JINGPYNPAW 12:1 - Khasi CL Bible (BSI)

¹ Nangta ka dak kaba khraw bad kaba maïan ka la paw ha ka sahit bneng. La don ka briew, kaba ka jaiñphong jong ka, ka long ka sngi bad kaba don u bnai hapoh ki kjat jong ka bad ka pansngiat ki khat-ar tylli ki khlur halor ka khlieh jong ka.

KA BAIBL

¹ Bad la ïohi ïa ka dak khyllah bakhraw ha bneng; ka briew kaba la kup da ka sngi, bad u bnai hapoh ki kjat jong ka, bad halor ka khlieh jong ka, ka pansngiat da ki khat-ar ki khlur;

JINGPYNPAW 12:1 ပူးပေါင်းရင်းမြစ်များ

2 KHRONIKL 32:31

U Hesekaïah u ïoh jingjop ha kiei kiei baroh kiba u la leh, bad wat haba ki nonglamktien ka Babilon ki wan ban kylli shaphang ki jingjia bym ju kham jia kiba jia ha ka ri, U Blei u shah ba u Hesekaïah un leit ha la ka lynti tang ban tynjuh ïa ka jinglong jong u.

SALM 104:2

me tap ïa lade da ka jingshai. Me pyiar ïa ki bneng kum ka ïingjaiñ

SALM 84:11

U Trai u long u nongïada jong ngi bad u syiem uba donburom; u kyrkhu ïa ngi da ka jingbhasbun bad ka burom. Um kyntait ïa kaei kaei kaba bha na kito kiba leh ïa kaei kaei kaba dei.

JINGRWAI SOLOMON 6:10

Kaei kane kaba ka jingkhmih jong ka, ka long kum ka step? Ka long kaba bhabriew bad kaba phyrnai, ka jingphyrnai kum ka sngi ne u bnai.

ISAÏAH 61:10

Ko Jerusalem to shadkmen namar kaei kaba U Trai u la leh. Ka long kum ka nongleitkurim kaba riam na ka bynta ka jingkyntiew kurim jong ka. U Blei u la pynkup ïa ka da ka jingpynim bad ka jingjop.

ISAÏAH 62:3

Phan long kum ka pansngiat kaba itynnat ïa U Trai.

SEKHARAÏAH 9:16

Haba kata ka sngi ka poi, U Trai un pyllait im ïa ki briew jong u, kumba u nongaplangbrot u pyllait im ïa ka kynhun langbrot jong u na ka jingma. Kin tyngshaiñ ha ka ri jong u kum ki mawlynnai ha ka pansngiat.

MALAKHI 4:2

Hynrei na ka bynta jong phi kiba kohnguh ïa nga, ka bor jong nga kaba pynim kan kiew halor jong phi kum ka sngi bad kan wallam jingkhiah kum ki kjat sngi. Phin long kiba laitluid bad bakmen kum ki khun masi ba la pyllait na ka sem.

MATHAÏOS 12:38

Nangta katto katne ki nonghikai ka Hukum bad katto katne ki Pharisi ki la kren. “Ko Nonghikai,” ki la ong, “ngi kwah ban ïohi ïa me ba me leh kambah.”

MATHAÏOS 24:30

Nangta ka dak U Khun U Briew kan paw ha ka sahit bneng, bad baroh ki jaitbynriew jong ka pyrthei kin ïam haba ki ïohi ïa U Khun U Briew ba u wan ha ki lyoh bneng ha ka bor bad ka burom bakhraw.

MARKOS 13:25

ki khlur kin hap na bneng, bad ïa ki bor ha ka haw haw yn pynkynriah noh na ki lynti ïaid jong ki.

LOUKAS 21:11

Yn don ki jingkhynñiuh jumai kiba shyrkhei, ki 'nemsniew, bad ki khlam ha kylleng kylleng; kin don kiei kiei kiba phylla bad kiba pyntriem kiba wan na sahit bneng.

LOUKAS 21:25

“Kin don kiei kiei kiba phylla ki ban jia ha ka sngi, ha u bnai, bad ha ki khlur. Ha ka pyrthei, ki ri baroh kin don ha ka jingnoh mynsiem, ki tieng ïa ka jingkyrhuh jong ka duriaw bad ïa ka jingkhih phaloh ki jingat phyllung.

