JINGPYNPAW 12:9 - Khasi CL Bible (BSI)

⁹ Ïa u Ïakjakor uba heh la bret shabar — ïa uta u bseiñ na mynbarim, ïa uba la khot u Ksuid, lane u Soitan, uta uba la shukor ïa ka pyrthei baroh kawei. La bret arsut ïa u sha ka khyndew, bad ïa ki angel baroh jong u lem bad u.

KA BAIBL

⁹ Te la shop noh arsut ïa uta u ïakjakor bakhraw, uta u bseiñ tymmen ïa uba la khot “u Ksuid”, bad “u Soitan”, uba shukor ïa ka pyrthei baroh kawei; la shop noh arsut ïa u sha ka khyndew, bad ïa kita ki angel jong u la shop noh arsut lem bad u.

JINGPYNPAW 12:9 ပူးပေါင်းရင်းမြစ်များ

JENESIS 3:1

Te u bseiñ u long uba sianti tam na ki mrad baroh kiba U Trai U Blei u la lah thaw. Uta u bseiñ u ong ha kata ka briew, “Hato ka dei shisha ba U Blei u ong ba phim bit ban bam ïa u soh na uno uno u dieng ha kper?”

JENESIS 3:13

Te U Trai U Blei u ong ha kata ka briew, “Balei pha leh ïa kane?” Ka jubab, “Uta u bseiñ u la pynbieit ïa nga ban bam ïa u.”

1 KHRONIKL 21:1

U Soitan u la kwah ban wallam jingjynjar ha ki paid Israel, kumta u la pynlong ïa u Dabid ban rai ban shim ka jingkheiñbriew.

2 KHRONIKL 18:21

U mynsiem u jubab, ‘Ngan leit bad ngan pynlong ïa baroh ki nongïathuhlypa u Ahab ban kren lamler.’ U Trai u ong, ‘Khie leit bad shukor ïa u. Phin jop.’ ”

SALM 109:6

To jied ïa uno uno u nongbishar uba bamsap ban bishar ïa u nongshun jong nga, bad to ai ba uwei na ki nongshun jong u hi un pharep ïa u.

ISAÏAH 14:12

“Ko syiem ka Babilonia, u khlur step baphyrnai, me la hap na bneng! Ha kaba mynshuwa me la jop ïa ki hima, hynrei mynta la bret ïa me sha madan.

ISAÏAH 27:1

Ha kata ka sngi U Trai un pyndonkam ïa ka waitlam badonbor bad bashyrkhei jong u ban pynshitom ïa u Lebiathan, uta u Ïakjakor uba khih bad uba khyrwait, bad ban pynïap ïa uta u mrad kynsha uba im ha ka duriaw.

ISAÏAH 65:25

Ki suri bad ki khunlangbrot kin ïabam lang, ki sing kin bam phlang, kumba bam ki masi, bad ki bseiñ kin ym long shuh ka jingma. Ha Seïon, u lum bakyntang jong nga yn ym don shuh ka jingma ne kaba sniew.”

ESEKIEL 28:16

Me la bunkam ha kaba thied bad kaba die, bad kane ka la ïalam ïa me sha ka jingleh jubor bad ka pop. Te nga pynbor ïa me ban ieh ïa u lumbah bakhuid jong nga, bad u angel uba ap phira ïa me u la beh noh ïa me na ki mawlynnai batyngshaiñ.

MATHAÏOS 13:39

bad u nongshun uba la bet ïa ki ñiut u long u Ksuid. Ka jingot ka long kaba kut jong ka Ïa, bad ki nongot ki long ki angel.

MATHAÏOS 24:24

Naba ki Messaïah lamler bad ki nongïathuhlypa lamler kin ïamih, kin leh ïa ki kambah bakhraw bad ki kamphylla khnang ban shukor wat ïa ki briew kiba la jied jong U Blei, lada ka long kaba lah.

MATHAÏOS 25:41

“Nangta un ong ha kito kiba ha ka liang kadiang jong u, ‘Khie leit noh na nga, phi kiba hapoh ka jingtim jong U Blei! Khie leit noh sha ka ding bymjukut ïa kaba la pynkhreh na ka bynta u Ksuid bad ki angel jong u!

MATHAÏOS 4:1

Nangta U Mynsiem u la ïalam ïa U Jisu sha ka ri shyiap ba yn pynshoi u da u Soitan.

