JINGPYNPAW 11:7 - Khasi CL Bible (BSI)

⁷ Haba ki dep ban pynbna ïa ka khubor jong ki, uta u mradkhlaw uba wan kiew na ka liewlong ba khlem trai un ïaleh pyrshah ïa ki.

KA BAIBL

⁷ Te ynda ki la ïoh pyndep noh ïa kata ka jingphla jong ki, uta u mrad uba kiew noh na kata ka 'liewlong bakhlem trai, un pynlong ïa ka jingïaleh thma bad ki, bad un jop thiaw ïa ki, bad un pynïap noh ïa ki.

JINGPYNPAW 11:7 ပူးပေါင်းရင်းမြစ်များ

DANIEL 7:25

Un kren pyrshah ïa U Blei Bahakhlieh Tam Eh bad banbeiñ ïa ki briew jong U Blei. Un pyrshang ban pynkylla ïa ki aiñ niam bad ïa ki Jingkhawai Niam jong ki, bad ki briew jong U Blei kin long hapoh ka bor jong u haduh lai snem shiteng.

LOUKAS 13:32

U Jisu u la jubab ïa ki, “Khie leit bad ïathuh ïa uta u myrsiang: ‘Nga beh noh ïa ki ksuid bad nga pynkhiah mynta bad la shai, bad ha ka sngi kaba lai ngan pyndep ïa ka jingtrei jong nga.’

LOUKAS 8:31

Ki ksuid ki la kyrpad ïa U Jisu ban ym phah ïa ki sha ka 'liewlong khlem trai.

ÏOANNIS 17:4

Nga la pynpaw ïa ka burom jong me ha ka pyrthei; nga la pyndep ïa ka kam kaba me la ai ha nga ban leh.

ÏOANNIS 19:30

U Jisu u la dih ïa kata ka waiñ bad u la ong, “La pyndep!” Nangta u la noh lyngngeh la ka khlieh bad u la ïap.

KI KAM 20:24

Hynrei nga ñiew ïa la ka jingim ba ka long ka bymdondor ei ei ïa nga; nga kwah tang ban pyndep ïa ka jingtrei jong nga bad pyndep pura ïa ka kam kaba U Trai Jisu u la ai ha nga ban leh, kaba long ban pynbna ïa ka Khubor Babha shaphang ka jingaiei jong U Blei.

2 TIMOTHI 4:7

Nga la ïaleh tyngeh ïa ka jingïamareh, nga la pyndep ïa ka jingïaphet, nga la ri ïa ka jingngeit.

JINGPYNPAW 11:3

Ngan sa phah ïa ki sakhi jong nga ar ngut kiba kup da ki jaiñ khain, bad kin pynbna ïa ka khubor U Blei ha kita ki shihajar arspah hynriewphew sngi.”

JINGPYNPAW 12:17

U Ïakjakor u la bitar shla ïa kata ka briew bad u la leit noh ban ïaleh pyrshah ïa ki khun ki ksiew jong ka kiba dang sah, ïa baroh kito kiba kohnguh ïa ki hukum jong U Blei bad kiba ïaineh ha ka jingshisha ïa kaba U Jisu u la pynpaw.

JINGPYNPAW 13:11

Nangta nga la ïohi sa uwei pat u mradkhlaw, uba la wan kiew napoh ka khyndew. U la don ar tylli ki reng kum ki jong u khunlangbrot, bad u la kren kum u Ïakjakor.

JINGPYNPAW 13:7

La shah ïa u ban ïaleh pyrshah ïa ki briew jong U Blei bad ban jop ïa ki, bad la ai ha u ïa ka bor halor kawei pa kawei ka jaitbynriew, ka hima, ka ktien bad halor u bynriew baïapher.