JINGPYNPAW 11:3 - Khasi CL Bible (BSI)

³ Ngan sa phah ïa ki sakhi jong nga ar ngut kiba kup da ki jaiñ khain, bad kin pynbna ïa ka khubor U Blei ha kita ki shihajar arspah hynriewphew sngi.”

KA BAIBL

³ Bad ngan ai bor ha ki ar ngut ki nongïaphla jong nga, te kin ïathuhlypa shi hajar arspah hynriewphew sngi, kiba la kup ki jaiñ khain.”

JINGPYNPAW 11:3 ပူးပေါင်းရင်းမြစ်များ

JENESIS 37:34

U Jakob u kad ïa la ki jaiñ ha ka jingsngewsih bad u kup da ka jaiñ khain. U la ïam sngewsih bun sngi na ka bynta u khun jong u.

2 SAMUEL 3:31

Nangta u Dabid u hukum ïa u Joab bad ïa ki rangbah jong u ban kad ïa la ki jaiñ, ban phong ka jaiñ khain, bad ban ïambriew na ka bynta u Abner. Bad ha ka jingleit ontep, u syiem Dabid da lade hi u ïaid hadien ka synduk metïap.

1 SYIEM 21:27

Haba u Elijah u la dep kren, u Ahab u la kad ïa la ki jaiñ, u la law ïa ki bad u phong da ki jaiñ khain. Um treh bam, u thiah ha ka jaiñ khain, bad u leit phai da kaba khuslai bad rit mynsiem.

2 SYIEM 19:1

U syiem Hesekaïah tang mar ïohsngew ïa kaba la ïathuh, u kad ïa la ki jaiñ ha ka jingsngewsih, u phong da ka jaiñ khain, bad u leit sha ka Templ jong U Trai.

1 KHRONIKL 21:16

Haba u Dabid u ïohi ïa u angel uba ïeng ha shiteng suiñ, u da bat ïa la ka waitlam ha la ka kti, uba la pynkhreh ban pynjot thiaw ïa ka Jerusalem. Nangta u Dabid bad ki nongïalam jong ki paidbah — baroh na ki, kiba la phong ki jaiñ khain — ki dem pynrit, bad la ki khlieh kiba kynduh ha madan.

NEHEMAÏAH 9:1

Ha ka sngi kaba arphew saw jong ujuh u bnai, ki Israel ki ïalumlang ban shahjingit ban pynpaw ka jingsngewsih na ka bynta ki pop jong ki. Ki la lah pynïakhlad ïa lade na ki nongwei baroh. Ki phong ki jaiñ khain bad sleh pui pui ha ki khlieh jong ki kum ka dak jong ka jingsngewsih. Nangta ki ïeng bad sdang ban phla ïa ki pop kiba ma ki bad ki kpa tymmen jong ki, ki la leh.

Ka Kitab U Job 16:15

Nga sngewsih bad nga phong da ki jaiñ khain, bad nga shong hangne ha u pui pui, ba la shahjop.

SALM 69:11

nga phong ïa lade da ki jaiñ ka jingïambriew, bad ki rkhie ïa nga.

ISAÏAH 22:12

U Trai U Nongsynshar Badonbor Baroh u la khot ïa phi ha kato ka por ban ïam bad ïam pangnud, ban khi ïa ki khlieh jong phi bad ban phong ki jaiñ khain.

JEREMAÏAH 1:10

Ha kane ka sngi nga ai ha me ka iktiar halor ki jaitbynriew bad ki hima ban rat bad ban pynkhyllem, ban pynjot bad ban bret sharud, ban tei bad ban thung.”

SNGEWSYNEI 2:10

Ki tymmen shynrang jong ka Jerusalem ki shong ha khyndew ha ka jingjar jar, da u pui pui halor ki khlieh jong ki bad ka jaiñ khain ha ki met jong ki. Ki samla kynthei ki pyndem ngon ïa ki khlieh jong ki ha khyndew.

ESEKIEL 4:6

Haba me la dep ïa kata, phai pyrshing pat sha ka krung kamon jong me bad shahshitom sawphew sngi namar ki kam bymman ka ïing Judah — kawei ka sngi namar kawei kawei ka snem jong ka jingshah pynshitom jong ki.

DANIEL 12:7

U angel u la rah ïa la ki kti sha bneng bad u la pynlong ka jingkular kyntang ha ka kyrteng jong U Blei Bymjukut. Nga la ïohsngew ïa u ba u ong, “Kan long lai snem shiteng. Haba ka jingpynshitom beiñ ïa ki briew jong U Blei ka kut, kine kiei kiei baroh kin hap ban jia.”

