JINGPYNPAW 12:15 - Khasi CL Bible (BSI)

¹⁵ Bad nangta na ka shyntur jong u, u Ïakjakor u la theh noh ïa jingshlei um nadien jong kata ka briew, khnang ba yn kit noh ïa ka.

KA BAIBL

¹⁵ Bad uta u bseiñ u la theh buk buk na ka shyntur jong u ïa ka um kum ka wah na shadien kata ka briew, khnang ba un ïoh pynrong noh ïa ka da kata ka wah.

JINGPYNPAW 12:15 ပူးပေါင်းရင်းမြစ်များ

JENESIS 3:1

Te u bseiñ u long uba sianti tam na ki mrad baroh kiba U Trai U Blei u la lah thaw. Uta u bseiñ u ong ha kata ka briew, “Hato ka dei shisha ba U Blei u ong ba phim bit ban bam ïa u soh na uno uno u dieng ha kper?”

SALM 18:4

Ka jingma jong ka jingïap ka don baroh sawdong jong nga; ki jingat phyllung ka jingjot ki la lynshop ïa nga.

SALM 65:7

Me pynjai jai ïa ka jingkyrhuh jong ki duriaw bad ïa ka jingsawa jong ki jingat phyllung; me pynjai jai ïa ka jingkhihwin jong ki jaitbynriew.

ISAÏAH 28:2

U Trai u don ïa uta uba khlaiñ bad badonbor uba la kloi ban tur ïaleh ïa ki, uta u ban wan kum u phria bajur, kum u 'lapbah, kum ka jingshlei um bakhlaiñbor, bad kan tap lup ïa ka ri.

ISAÏAH 59:19

Naduh mihngi shaduh sepngi baroh kin sheptieng ïa u bad ïa ka bor bakhraw jong u. Un wan kum ka um ba kyrthep, kum ka lyer kaba jur.

ISAÏAH 8:7

ma nga, U Trai, ngan wallam ïa u patsha jong ka Assyria bad ïa ki kynhun shipai jong u baroh ban tur ïaleh ïa ka Judah. Kin tur shaphrang kum ki um bashlei jong ka wah Ïuphratis, kiba lyngkien ïa ki rud jong ka baroh.

2 KORINTH 11:3

Nga sheptieng ïoh ïa ki jingmut jong phi yn pynjngut noh bad ba phin iehnoh noh ïa ka jingaiti basngur pura jong phi ha U Khrist — kumba ïa ka Im la shukor da ki buit sianti uta u bseiñ.

JINGPYNPAW 12:16

Hynrei ka khyndew ka la ïarap ïa kata ka briew; ka la ang ïa la ka shyntur bad ka la nguid ïa ka um kaba la wan tuid na ka shyntur jong u Ïakjakor.

JINGPYNPAW 12:9

Ïa u Ïakjakor uba heh la bret shabar — ïa uta u bseiñ na mynbarim, ïa uba la khot u Ksuid, lane u Soitan, uta uba la shukor ïa ka pyrthei baroh kawei. La bret arsut ïa u sha ka khyndew, bad ïa ki angel baroh jong u lem bad u.

JINGPYNPAW 17:15

U angel u la ong ruh ha nga, “Ki um ïa kiba me la ïohi, ha kaba kata ka nuti ka shong, ki long ki jaitbynriew, ki paidlang, ki kynja bynriew bad ki jait ktien.

JINGPYNPAW 20:2

U la kem ïa u Ïakjakor, ïa uta u 'seiñ hyndai — kata, u Ksuid lane u Soitan — bad u la teh kynjri ïa u haduh shihajar snem.