JINGPYNPAW 11:5 - Khasi CL Bible (BSI)

⁵ Lada uno uno u pyrshang ban pynmynsaw ïa ki, ka ding kan mih na ki shyntur jong ki bad kan bam duh ïa ki nongshun jong ki; bad ha kane ka rukom, uno uno uba pyrshang ban pynmynsaw ïa ki un shah pynïap.

KA BAIBL

⁵ Bad lada uno uno ruh u kwah ban pynsniew ïa ki ka ding ka mih noh na ka shyntur jong ki, bad ka bam duh ïa ki nongshun jong ki: te lada uno uno ruh u kwah ban pynsniew ïa ki, kumjuh ka dei ban pynïap noh ïa uta.

JINGPYNPAW 11:5 ပူးပေါင်းရင်းမြစ်များ

SALM 18:8

Ka tdem ka la mih na ki thliew khmut jong u, bad ka ding kaba bam duh bad ki rnga kiba rhem na ka shyntur jong u.

ISAÏAH 11:4

un bishar hok ïa kiba duk bad un ïada ïa ki hok jong ki bymdonbor. Ha ka hukum jong u, yn pynshitom ïa ki briew, bad ki briew basniew kin ïap.

JEREMAÏAH 1:10

Ha kane ka sngi nga ai ha me ka iktiar halor ki jaitbynriew bad ki hima ban rat bad ban pynkhyllem, ban pynjot bad ban bret sharud, ban tei bad ban thung.”

ESEKIEL 43:3

Kane ka jingïohipaw ka la long kum kaba nga la ïohi mynba U Blei u la wan ban pynjot ïa ka Jerusalem, bad kum kaba nga la ïohi harud ka wah Khebar. Nangta nga la dem pyllup ïa lade ha ka khyndew.

HOSIA 6:5

Namarkata, nga la phah ïa ki nongïathuhlypa jong nga sha phi ryngkat ka khubor jong ka jingbishar bad ka jingpynjot. Kaei kaba nga kwah na phi ka long kaba shisha bad kaba shai.

SEKHARAÏAH 1:6

Lyngba ki shakri jong nga ki nongïathuhlypa nga la ai ha ki kpa tymmen jong phi ïa ki hukum bad ki jingmaham, hynrei ki la kyntait ïa ki bad ki la shahshitom ïa kaba mih nangta. Nangta ki la kylla-kaba-mut bad ki la pdiang ba ma nga, U Trai Badonbor Baroh, nga la lah pynshitom ïa ki kumba ki dei ban shah bad kumba nga la kut jingmut ban leh.’ ”

SEKHARAÏAH 2:8

Uno uno uba shoh ïa phi u shoh ïa uta uba kordor eh ha nga.” Kumta U Trai Badonbor Baroh u la phah ïa nga lem bad kane ka khubor ïa ki jaitbynriew kiba la lute ïa ki briew jong u:

JINGPYNPAW 13:13

Une u mradkhlaw uba ar, u la leh ki kambah kiba khraw; u la pynlong ïa ka ding ban wan hiar na bneng sha ka pyrthei ha ka jingïohi jong uwei pa uwei baroh.

JINGPYNPAW 9:17

Bad ha ka jingïohipaw jong nga, nga la ïohi ïa ki kulai bad ïa ki nongshong kulai jong ki: Ki don ki jingïada shadem kiba saw kum ka ding, kiba jngum kum u Sapphir, bad kiba stem kum u kyndok. Ki khlieh jong ki kulai ki la long kum ki khlieh sing, bad na ki shyntur jong ki la mih ka ding, ka tdem bad u kyndok.