MATHAÏOS 4:10

Te U Jisu u la jubab, “Khie leit noh, ko Soitan! Ka Jingthoh Bakhuid ka ong, ‘To mane ïa U Trai U Blei jong me bad shakri tang ïa u hi!’ ”

MATHAÏOS 4:5

Nangta u Soitan u la ïalam ïa U Jisu sha Jerusalem, ka Nongbah Bakhuid, bad u la buh ïa U ha ka kliar kaba jrong tam jong ka Templ,

MATHAÏOS 4:8

Nangta u Soitan u la ïalam ïa U Jisu sha u lumbah uba kynjang bad u la pyn-i ha U ïa baroh ki Hima jong ka pyrthei ha ka jingkhrawbor jong ki.

LOUKAS 10:18

U Jisu u la jubab ïa ki, “Nga la ïohi ïa u Soitan uba hap kum ka leilieh na bneng.

LOUKAS 13:16

Mynta hangne, kane ka briew kaba hiarpateng na u Abraham ïa kaba u Soitan u la khum la khatphra snem; hato ym dei ban pyllait ïa ka ha ka sngi Sabbaton?”

LOUKAS 22:3

Nangta u Soitan u la rung hapoh u Judas, ïa uba la khot u Iskariot, uba long uwei na ki khat-ar ngut ki synran.

LOUKAS 22:31

“Ko Simon, Simon! Sngap! U Soitan u la ïoh jingbit ban tynjuh ïa phi baroh, ban pynïakhlad ïa kaba bha na kaba sniew, kumba u nongrep u pynïakhlad ïa u kew na u stait.

LOUKAS 8:12

Ki symbai kiba hap ha shi lynter ka lynti ïaid kjat ki ïeng na ka bynta kito kiba ïohsngew; hynrei u Ksuid u wan bad u shim noh ïa ka khubor na ki dohnud jong ki khnang ban khang ïa ki na kaba ngeit bad ïohlait im.

ÏOANNIS 12:31

Mynta ka dei ka por ba ïa kane ka pyrthei yn bishar; mynta ïa u nongsynshar jong kane ka pyrthei yn pynhiar khet.

ÏOANNIS 14:30

Ngam lah ban kren bad phi kham slem, namar u nongsynshar jong kane ka pyrthei un wan. Um donbor halor jong nga, hynrei, ka pyrthei ka dei ban tip ba nga ieit ïa U Kpa; na kata ka daw balei ba nga leh ïa kiei kiei baroh kumba u hukum ïa nga. “Ale, ïa ngin ïaleit noh na kane ka jaka.

ÏOANNIS 16:11

bad ki bakla shaphang ka jingbishar, namar ba ïa u nongsynshar jong kane ka pyrthei la lah bishar.

ÏOANNIS 8:44

Phi, phi long ki khun jong u kpa jong phi, u Ksuid, bad phi da kwah ban bud ïa kiba u kpa jong phi u sngewbha. Naduh kaba mynnyngkong u la long u nongpynïap briew bad um ju ïeng ha ka liang jong ka jingshisha, namar ha u kam don ka jingshisha. Haba u ïathuh ïa ka jingshukor, u leh ïa kaei kaba long tynrai ha u, namar u long uba lamler bad u kpa ki jingshukor baroh.

KI KAM 26:18

Me dei ban pynpeit ïa ki khmat jong ki bad pynphai ïa ki na ka jingdum sha ka jingshai, bad na ka bor jong u Soitan sha U Blei, khnang ba da ka jingngeit jong ki ha nga kin ïoh ka jingmap noh ïa ki pop jong ki bad ïohpdiang ïa la ka jaka hapdeng ki briew kiba la jied jong U Blei.’

KI KAM 5:3

U Petros u la ong ha u, “Ko Ananias, balei me la shah ïa u Soitan ban bat synshar ïa me bad pynlong ïa me ban lamler ïa U Mynsiem Bakhuid da kaba bat noh katto katne ka pisa kaba me la ïohpdiang na kaba die ïa ka jaka?

Ka Shithi U Paul Sha Ki Nong Rom 16:18

Naba kito kiba leh kum ïa kita kiei kiei kim shakri ïa U Khrist uba U Trai jong ngi, hynrei ïa ki jingkwah jong ki hi. Da ki ktien jali ja-um bad ka jingkren pynroh, ki shukor ïa ki briew kiba lui lui.

Ka Shithi U Paul Sha Ki Nong Rom 16:20

Bad U Blei, uba long ka tyllong jong ka jingsuk jong ngi, shen un pynlwet ïa u Soitan hapoh ki kjat jong phi. To ka jingaiei jong U Jisu uba U Trai jong ngi kan long lem bad phi.

2 KORINTH 11:14

Ngin lyngngoh lei ïa kata? Wat u Soitan hi u lah ban thawdur ïa lade ban paw kum u angel ka jingshai!

2 KORINTH 11:3

Nga sheptieng ïoh ïa ki jingmut jong phi yn pynjngut noh bad ba phin iehnoh noh ïa ka jingaiti basngur pura jong phi ha U Khrist — kumba ïa ka Im la shukor da ki buit sianti uta u bseiñ.

