JINGPYNPAW 12:12 - Khasi CL Bible (BSI)

¹² Bad kumta to shadkmen, phi ki bneng, bad phi baroh kiba shong basah hangta! Hynrei katno ka long kaba kordit ïa kata ka khyndew bad ïa ka duriaw! Naba u Ksuid u la wan hiar ha phi, bad ïa u la pyndap da ka jingbitar shla, namar ba u tip ba u don sa tang khyndiat ka por.”

KA BAIBL

¹² Naba kumta to ïakmen, ko ki bneng, bad phi kiba shong ha ki. Kordit ïa kata ka khyndew, bad ïa ka duriaw! naba uta u Ksuid u la leit hiar ha phi, uba don ka jingbitar bakhraw, naba u tip ba u don tang khyndiat por.”

JINGPYNPAW 12:12 ပူးပေါင်းရင်းမြစ်များ

ISAÏAH 44:23

To risa da ka jingkmen, phi ki bneng! To risa, ko ki jaka bajylliew jong ka pyrthei! To risa da ka jingkmen, ko ki lumbah, bad man la u dieng jong ka khlaw! U Trai u la pyn-i ïa ka jingkhraw jong u da kaba u pynim ïa ki briew jong u ki Israel.

ISAÏAH 49:13

To rwai, ko ki bneng! Pyrta da ka jingkmen, ko ka pyrthei! To ai ba ki lumbah kin win ha ka jingrwai! U Trai un pyntngen ïa la ki briew; un don jingisynei ha ki briew jong u kiba jynjar.

LOUKAS 15:10

Ha kajuh ka rukom, nga ong ha phi, ki angel jong U Blei ki risa halor uwei u nongpop uba kylla-kaba-mut.”

LOUKAS 2:14

“Ka burom ïa U Blei ha ki bneng kiba hajrong tam, bad ka jingsuk ha ka pyrthei ha kito kiba u sngewbha!”

HEBRU 10:37

Naba ka Jingthoh Bakhuid ka ong, “Namar sa tang shibit eh, bad uta uba wan un wan; un ym slem shuh.

2 PETROS 3:8

Hynrei to wat klet ïa kane kawei, ko paralok ba-ieit jong nga! Kam don ka jingïapher ha khmat U Trai hapdeng ka shi sngi bad ka shihajar snem; ha u, baroh ar ki long kumjuh.

JINGPYNPAW 10:6

bad u la smai ha ka kyrteng U Blei, uba im junom la junom, uba la thaw ïa ka bneng, ïa ka khyndew, bad ïa kata ka duriaw, bad baroh kiba don ha ki. Uta u angel u la ong, “Yn ym don jingpynslem shuh!

JINGPYNPAW 11:10

Ki briew kiba shong ha ka pyrthei kin ïakmen namar ka jingïap jong kine ki ar ngut. Kin ïalehkmen bad kin ïa-ai jingai sngewbha markylliang, namar ba kita ki ar ngut ki nongïathuhlypa ki la wallam shibun ki jingshitom halor u bynriew.

JINGPYNPAW 11:14

Ka jingshyrkhei kaba ar ka la kut, hynrei ka jingshyrkhei kaba lai kan sa wan shen!

JINGPYNPAW 12:9

Ïa u Ïakjakor uba heh la bret shabar — ïa uta u bseiñ na mynbarim, ïa uba la khot u Ksuid, lane u Soitan, uta uba la shukor ïa ka pyrthei baroh kawei. La bret arsut ïa u sha ka khyndew, bad ïa ki angel baroh jong u lem bad u.

JINGPYNPAW 13:6

U la sdang ban tim ïa U Blei, ïa ka kyrteng jong u, ïa ka jaka shong jong u, bad ïa kito baroh kiba shong ha bneng.

JINGPYNPAW 18:20

To shadkmen, ko ka bneng, namar ka jingpynjot ïa ka! to shadkmen, ko ki briew jong U Blei bad ki apostol bad ki nongïathuhlypa! Naba U Blei u la pynrem ïa ka na ka bynta kaei kaba ka la leh ïa phi!

JINGPYNPAW 8:13

Nangta nga la khmih, nga la ïohsngew ïa u pukni uba her shajrong eh jong ka suiñ ba u pyrta ha ka sur kaba jam, “Kaba kordit! Kaba kordit! Katno kaba kordit kan long ïa baroh kiba shong ha ka pyrthei haba ka jingsawa ka mih na ki turoi ïa kaba kita kiwei pat ki lai ngut ki angel kin put.”

JINGPYNPAW 9:12

Ka jingkordit kaba nyngkong ka la kut; hadien kane ka don sa ar tylli ki jingkordit ki ban wan.