ÏOANNIS 3:29

Ka nongleitkurim ka dei ka jong u nongleitkurim; hynrei u paralok jong u nongleitkurim, uba ïeng marsyndah bad shahshkor, u kmen haba u ïohsngew ïa ka sur jong u nongleitkurim. Kane ka long kumno ba ïa ka jingkmen jong nga la pyndap pura.

KI KAM 2:19

Ngan leh ki kambah ha ka sahit bneng shajrong bad ïa ki jingphylla ha ka khyndew sha tbian. Kan don ka snam, ka ding, bad ka tdem kaba rben;

Ka Shithi U Paul Sha Ki Nong Rom 13:14

Hynrei to kieng ïa ki atiar jong U Jisu Khrist uba U Trai, bad to sangeh na kaba pynleit jingmut sha ki jinglong jong ka pop kiba pynhun ïa ki jingkwah brai jong ka.

Ka Shithi U Paul Sha Ki Nong Rom 3:22

U Blei u pynlong ka hok bad ki briew lyngba ka jingngeit jong ki ha U Jisu Khrist. U Blei u leh ïa kane ïa baroh kiba ngeit ha U Khrist, namar ym don satia kano kano ka jingïapher:

2 KORINTH 11:2

Nga don ka jingsngewkhia na ka bynta jong phi, kumba U Blei u sngew; phi long kum ka theisotti basngur ïa kaba nga la kular ha ka jingshongkurim bad tang ïa uwei u briew, U Khrist hi.

GALATIA 3:27

La pynbaptis ïa phi ha U Khrist, bad mynta la pynkup ïa phi, kumba ong, da ka jingim U Khrist hi.

GALATIA 4:26

Hynrei ka Jerusalem ba kynja bneng ka long kaba laitluid, bad ka dei ka kmie jong ngi keiñ.

GALATIA 6:14

Pynban, na ka bynta jong nga, ngan sngewsarong tang shaphang ka diengphna U Jisu Khrist uba U Trai jong ngi; naba da ka diengphna jong u, ka pyrthei ka la ïap ïa nga, bad nga la ïap ïa ka pyrthei.

EPHESOS 5:32

Ka don ka jingmaïan kaba la pynpaw ha ka Jingthoh Bakhuid, kaba nga sngewthuh kaba thew ïa U Khrist bad ïa ka balang.

JINGPYNPAW 1:20

Kane ka dei ka jingmut barieh jong ki hynñiew tylli ki khlur kiba me ïohi ha ka kti kamon jong nga, bad ki hynñiew tylli ki diengpynïeng sharak ksiar: Ki hynñiew tylli ki khlur ki long ki angel jong ki hynñiew tylli ki balang, bad ki hynñiew tylli ki diengpynïeng sharak ki long ki hynñiew tylli ki balang.

JINGPYNPAW 11:19

Ïa ka Templ U Blei ha bneng la plie, bad ïa ka Synduk ka Jutang la ïohi hangta. Nangta la don ki jingthaba leilieh, ki jingkyrhuh bad ki jingsawa u pyrthat, ka jingkhynñiuh jumai bad ka jinghap phria kaba jur.

JINGPYNPAW 12:3

Sa kawei pat ka dak bamaïan ka la paw ha ka sahit bneng. La don u Ïakjakor uba heh bad uba rong saw uba don hynñiew tylli ki khlieh bad shiphew tylli ki reng, bad kawei ka pansngiat ha kawei pa kawei jong ki khlieh jong u.

JINGPYNPAW 15:1

Nangta nga la ïohi ha ka suiñbneng ïa kawei pat ka jingïohi kaba maïan, kaba khraw bad kaba iphylla. La don hynñiew ngut ki angel lem bad hynñiew tylli ki khlam, kiba long kiba khatduh, namar ki long ki jingpynpaw kiba khatduh jong ka jingbitar U Blei.

JINGPYNPAW 21:14

Ïa ka kynroh jong ka nongbah la tei halor ki khat-ar tylli ki maw nongrim, kiba halor jong ki la thoh ïa ki kyrteng jong ki khat-ar ngut ki apostol jong U Khunlangbrot.

JINGPYNPAW 21:23

Ka nongbah kam donkam ïa ka sngi lane ïa u bnai ban tyngshaiñ halor jong ka, namar ba ka burom jong U Trai ka tyngshaiñ halor jong ka, bad U Khunlangbrot u long ka sharak jong ka.