2 KORINTH 12:7

Hynrei ban pyllait ïa nga na kaba dap da ka jingsarong namar kiei kiei kiba bun kiba phylla ba nga la ïohi, la buh ha nga ïa ka jingpang kaba jur ha ka met, kaba long kum u nonglamktien jong u Soitan ban pynshitom ïa nga bad ban pyllait ïa nga na ka jingsngew sarong.

2 KORINTH 4:4

Kim shym la ngeit, namar ba ïa ki jingmut jong ki la kah dum da u blei basniew jong kane ka pyrthei. U khang ïa ki ba kin ïohi ïa ka jingshai kaba tyngshaiñ ha ki, ka jingshai kaba mihnoh na kata ka Khubor Babha shaphang ka burom jong U Khrist, uba long ka dur jong U Blei.

EPHESOS 4:14

Te ngin ym long shuh kum ki khynnah, ba la pynshad kynting da ki jingat phyllung bad ka jingbeh ka 'erïong man ba ka kylla da ka jinghikai jong ki riewshukor, kiba ïalam ïa kiwei pat sha ka jingbakla da ki buit sianti ba ki pynmih.

2 THESSALONI 2:3

Wat shah ïano ïano ban shukor ïa phi ha kano kano ka rukom. Naba ka Sngi kan ym wan tad ynda ka Jingïaleh pyrshah ka jia bad ba uta Uba Sniew u mihpaw ïa uba la buh lypa na ka bynta ka dujok.

1 TIMOTHI 2:14

Bad ym dei u Adam uba la shah shukor; dei ka kynthei kaba la shah shukor bad pynkheiñ ïa ka hukum U Blei.

2 TIMOTHI 3:13

bad ki briew kiba sniew bad kiba shukor kin nang ïaid na kaba sniew sha kaba kham sniew, da kaba shukor ïa kiwei bad shah shukor ïa lade.

HEBRU 2:14

Namar ba kita ki khun, kumba u khot ïa ki, ki long ki briew na ka doh bad ka snam, U Jisu u la long u briew kum ma ki hi bad ïoh bynta lang na ka jinglongbriew jong ki. U la leh ïa kane, khnang ba da ka jingïap jong u, u lah ban pynduh ïa u Bymman, uba don ka bor halor ka jingïap,

1 PETROS 5:8

To leh adkar, to sharai! U nongshun jong phi, u Ksuid, u shang kylleng kum u sing bakyrhuh, da kaba wad ïa uno uno ba un nguid tylli.

1 ÏOANNIS 5:19

Ngi tip ba ngi long ki jong U Blei, wat la ka pyrthei baroh kawei ka don hapoh ka jingsynshar jong u Basniew.

JUDAH 1:9

Wat u Mikhael, u angel rangbah um shym la leh ïa kane. Ha ka jingïakajia jong u bad u Soitan, mynba ki la ïania shaphang uei u ban ïoh ïa ka met u Moses, u Mikhael um shym nud ban pynrem ïa u Soitan da ki ktien ban krenbeiñ, hynrei u la ong, “U Trai un da sneng ïa me!”

JINGPYNPAW 12:12

Bad kumta to shadkmen, phi ki bneng, bad phi baroh kiba shong basah hangta! Hynrei katno ka long kaba kordit ïa kata ka khyndew bad ïa ka duriaw! Naba u Ksuid u la wan hiar ha phi, bad ïa u la pyndap da ka jingbitar shla, namar ba u tip ba u don sa tang khyndiat ka por.”

JINGPYNPAW 12:3

Sa kawei pat ka dak bamaïan ka la paw ha ka sahit bneng. La don u Ïakjakor uba heh bad uba rong saw uba don hynñiew tylli ki khlieh bad shiphew tylli ki reng, bad kawei ka pansngiat ha kawei pa kawei jong ki khlieh jong u.

JINGPYNPAW 12:7

Nangta ka thma ka la khie ha bneng. U Mikhael bad ki angel jong u ki la ïaleh pyrshah ïa u Ïakjakor, uba la ïaleh kylliang lem bad ki angel jong u;

JINGPYNPAW 12:8

hynrei la jop ïa u Ïakjakor, bad ïa u lem bad ki angel jong u ym shym shah shuh ban shong ban sah ha bneng.

JINGPYNPAW 13:14

Bad u la shukor ïa ki briew baroh kiba im ha ka pyrthei da ki kambah ïa kiba la shah ïa u ban leh ha khmat jong uta u mradkhlaw uba nyngkong. U mradkhlaw u la ong ïa ki ban tei ka durblei ha ka jingpyndonburom ïa u mradkhlaw ïa uba la shah pynmynsaw da ka waitlam bad pynban uba dang im.

