JINGPYNPAW 12:17 - Khasi CL Bible (BSI)

¹⁷ U Ïakjakor u la bitar shla ïa kata ka briew bad u la leit noh ban ïaleh pyrshah ïa ki khun ki ksiew jong ka kiba dang sah, ïa baroh kito kiba kohnguh ïa ki hukum jong U Blei bad kiba ïaineh ha ka jingshisha ïa kaba U Jisu u la pynpaw.

KA BAIBL

¹⁷ Te uta u ïakjakor u la sngewbitar lep ïa kata ka briew, bad u la leit noh ban ïaleh thma bad kita kiba sah na u symbai jong ka, kita kiba sumar ïa ki hukum U Blei bad kiba bat ïa kata ka jingphla ïa U Jisu Khrist. Te u la ïeng halor u shyiap ka duriaw.

JINGPYNPAW 12:17 ပူးပေါင်းရင်းမြစ်များ

JENESIS 3:15

Ngan pynlong ïa me bad ka briew ban ïa-isih iwei ïa iwei pat, u symbai jong ka bad u symbai jong me kin ïailong ki nongshun. U symbai jong ka un pynlwet ïa ka khlieh jong me, bad me pat men puh ïa ka khongdong'jat jong u symbai jong ka.”

DANIEL 11:36

“U syiem ka Syria un leh kat kaba u sngewbha. Un kob ba u long kham khraw ban ïa uno uno u blei, kham halor wat ïa U Blei Bahakhlieh Tam Eh. Un lah ban leh ïa kane tad haduh ha ka por haba U Blei un pynshitom ïa u. U Blei un leh thik ïa kaei kaba u la thmu.

MATHAÏOS 28:20

bad hikai ïa ki ban kohnguh ha kiei kiei baroh kiba nga la hukum ïa phi. Bad ngan ïai don ryngkat lem bad phi, haduh kaba kut ka Ïa.”

ÏOANNIS 8:44

Phi, phi long ki khun jong u kpa jong phi, u Ksuid, bad phi da kwah ban bud ïa kiba u kpa jong phi u sngewbha. Naduh kaba mynnyngkong u la long u nongpynïap briew bad um ju ïeng ha ka liang jong ka jingshisha, namar ha u kam don ka jingshisha. Haba u ïathuh ïa ka jingshukor, u leh ïa kaei kaba long tynrai ha u, namar u long uba lamler bad u kpa ki jingshukor baroh.

1 KORINTH 2:1

Haba nga la wan sha phi, ko parabangeit jong nga, ban ïalap ïa ka jingshisha barieh jong U Blei, ngam shym la pyndonkam da ki kyntien kiba eh bad ka jingtip kaba khraw.

1 PETROS 5:8

To leh adkar, to sharai! U nongshun jong phi, u Ksuid, u shang kylleng kum u sing bakyrhuh, da kaba wad ïa uno uno ba un nguid tylli.

1 ÏOANNIS 2:3

Lada ngi kohnguh ïa ki hukum jong U Blei, te ngi sngewskhem ba ngi ithuh ïa u.

1 ÏOANNIS 5:10

Kumta uno uno uba ngeit ha U Khun U Blei u don ïa kane ka jingphla ha ka dohnud jong u hi; hynrei uno uno u bymngeit ha U Blei, la pynlong ïa u, uba lamler, namar um shym la ngeit ïa kaei kaba U Blei u la ong shaphang U Khun jong u.

1 ÏOANNIS 5:2

Kane ka long kumno ngi tip ba ngi ieit ïa ki khun U Blei: Ka long da kaba ieit ïa U Blei bad kohnguh ïa ki hukum jong u.

JINGPYNPAW 1:2

bad u Ïoannis u la ïathuh ïa baroh kaba u la ïohi. Kane ka long ka jingïathuh jong u shaphang ka khubor na U Blei bad ka jingshisha ba la pynpaw da U Jisu Khrist.

JINGPYNPAW 1:9

Nga long u Ïoannis, u parabangeit jong phi, bad kum u nongbud jong U Jisu nga long uba ïadon bynta lem bad phi ban ïaishah ïa ka jingjynjar kaba wan ha kito kiba long na ka Hima jong u. Ïa nga la buh ha ka dewlynnong Patmos namar nga la pynbna ïa ka Ktien U Blei bad ka jingshisha kaba U Jisu u la pynpaw.