DANIEL 7:25

Un kren pyrshah ïa U Blei Bahakhlieh Tam Eh bad banbeiñ ïa ki briew jong U Blei. Un pyrshang ban pynkylla ïa ki aiñ niam bad ïa ki Jingkhawai Niam jong ki, bad ki briew jong U Blei kin long hapoh ka bor jong u haduh lai snem shiteng.

DANIEL 8:14

Nga la ïohsngew ïa uta uwei pat u angel ba u jubab, “Kan ïailong haduh shi hajar shispah sanphew sngi, ha kaba ïa ki jingkñia janmiet bad mynstep yn ym ai. Hadien kata yn sa pynbha pat ïa ka Templ.”

JOEL 1:13

To phong ki jaiñ khain bad to ïam, phi ki lyngdoh kiba shakri ha ka duwan! To leit sha ka Templ bad to ïamkthang baroh shi miet! Ym don kew lane waiñ ban ainguh ha U Blei jong phi.

JONAH 3:5

Ki briew jong ka Ninebeh ki la ngeit ïa ka khubor U Blei. Kumta ki la ïa-rai ba baroh ki dei ban shahjingit, bad ba baroh ki briew, naduh uba rit tam haduh uba khraw tam, ban phong jaiñ khain ban pynpaw ba ki la kylla-kaba-mut.

JONAH 3:8

Baroh ki briew bad ki mrad ki dei ban phong ki jaiñ khain. Uwei pa uwei u dei ban duwai jur ha U Blei bad u dei ban iehnoh ïa ka jingleh bymman bad ki kam sniew jong u.

JINGKHEIÑ 11:26

Ar ngut na kita ki hynñiewphew ngut ki nongïalam, u Eldad bad u Medad, ki sah ha ka jaka shong dara bad kim shym la leit sha ka Ïingjaiñ. Hangta ha ka jaka shong dara, kata ka bor mynsiem ka wan ha ki, bad ki ruh ki sdang ban pyrta jam kum ki nongïathuhlypa.

MATHAÏOS 11:21

“Katno kan long kaba shyrkhei ïa pha, ko Khorasin! Katno kan long kaba shyrkhei ïa pha ruh, ko Bethsaida! Lada ïa ki kambah kiba la leh ha phi la lah leh ha Tyros bad Sidon, la kham slem ki briew hangta kin jin da la phong da ka jaiñ khain bad synreit da u dpei halor lade, ban pyn-i ba ki la phai noh na ki pop jong ki!

MATHAÏOS 18:16

Hynrei lada um sngap ïa me, ïalam uwei ne ar ngut kiwei pat ki briew lem bad me, khnang ba ‘kawei pa kawei ka jingkynnoh lah ban kyrshan da ka jingsakhi jong ki ar lane lai ngut ki sakhi.’

LOUKAS 10:13

“A katno kan long kaba shyrkhei ïa pha, ko Khorasin! A katno kan long kaba shyrkhei ïa pha ruh, ko Bethsaida! Lada ïa ki kambah ba la leh ha phi la lah leh ha Tyros bad ha Sidon, ki briew kiba hangta kin jin da la shong naduh mynshuwa, kin kup ka jaiñ khain bad synreit dpei halor lade, ban pyn-i ba ki la phai noh na ki pop jong ki!

LOUKAS 24:48

Phi long ki sakhi ïa kine kiei kiei.

ÏOANNIS 15:27

Bad ma phi, ruh, phin kren shaphang jong nga, namar ba phi la don lem bad nga naduh kaba sdang.

ÏOANNIS 3:27

U Ïoannis u la jubab, “Ym don uno uno uba lah ban ïohpdiang ei ei lymda U Blei u ai ïa ka ha u.

KI KAM 1:8

Hynrei haba U Mynsiem Bakhuid u wan ha phi, yn pyndap ïa phi da ka bor, bad phin long ki sakhi jong nga ha Jerusalem, ha baroh ka Judia bad Samaria, bad shaduh kiba kut jong ka pyrthei.”

KI KAM 13:31

bad bun sngi u la mihpaw ha kito kiba la ïaleit lem bad u na Galilaïa sha Jerusalem. Ki long mynta ki sakhi na ka bynta jong u sha ki paid Israel.

KI KAM 2:32

U Blei u la pynmihpat ïa une hi U Jisu na ka jingïap, bad ngi baroh ngi long ki sakhi ïa kane ka jingshisha.