JINGPYNPAW 16:14

Ki long ki mynsiem jong ki ksuid kiba leh ïa ki kambah. Kine lai tylli ki mynsiem ki leit noh sha ki syiem baroh jong ka pyrthei, ban lumlang ïa ki na ka bynta ka thma ha ka Sngi kaba khraw jong U Blei Badonbor Baroh.

JINGPYNPAW 18:2

U la pyrta ha ka sur kaba jam: “Ka la kyllon! Ka Babilon Bakhraw ka la kyllon! Mynta ka la long ka jaka shong ki ksuid bad ki mynsiem bymkhuid; baroh ki jait sim kiba jakhlia bad kiba isaitmet ki shong ha ka.

JINGPYNPAW 18:23

Ïa ka jingshai ka sharak yn ym ïohi shuh da lei lei ha pha; ïa ka sur u nongleitkurim bad ka nongleitkurim yn ym ïohsngew shuh ha pha! Ki nongkhaïi jong pha ki la long kiba donbor tam ha ka pyrthei baroh, bad da ka myntor balamler pha la shukor ïa ki briew baroh jong ka pyrthei!”

JINGPYNPAW 19:20

Ïa u mradkhlaw la ring koidi, lem bad ïa u nongïathuhlypa lamler uba la leh ki kambah ha ka jingdon ryngkat jong u. (Ka la long da kito ki kambah ba u la shukor ïa kito kiba la don ïa ka shab jong u mradkhlaw bad ïa kito kiba la mane ïa ka dur jong u mradkhlaw.) Ïa u mradkhlaw bad ïa u nongïathuhlypa lamler la bret im sha ka pung ding kaba klang da u kyndok.

JINGPYNPAW 2:13

Nga tip hangno pha shong, hangta ha kaba u Soitan u don ka khet jong u. Pha long kaba shisha ha nga, bad pham shym la phai dien noh na ka jingngeit jong pha na nga wat ha ka por mynba u Antipas, u sakhi baïaineh jong nga, u la shah pynïap hangta ha ka jaka ba u Soitan u shong u sah.

JINGPYNPAW 2:24

“Hynrei kiba sah na kiba don hapdeng jong pha ha Thiatira kim shym la bud ïa kane ka jinghikai basniew; pham shym la nang ïa kaei kaba kiwei ki khot ‘ki jingjylliew barieh u Soitan.’ Nga ong ïa pha ba ngan ym buh kano kano kawei pat ka jingkit halor jong pha.

JINGPYNPAW 2:9

Nga tip ïa ki jingjynjar jong pha; nga tip ba pha long kaba duk — hynrei da shisha pha long kaba riewspah! Nga tip ïa kiei kiei kiba sniew ba la kren pyrshah ïa pha da kito kiba kam ba ki long ki Jiw hynrei kim dei; ki long ka kynhun kaba dei ka jong u Soitan!

JINGPYNPAW 20:10

Nangta ïa u Ksuid, uba la shukor ïa ki, la bret sha ka pung ka ding bad u kyndok, ha kaba la lah bret ïa u mradkhlaw bad ïa u nongïathuhlypa lamler, bad kin shah pynkordit mynsngi bad mynmiet junom la junom.

JINGPYNPAW 20:8

bad un mih shabar ban shukor ïa ki jaitbynriew ïa kiba la pynsakma kylleng ka pyrthei, kata ka Gog bad ka Magog. U Soitan un wallam lang ïa ki na ka bynta ka jingïaleh thma, kiba bun kat ki symboh shyiap harud ka duriaw.

JINGPYNPAW 3:9

Shahshkor! Na ka bynta kato ka kynhun kaba dei ka jong u Soitan, kito kiba lamler kiba kam ba ki dei ki Jiw hynrei kim dei, ngan pynlong ïa ki ban wan bad dem khrup ha ki kjat jong pha. Baroh kin tip ba nga ieit ïa pha.

JINGPYNPAW 9:1

Nangta u angel uba san u la put ïa ka turoi. Nga la ïohi ïa u khlur uba la hap sha ka khyndew, bad la ai ha u ïa u shabi jong ka liewlong ba khlem trai.

JINGPYNPAW 9:20

Kiba sah na u bynriew, baroh kito kiba ym shym la pynïap noh da kine ki jingïapthem, kim shym la phai noh na kaei kaba ki hi ki la pynlong. Kim shym la sangeh ban mane ïa ki ksuid, lane ïa ki blei ba la thaw da ka ksiar, ka rupa, ka rnong, u maw, bad da ka dieng, ki bym lah ban ïohi, ne ïohsngew, ne ïaid.