JINGPYNPAW 11:9 - Khasi CL Bible (BSI)

⁹ Ki briew na baroh ki hima, ki kynja bynriew, ki jait ktien, bad ki jaitbynriew kin shu khmih ïa kita ki metïap jong ki haduh lai sngi shiteng bad kin ym shah ban tep ïa ki.

KA BAIBL

⁹ Te kiba na kita ki paidlang bad ki jaid bad ki thylliej bad ki kynja bynriew kin ïakhmih ïa kita ki metïap jong ki, lai sngi shiteng, bad kin ym shah ban buh ïa kita ki metïap jong ki ha ki jingtep.

JINGPYNPAW 11:9 ပူးပေါင်းရင်းမြစ်များ

1 SYIEM 13:22

Pynban, phi la wan phai bad phi bam phi dih ha ka jaka ha kaba u la khang ïa phi ban bam ban dih. Namar kane yn sa pynïap ïa phi, bad ïa ka met jong phi yn ym tep ha ka jingtep ki kpa tymmen jong phi.”

EKLESIASTIS 6:3

Ngi lah ban don shispah ngut ki khun bad ban im slem, hynrei kam pher haduh katno ngi im, lada ngim ïoh ïa la ka bynta jong ka jingsngewkmen bad ïohpdiang ïa ka jingontep kaba donburom, te nga ong ba kham bha u khunlung uba la kha ïap.

ISAÏAH 33:1

Ki nongshun jong ngi ki la shahjop! Ki la lute bad shetkylla, wat la ym shym don kiba la lute ne shetkylla ïa ki. Hynrei ka por ban lute bad shetkylla kan kut, bad ma ki hi kin sa long kiba shah lute bad kiba shah shetkylla.

JEREMAÏAH 7:33

Ki metïap kin long ka jingbam ïa ki sim bad ïa ki mradkhlaw, bad yn ym don mano mano ban beh pyntieng ïa ki.

MATHAÏOS 7:2

naba U Blei un bishar ïa phi ha kajuh ka rukom kumba phi bishar ïa kiwei pat, bad un pyndei ha phi ïa kijuh ki jingthew kiba phi pyndei ïa kiwei pat.

JINGPYNPAW 10:11

Te la ïathuh ïa nga, “Sa shisien pat ka dei ïa me ban pynbna ïa ka khubor U Blei sha kiba bun ki jaitbynriew, ki kynja bynriew, ki jait ktien, bad ki syiem.”

JINGPYNPAW 11:11

Hadien lai sngi shiteng, ka jingpyrsad mynsiem ba ai jingim ka la wan na U Blei bad ka la rung ha ki, bad ki la ïeng joit; bad baroh kiba la ïohi ïa ki, ki la sngewtriem.

JINGPYNPAW 13:7

La shah ïa u ban ïaleh pyrshah ïa ki briew jong U Blei bad ban jop ïa ki, bad la ai ha u ïa ka bor halor kawei pa kawei ka jaitbynriew, ka hima, ka ktien bad halor u bynriew baïapher.

JINGPYNPAW 17:15

U angel u la ong ruh ha nga, “Ki um ïa kiba me la ïohi, ha kaba kata ka nuti ka shong, ki long ki jaitbynriew, ki paidlang, ki kynja bynriew bad ki jait ktien.

JINGPYNPAW 5:8

Katba u dang leh kumta, kita ki saw tylli ki jingthaw ba-im bad ki arphew saw ngut ki nongsharai balang ki la dem khrup ha khmat U Khunlangbrot. Uwei pa uwei u la don ka duitara bad ki pliang ksiar ba la pyndap da ka jingiwbih, kiba long ki jingduwai jong ki briew jong U Blei.

JINGPYNPAW 5:9

Ki la rwai ka jingrwai bathymmai: “Me long uba dei hok ban shim ïa ka kot kli bad ban pynpait ïa ki jingpyndait jong ka. Naba la pynïap ïa me, bad da ka jingïap ba aiti lut jong me me la siew kuna na ka bynta ki briew jong U Blei na kawei pa kawei ka jait, ka jait ktien, ka hima bad ka jaitbynriew.