JINGPYNPAW 11:7

Haba ki dep ban pynbna ïa ka khubor jong ki, uta u mradkhlaw uba wan kiew na ka liewlong ba khlem trai un ïaleh pyrshah ïa ki.

JINGPYNPAW 12:16

Hynrei ka khyndew ka la ïarap ïa kata ka briew; ka la ang ïa la ka shyntur bad ka la nguid ïa ka um kaba la wan tuid na ka shyntur jong u Ïakjakor.

JINGPYNPAW 13:7

La shah ïa u ban ïaleh pyrshah ïa ki briew jong U Blei bad ban jop ïa ki, bad la ai ha u ïa ka bor halor kawei pa kawei ka jaitbynriew, ka hima, ka ktien bad halor u bynriew baïapher.

JINGPYNPAW 14:12

Kane ka khot ïa ka jingïaishah ha ka liang ki briew jong U Blei, kito kiba kohnguh ïa ki hukum jong U Blei bad kiba ïaineh ha U Jisu.

JINGPYNPAW 17:14

Kin ïaleh pyrshah ïa U Khunlangbrot; hynrei U Khunlangbrot, lem bad ki nongbud jong u ïa kiba u la khot, u la jied, bad kiba ïaineh skhem, un jop ïa ki, namar ba u dei U Trai jong ki trai bad U Syiem jong ki syiem.”

JINGPYNPAW 17:6

Bad nga la ïohi ïa kata ka briew ba ka la buaid da ka snam jong ki briew jong U Blei, bad da ka snam jong kito kiba la shah pynïap namar ba ki la ïaineh skhem ha U Jisu. Haba nga la ïohi ïa ka, nga la sngewkyndit shikatdei eh.

JINGPYNPAW 18:20

To shadkmen, ko ka bneng, namar ka jingpynjot ïa ka! to shadkmen, ko ki briew jong U Blei bad ki apostol bad ki nongïathuhlypa! Naba U Blei u la pynrem ïa ka na ka bynta kaei kaba ka la leh ïa phi!

JINGPYNPAW 19:10

Nga la dem khrup ha ki kjat jong u ban mane ïa u, hynrei u la ong ha nga, “Wat leh kumne! Nga long u para shakri bad me bad kita ki parabangeit jong me, kito baroh kiba bat ïa ka jingshisha kaba U Jisu u la pynpaw. To mane ïa U Blei!” Naba ka jingshisha kaba U Jisu u la pynpaw ka long kata kaba pyrsad mynsiem ïa ki nongïathuhlypa.

JINGPYNPAW 19:19

Nangta nga la ïohi ïa u mradkhlaw bad ïa ki syiem jong ka pyrthei, bad ïa kita ki kynhun shipai jong ki, kiba la ïalumlang ban ïaleh pyrshah ïa uta uba la shong halor u kulai bad pyrshah ïa ka kynhun shipai jong u.

JINGPYNPAW 20:4

Nangta nga la ïohi ïa ki khet bad ha kito kiba shong ha ki la ai ïa ka bor ban bishar. Nga la ïohi ruh ïa ki mynsiem jong kito kiba la shah pynïap namar ba ki la pynbna ïa ka jingshisha ïa kaba U Jisu u la pynpaw bad ïa ka ktien U Blei. Kim shym la mane ïa u mradkhlaw lane ïa ka dur jong u, lymne ba ki la pdiang ïa ka shab jong u mradkhlaw ha ki shyllangmat jong ki lane ha ki kti jong ki. Ki la im pat bad ki la synshar kum ki syiem bad U Khrist shihajar snem.

JINGPYNPAW 22:14

Suk kito kiba sait pynkhuid ïa la ki jaiñkup bad kumta ki don ka hok ban bam ïa u soh na u dieng ka jingim bad ban leit lyngba ki khyrdop shapoh ka nongbah.

JINGPYNPAW 6:9

Nangta U Khunlangbrot u la pynpait ïa ka jingpyndait kaba san. Nga la ïohi ha khrum ka duwan ïa ki mynsiem jong kito kiba la shah pynïap namar ba ki la pynbna ïa ka ktien U Blei bad ba ki la ïaineh ha ki jingphla jong ki.