JINGPYNPAW 11:2 - Khasi CL Bible (BSI)

² Hynrei wat thew ïa ki phyllaw kiba shabar, namar la ai noh ïa ki ha kiba mane blei thala, ki ban sa ïuhroit ïa ka Nongbah Bakhuid haduh sawphew ar bnai.

KA BAIBL

² hynrei, ïa ka phyllaw kaba shabar kata ka templ U Blei men iehnoh noh, men ym thew ïa ka; naba la ai noh ïa ka ha ki Jentil: bad ïa ka nongbah ka bakhuid kin ïaïuh top jin sawphew ar bnai.

JINGPYNPAW 11:2 ပူးပေါင်းရင်းမြစ်များ

SALM 79:1

A Blei, ki nongmane bleithaw ki la wan hiarthma ïa ka ri jong me. Ki la pyntngit ïa ka Templ bakhuid jong me; bad iehnoh ïa ka Jerusalem ha ka jingjot jingpra.

ISAÏAH 48:2

Bad pynban phi sngewsarong ban ong ba phi long ki nongshong shnong jong ka nongbah bakhuid bad ba phi shaniah ha U Blei ki Israel, uba ka kyrteng jong u ka long U Trai Badonbor Baroh.

ISAÏAH 5:5

“Kane ka dei kaei kaba ngan leh ïa ka bri sohwaiñ jong nga: Ngan weng noh ïa ka jingker baroh sawdong jong ka, ngan pynpra ïa ka kynroh kaba da ïa ka, ngan shah ïa ki mradkhlaw ban bam ïa ka bad ïuhroit ïa ka.

ISAÏAH 52:1

Ko Jerusalem, to long khlaiñ bad long khraw biang! Ko nongbah Bakhuid jong U Blei, to kup ïa lade da ka burom! Kiba mane blei thala kin ym ïohrung shuh da lei lei lyngba ki khyrdop jong pha.

SNGEWSYNEI 1:10

Ki nongshun jong ka ki la lute ïa ka jingkynshew jong ka baroh. Ka la ïohi ïa ki, ba ki rung sha ka Templ hi, ha kaba U Trai u la lah khang ïa ki Jentil ban leit.

ESEKIEL 4:6

Haba me la dep ïa kata, phai pyrshing pat sha ka krung kamon jong me bad shahshitom sawphew sngi namar ki kam bymman ka ïing Judah — kawei ka sngi namar kawei kawei ka snem jong ka jingshah pynshitom jong ki.

ESEKIEL 42:20

kumta ka kynroh ka ker sawdong arspah sanphew mitar ha kawei pa kawei ka liang. Ka kynroh ka pynïakhlad ïa kaei kaba long kaba khuid na kaei kaba long bymkhuid.

DANIEL 12:7

U angel u la rah ïa la ki kti sha bneng bad u la pynlong ka jingkular kyntang ha ka kyrteng jong U Blei Bymjukut. Nga la ïohsngew ïa u ba u ong, “Kan long lai snem shiteng. Haba ka jingpynshitom beiñ ïa ki briew jong U Blei ka kut, kine kiei kiei baroh kin hap ban jia.”

DANIEL 7:19

Nangta nga la kwah ban tip kham bun shaphang jong u mradkhlaw uba saw, u bym long kum kiwei pat — u mradkhlaw bakynsha uba khñiot pynlwet ïa kiba u la ïoh da ki tnaw rnong bad da ki bniat nar bad nangta u kyrdem halor jong ki.

DANIEL 7:25

Un kren pyrshah ïa U Blei Bahakhlieh Tam Eh bad banbeiñ ïa ki briew jong U Blei. Un pyrshang ban pynkylla ïa ki aiñ niam bad ïa ki Jingkhawai Niam jong ki, bad ki briew jong U Blei kin long hapoh ka bor jong u haduh lai snem shiteng.

DANIEL 8:10

Ka la san khlaiñ eh ban tur ïaleh ïa ka kynhun shipai jong ka bneng, ïa ki khlur hi, bad ka la bret katto katne na ki sha khyndew bad ka la ïuh halor jong ki.

