JINGPYNPAW 12:11 - Khasi CL Bible (BSI)

¹¹ Ki hynmen ki para jong ngi ki la ïoh ka jingjop halor jong u da ka snam jong U Khunlangbrot bad da ka jingshisha kaba ki la pynbna; bad ki la mon bad aiti ïa la ka jingim bad ban ïap.

KA BAIBL

¹¹ Hynrei, ki la jop noh ma ki ïa u, namar kata ka snam jong uta u Khun langbrot, bad namar kata ka ktien ka jingphla jong ki; te kim shym la ieit ïa ka jingim jong ki jin haduh ka jingïap.

JINGPYNPAW 12:11 ပူးပေါင်းရင်းမြစ်များ

LOUKAS 14:26

“Uno uno uba wan sha nga um lah ban long u synran jong nga lymda u ieit ïa nga kham palat ban ïa kaba u ieit ïa u kpa bad ka kmie jong u, ïa ka tnga bad ki khun jong u, ïa ki hynmen ki para shynrang bad kynthei jong u, bad ïa lade kumjuh.

ÏOANNIS 16:33

Nga la ïathuh ha phi ïa kane khnang ba phin ïoh ïa ka jingsuk da kaba phi long lem bad nga. Ka pyrthei kan pynlong ïa phi ban shahshitom. Hynrei to long shlur! Nga, nga la jop ïa ka pyrthei!”

KI KAM 20:24

Hynrei nga ñiew ïa la ka jingim ba ka long ka bymdondor ei ei ïa nga; nga kwah tang ban pyndep ïa ka jingtrei jong nga bad pyndep pura ïa ka kam kaba U Trai Jisu u la ai ha nga ban leh, kaba long ban pynbna ïa ka Khubor Babha shaphang ka jingaiei jong U Blei.

KI KAM 21:13

Hynrei u la jubab, “Phi ïaleh aïu, da kaba ïam kumne bad pynpait ïa ka dohnud jong nga? Nga la kloi ym tang ban shah khum ha Jerusalem hynrei wat ban ïap ruh hangta na ka bynta U Trai Jisu.”

Ka Shithi U Paul Sha Ki Nong Rom 16:20

Bad U Blei, uba long ka tyllong jong ka jingsuk jong ngi, shen un pynlwet ïa u Soitan hapoh ki kjat jong phi. To ka jingaiei jong U Jisu uba U Trai jong ngi kan long lem bad phi.

1 KORINTH 15:57

Hynrei to long ka jingnguh ïa U Blei, uba ai ha ngi ïa ka jingjop thiaw lyngba U Jisu Khrist uba U Trai jong ngi!

1 ÏOANNIS 4:4

Hynrei ma phi, phi long ki jong U Blei, ko ki khun jong nga, bad phi la jop ïa ki nongïathuhlypa balamler, namar U Mynsiem uba don ha phi, u long uba kham donbor ban ïa u mynsiem ha kito kiba long na ka pyrthei.

1 ÏOANNIS 5:5

Uei uba lah ban jop ïa ka pyrthei? Tang u briew uba ngeit ba U Jisu u long U Khun U Blei.

JINGPYNPAW 1:2

bad u Ïoannis u la ïathuh ïa baroh kaba u la ïohi. Kane ka long ka jingïathuh jong u shaphang ka khubor na U Blei bad ka jingshisha ba la pynpaw da U Jisu Khrist.

JINGPYNPAW 1:9

Nga long u Ïoannis, u parabangeit jong phi, bad kum u nongbud jong U Jisu nga long uba ïadon bynta lem bad phi ban ïaishah ïa ka jingjynjar kaba wan ha kito kiba long na ka Hima jong u. Ïa nga la buh ha ka dewlynnong Patmos namar nga la pynbna ïa ka Ktien U Blei bad ka jingshisha kaba U Jisu u la pynpaw.

JINGPYNPAW 11:7

Haba ki dep ban pynbna ïa ka khubor jong ki, uta u mradkhlaw uba wan kiew na ka liewlong ba khlem trai un ïaleh pyrshah ïa ki.

JINGPYNPAW 12:17

U Ïakjakor u la bitar shla ïa kata ka briew bad u la leit noh ban ïaleh pyrshah ïa ki khun ki ksiew jong ka kiba dang sah, ïa baroh kito kiba kohnguh ïa ki hukum jong U Blei bad kiba ïaineh ha ka jingshisha ïa kaba U Jisu u la pynpaw.