KI KAM 3:15

Phi la pynïap ïa uta uba ïalam sha ka jingim, hynrei U Blei u la pynmihpat ïa u na ka jingïap — bad ngi long ki sakhi ïa kane.

1 KORINTH 12:28

Ha ka balang, U Blei u la buh ïa baroh ha la ka bynta: Ha ka bynta banyngkong u buh ïa ki Apostol, ha ka bynta kaba ar ïa ki nongïathuhlypa, kaba lai ïa ki nonghikai; nangta ïa kito kiba leh ïa ki kambah, bud sa kito ha kiba la ai ïa ka bor ban pynkhiah lane ban ïarap ïa kiwei lane ban pyn-i lem lane ban kren ha ki thylliej bapher.

2 KORINTH 13:1

Kane ka long mynta ka sien kaba lai ba nga wan jngoh ïa phi. Kumba ka Jingthoh Bakhuid ka ong, “Ïa kano kano ka jingmudui dei ban pynksan da ka jingpynshisha da ki ar ngut ki sakhi ne tam ïa kata.”

EPHESOS 4:11

U la long ma u, uba “la ai ki jingai sngewbha ha u bynriew;” u la thung katto katne ngut ban long ki apostol; ïa kiwei, ki nongïathuhlypa; ïa kiwei, ki nongïalap; ïa kiwei pat, ki nongsharai balang bad ki nonghikai.

DEUTERONOMI 17:6

Hynrei lah ban pynïap ïa kita tang lada don ar ngut ne kham bun ki sakhi pyrshah ïa ki; ym dei ban pynïap ïa ki lada don tang uwei u sakhi.

DEUTERONOMI 19:15

“Kam biang tang uwei u sakhi ban rai pynrem ïa u briew na ka bynta kano kano ka kam palat; la kumno kumno, ar ngut ki sakhi ki dei ban pynsabut ba u briew u leh kam sniew.

JINGPYNPAW 1:5

bad na U Jisu Khrist, u sakhi baïaineh, uba nyngkong ïa uba la pynmih na ka jingïap bad uba long ruh u nongsynshar jong ki syiem jong ka pyrthei. U ieit ïa ngi, bad da ka jingïap ba aiti lut jong u, u la pyllait ïa ngi na ki pop

JINGPYNPAW 11:2

Hynrei wat thew ïa ki phyllaw kiba shabar, namar la ai noh ïa ki ha kiba mane blei thala, ki ban sa ïuhroit ïa ka Nongbah Bakhuid haduh sawphew ar bnai.

JINGPYNPAW 11:6

Ki don ka bor ban set ïa ka sahit bneng ba yn ym hap slap ha ka por ba ki pynbna ïa ka khubor U Blei. Ki don ka bor ruh halor ki pukri um, ban pynkylla snam ïa ki; ki don ka bor ruh ban shoh ïa ka khyndew da kano kano ka jait khlam katba shong ka mon jong ki.

JINGPYNPAW 12:6

Kata ka briew ka la phet sha ka ri shyiap, sha ka jaka ba U Blei u la pynkhreh na ka bynta jong ka; ha kaba yn sumar ïa ka haduh shihajar arspah hynriewphew sngi.

JINGPYNPAW 13:5

Ïa u mradkhlaw la shah ban pynlong ki jingkob sarong kiba long ki jingbeiñ ïa U Blei, bad la shah ïa u ban don ka bor synshar haduh sawphew ar bnai.

JINGPYNPAW 19:10

Nga la dem khrup ha ki kjat jong u ban mane ïa u, hynrei u la ong ha nga, “Wat leh kumne! Nga long u para shakri bad me bad kita ki parabangeit jong me, kito baroh kiba bat ïa ka jingshisha kaba U Jisu u la pynpaw. To mane ïa U Blei!” Naba ka jingshisha kaba U Jisu u la pynpaw ka long kata kaba pyrsad mynsiem ïa ki nongïathuhlypa.

JINGPYNPAW 20:4

Nangta nga la ïohi ïa ki khet bad ha kito kiba shong ha ki la ai ïa ka bor ban bishar. Nga la ïohi ruh ïa ki mynsiem jong kito kiba la shah pynïap namar ba ki la pynbna ïa ka jingshisha ïa kaba U Jisu u la pynpaw bad ïa ka ktien U Blei. Kim shym la mane ïa u mradkhlaw lane ïa ka dur jong u, lymne ba ki la pdiang ïa ka shab jong u mradkhlaw ha ki shyllangmat jong ki lane ha ki kti jong ki. Ki la im pat bad ki la synshar kum ki syiem bad U Khrist shihajar snem.