DANIEL 8:13

Nangta nga la ïohsngew ïa uwei u angel uba kylli ïa uwei pat, “Haduh katno kine kiei kiei kiba la ïohi ha ka jingïohipaw kin ïailong? Haduh katno ka pop ba-ijli kan bujli ïa ki jingkñia ba man ka sngi? Haduh katno ïa ka kynhun shipai ba kynja bneng bad ïa ka Templ yn kyrdem?”

DANIEL 8:14

Nga la ïohsngew ïa uta uwei pat u angel ba u jubab, “Kan ïailong haduh shi hajar shispah sanphew sngi, ha kaba ïa ki jingkñia janmiet bad mynstep yn ym ai. Hadien kata yn sa pynbha pat ïa ka Templ.”

JINGKHEIÑ 14:34

Phin shah jynjar sawphew snem namar ka pop jong phi, kawei kawei ka snem na ka bynta kawei pa kawei ka sngi na kita ki sawphew sngi ba phi la pynlut ha kaba swar ïa ka ri. Te phin sa sngewthuh ka long kumno haba nga ïeng pyrshah ïa phi!

MATHAÏOS 27:53

Ki la iehnoh ïa ki jingtep bad hadien ba U Jisu u la mihpat na ka jingïap, ki la leit rung sha ka Nongbah Bakhuid, ha kaba shibun ki briew ki la ïohi ïa ki.

MATHAÏOS 4:5

Nangta u Soitan u la ïalam ïa U Jisu sha Jerusalem, ka Nongbah Bakhuid, bad u la buh ïa U ha ka kliar kaba jrong tam jong ka Templ,

MATHAÏOS 5:13

“Phi, phi long kum ka mluh ïa u paid bynriew baroh. Hynrei lada ka mluh ka la blad noh, ym don kano kano ka lad ban pynbha pat ïa ka. Ka la kylla long ka bymdondor, kumta la bret noh ïa ka sharud bad ki briew ki ïuh halor jong ka.

LOUKAS 21:24

Katto katne ngut kin shah pynïap da ka waitlam, bad kiwei pat kin shah rah kum ki koidi sha ki ri baroh; bad ki bymngeit blei kin ïuh ïa ka Jerusalem tad ynda ka por jong ki ka la kut.

HEBRU 10:29

Te, kaei kan long ïa u briew uba ñiewbeiñ ïa U Khun U Blei? uba ñiew dew thala ïa ka snam jong ka jutang U Blei kaba pynkhuid ïa u na ka pop? uba ñiewbeiñ ïa U Mynsiem ka jingaiei? To pyrkhat haduh katno kan long ka jingpynshitom kaba kham shyrkhei kaba u dei ban ïoh!

JINGPYNPAW 11:11

Hadien lai sngi shiteng, ka jingpyrsad mynsiem ba ai jingim ka la wan na U Blei bad ka la rung ha ki, bad ki la ïeng joit; bad baroh kiba la ïohi ïa ki, ki la sngewtriem.

JINGPYNPAW 11:3

Ngan sa phah ïa ki sakhi jong nga ar ngut kiba kup da ki jaiñ khain, bad kin pynbna ïa ka khubor U Blei ha kita ki shihajar arspah hynriewphew sngi.”

JINGPYNPAW 12:6

Kata ka briew ka la phet sha ka ri shyiap, sha ka jaka ba U Blei u la pynkhreh na ka bynta jong ka; ha kaba yn sumar ïa ka haduh shihajar arspah hynriewphew sngi.

JINGPYNPAW 21:10

U Mynsiem u la bat synshar ïa nga, bad u angel u la rah ïa nga sha kliar jong u lumbah uba jrong. U la pyn-i ha nga ïa ka Jerusalem, ka Nongbah Bakhuid, kaba da wan hiar na bneng na U Blei

JINGPYNPAW 21:2

Bad nga la ïohi ïa ka Nongbah Bakhuid, ka Jerusalem bathymmai, kaba da wan hiar na bneng na U Blei, kaba la pynkhreh bad kaba la kloi, kum ka nongleitkurim kaba la riam ban ïashem ïa u tnga jong ka.

JINGPYNPAW 22:19

Bad lada uno uno u shim noh ïa kano kano na ki kyntien jingïathuhlypa jong kane ka kitab, U Blei un shim noh na u ïa ka bhah jong u na u soh jong u dieng ka jingim bad jong ka Nongbah Bakhuid, ïa kiba la batai ha kane ka kitab.