JINGPYNPAW 12:10 - Khasi CL Bible (BSI)

¹⁰ Nangta nga la ïohsngew ïa ka sur bajam ha bneng kaba ong, “Mynta ka jingpynim jong U Blei ka la wan! Mynta U Blei u la pyn-i ïa ka bor jong u kum u Syiem! Mynta U Messaïah jong u, u la pyn-i ïa la ka bor! Naba ïa uta uba la ïeng ha khmat jong U Blei jong ngi bad uba la mudui ïa ki hynmen ki para jong ngi mynsngi bad mynmiet la bret shabar jong ka bneng.

KA BAIBL

¹⁰ Bad nga la ïohsngew ïa ka ktien bajam ha bneng, kaba ong, “Mynta la wan jia kata ka jingpynim bad kata ka bor, bad kata ka hima U Blei jong ngi bad kata ka bor synshar uta U Khrist jong u: naba la shop noh arsut ïa uta u nongmudui ïa ki parabangeit jong ngi, uba shait mudui ïa ki ha khmat U Blei jong ngi mynsngi bad mynmiet.

JINGPYNPAW 12:10 ပူးပေါင်းရင်းမြစ်များ

1 KHRONIKL 29:11

Me long uba khraw bad uba donbor, uba donburom, uba itynnat bad uba iphieng. Kiei kiei baroh ha bneng bad ha khyndew ki dei ki jong me; me dei u syiem, u nongsynshar bahakhlieh duh halor baroh.

Ka Kitab U Job 1:11

Hynrei tharai mynta me shim noh na u baroh kiba u don — un tim ïa me markhmat!”

Ka Kitab U Job 1:9

U Soitan u jubab, “Hato u Job un mane ïa me lada um ïoh ei ei na ka?

Ka Kitab U Job 2:5

Hynrei tharai mynta me pynmong ïa ka met jong u — un tim ïa me markhmat!”

SALM 22:28

U Trai u long u Syiem, bad u synshar ïa ki hima.

SALM 45:6

Ka hima kaba U Blei u la ai ïa me kan neh junom la junom. Me synshar halor ki briew jong me da ka hok;

DANIEL 2:44

Ha ka por jong kito ki nongsynshar U Blei ka bneng un seng ka hima ka ban ym kut junom. Yn ym lah ban jop ïa ka, hynrei kan pynjot thiaw ïa baroh kito ki hima, bad nangta kan neh junom.

MATHAÏOS 26:64

U Jisu u la jubab ïa u, “Me ong kumta. Hynrei nga ong ïa phi baroh: Naduh kane ka por phin ïohi ïa U Khun U Briew ba u da shong ha ka liang kamon jong U Bakhrawbor tam bad u da wan ha ki lyoh bneng!”

MATHAÏOS 28:18

U Jisu u la wan hajan bad u la ong ha ki, “La ai ha nga baroh ka bor ha bneng bad ha khyndew.

MATHAÏOS 6:10

ai ba ka Hima jong me kan wan; ai ba ka mon jong me yn leh ha ka khyndew kumba ka long ha bneng.

LOUKAS 11:2

U Jisu u la ong ha ki, “Haba phi duwai, to ong ïa kane: “ ‘Ko Kpa: Ai ba ka kyrteng jong me kan long kaba la pyndonburom; ai ban wan ka Hima jong me.

LOUKAS 22:31

“Ko Simon, Simon! Sngap! U Soitan u la ïoh jingbit ban tynjuh ïa phi baroh, ban pynïakhlad ïa kaba bha na kaba sniew, kumba u nongrep u pynïakhlad ïa u kew na u stait.

2 KORINTH 12:9

Hynrei ka jubab jong u ka la long: “Ka jingaiei jong nga ka long baroh kaba me donkam, naba ka bor jong nga ka khraw tam dei haba me tlot.” Nga kmen eh, namarkata, ban sngewsarong ha ki jingtlot jong nga, khnang ban mad ïa ka jingïada ka bor jong U Khrist halor jong nga.

TITOS 2:3

Kumjuh ruh hikai ïa ki kynthei kiba la kham san ba kin im donakor kum ki kynthei kiba dei ban leh, kiba im ka jingim bakhuid. Kim dei ban long kiba kren siar lane kiba kyrni ha ka dih waiñ.

1 PETROS 5:8

To leh adkar, to sharai! U nongshun jong phi, u Ksuid, u shang kylleng kum u sing bakyrhuh, da kaba wad ïa uno uno ba un nguid tylli.

JINGPYNPAW 11:15

Nangta u angel uba hynñiew u la put ïa la ka turoi, bad la don ki sur kiba jam ha bneng, kiba ong, “Ka bor ban synshar halor ka pyrthei ka long mynta ka jong U Trai jong ngi bad jong U Messaïah jong u, bad un synshar junom la junom!”

JINGPYNPAW 2:26

Ha kito kiba ïoh ïa ka jingjop, kiba ïaineh haduh kaba kut ban leh ïa kaei kaba nga kwah, ngan ai ïa kajuh ka bor kaba nga la ïohpdiang na U Kpa jong nga: Ngan ai ha ki ïa ka bor halor ki jaitbynriew, ban synshar ïa ki da u diengsynshar nar bad ban pynkheiñ ïa ki lyngkhot lyngkhai kum ïa ki khiew dewbyrtha. Ngan ai ha ki ruh ïa u khlur step.

JINGPYNPAW 7:10

Ki la pyrta ha ka sur kaba jam: “Ka jingpynim ka wan na U Blei jong ngi, uba shong halor ka khet, bad na uta u Khunlangbrot!”