYNPAW 13:11

Nangta nga la ïohi sa uwei pat u mradkhlaw, uba la wan kiew napoh ka khyndew. U la don ar tylli ki reng kum ki jong u khunlangbrot, bad u la kren kum u Ïakjakor.

JINGPYNPAW 13:14

Bad u la shukor ïa ki briew baroh kiba im ha ka pyrthei da ki kambah ïa kiba la shah ïa u ban leh ha khmat jong uta u mradkhlaw uba nyngkong. U mradkhlaw u la ong ïa ki ban tei ka durblei ha ka jingpyndonburom ïa u mradkhlaw ïa uba la shah pynmynsaw da ka waitlam bad pynban uba dang im.

JINGPYNPAW 13:15

La shah ïa u mradkhlaw uba ar ban pyrsad jingim ha kata ka dur jong u mradkhlaw uba nyngkong, khnang ba ka durblei ka lah ban kren bad pynïap ïa kito baroh ki ban ym mane ïa ka.

JINGPYNPAW 15:2

Nangta nga la ïohi ïa kaei kaba i kum ka ïit bakhraw kaba la khleh lang bad ka ding. Nga la ïohi ruh ïa kito kiba la jop ïa u mradkhlaw bad ïa ka dur jong u bad ïa uta uba ka kyrteng jong u la mihkhmat da u dak jingkheiñ. Ki la ïeng hajan ka ïit bakhraw, ki da bat ïa ki duitara kiba U Blei u la ai ha ki

JINGPYNPAW 16:13

Nangta nga la ïohi lai tylli ki mynsiem bymkhuid kiba i kum ki jakoid. Ki la ïamih na ka shyntur jong u Ïakjakor, na ka shyntur jong u mradkhlaw, bad na ka shyntur jong u nongïathuhlypa balamler.

JINGPYNPAW 17:16

Ki shiphew tylli ki reng kiba me la ïohi, bad u mradkhlaw, kin isih ïa ka nuti; kin sa knieh noh ïa kaei kaei baroh kaba ka don bad kin iehnoh lyngkhuit ïa ka; kin bam ïa ka doh jong ka bad kin pynjot ïa ka da ka ding.

JINGPYNPAW 17:3

U Mynsiem u la bat synshar ïa nga, bad u angel u la rah ïa nga sha ka ri shyiap. Hangta nga la ïohi ïa ka briew kaba shong halor u mradkhlaw rong saw uba la don ki kyrteng kiba ñiewbeiñ ïa U Blei ba la thoh baroh shi rynïeng jong u; u mradkhlaw u la don hynñiew tylli ki khlieh bad shiphew tylli ki reng.

JINGPYNPAW 17:5

Ha ka shyllangmat jong ka, la thoh ïa ka kyrteng kaba don ka jingmut kaba rieh: “Ka Babilon Bakhraw, ka kmie jong ki nuti baroh bad kiba sakma baroh ha ka pyrthei.”

JINGPYNPAW 19:19

Nangta nga la ïohi ïa u mradkhlaw bad ïa ki syiem jong ka pyrthei, bad ïa kita ki kynhun shipai jong ki, kiba la ïalumlang ban ïaleh pyrshah ïa uta uba la shong halor u kulai bad pyrshah ïa ka kynhun shipai jong u.