JINGPYNPAW 19:10

Nga la dem khrup ha ki kjat jong u ban mane ïa u, hynrei u la ong ha nga, “Wat leh kumne! Nga long u para shakri bad me bad kita ki parabangeit jong me, kito baroh kiba bat ïa ka jingshisha kaba U Jisu u la pynpaw. To mane ïa U Blei!” Naba ka jingshisha kaba U Jisu u la pynpaw ka long kata kaba pyrsad mynsiem ïa ki nongïathuhlypa.

JINGPYNPAW 2:13

Nga tip hangno pha shong, hangta ha kaba u Soitan u don ka khet jong u. Pha long kaba shisha ha nga, bad pham shym la phai dien noh na ka jingngeit jong pha na nga wat ha ka por mynba u Antipas, u sakhi baïaineh jong nga, u la shah pynïap hangta ha ka jaka ba u Soitan u shong u sah.

JINGPYNPAW 2:17

“Te lada pha don ki shkor, shahshkor ïa kaei kaba U Mynsiem u ong ïa ki balang! “Ha kito kiba ïoh ïa ka jingjop ngan ai katto katne ka manna ba la buhrieh. Ngan ai ruh ha uwei pa uwei na ki ïa u maw balieh ha uba la thoh ïa ka kyrteng bathymmai kaba ym don mano mano batip lait noh tang uta uba ïohpdiang ïa ka.

JINGPYNPAW 2:26

Ha kito kiba ïoh ïa ka jingjop, kiba ïaineh haduh kaba kut ban leh ïa kaei kaba nga kwah, ngan ai ïa kajuh ka bor kaba nga la ïohpdiang na U Kpa jong nga: Ngan ai ha ki ïa ka bor halor ki jaitbynriew, ban synshar ïa ki da u diengsynshar nar bad ban pynkheiñ ïa ki lyngkhot lyngkhai kum ïa ki khiew dewbyrtha. Ngan ai ha ki ruh ïa u khlur step.

JINGPYNPAW 2:7

“Te lada pha don ki shkor, shahshkor ïa kaei kaba U Mynsiem u ong ïa ki balang! Ha kito kiba ïoh ïa ka jingjop ngan ai ban bam ïa u soh na u dieng ka jingim uba mih ha ka Kper U Blei.

JINGPYNPAW 20:4

Nangta nga la ïohi ïa ki khet bad ha kito kiba shong ha ki la ai ïa ka bor ban bishar. Nga la ïohi ruh ïa ki mynsiem jong kito kiba la shah pynïap namar ba ki la pynbna ïa ka jingshisha ïa kaba U Jisu u la pynpaw bad ïa ka ktien U Blei. Kim shym la mane ïa u mradkhlaw lane ïa ka dur jong u, lymne ba ki la pdiang ïa ka shab jong u mradkhlaw ha ki shyllangmat jong ki lane ha ki kti jong ki. Ki la im pat bad ki la synshar kum ki syiem bad U Khrist shihajar snem.

JINGPYNPAW 3:12

Ngan pynlong ïa uta uba jop, u rijied ha ka Templ jong U Blei jong nga, bad un ïailong hangta. Ngan thoh halor jong u ïa ka kyrteng U Blei jong nga bad ka kyrteng jong ka nongbah jong U Blei jong nga, ka Jerusalem bathymmai, ka ban wan hiar na bneng na U Blei jong nga. Ngan thoh ruh halor jong u ïa ka kyrteng bathymmai jong nga.

JINGPYNPAW 3:21

Ha kito kiba ïoh ïa ka jingjop ngan ai ïa ka hok ban shong ha syndah jong nga ha ka khet jong nga, kumba nga ruh nga la jop bad mynta nga shong ha syndah U Kpa jong nga ha ka khet jong u.

JINGPYNPAW 3:5

Ïa kito kiba ïoh ka jingjop yn pynkup ïa ki kumne ha ki jaiñkup balieh, bad ngan ym weng noh ïa ki kyrteng jong ki na ka kitab jong kiba im. Ha ka jingdon ryngkat jong U Kpa jong nga bad ki angel jong u, ngan pynbna paidbah ba ki long ki jong nga.

JINGPYNPAW 6:9

Nangta U Khunlangbrot u la pynpait ïa ka jingpyndait kaba san. Nga la ïohi ha khrum ka duwan ïa ki mynsiem jong kito kiba la shah pynïap namar ba ki la pynbna ïa ka ktien U Blei bad ba ki la ïaineh ha ki jingphla jong ki.