JINGPYNPAW 11:19 - Khasi CL Bible (BSI)

¹⁹ Ïa ka Templ U Blei ha bneng la plie, bad ïa ka Synduk ka Jutang la ïohi hangta. Nangta la don ki jingthaba leilieh, ki jingkyrhuh bad ki jingsawa u pyrthat, ka jingkhynñiuh jumai bad ka jinghap phria kaba jur.

KA BAIBL

¹⁹ Te la plie ïa ka templ U Blei ha bneng; bad la ïohi ïa ka synduk ka jutang jong u ha kata ka templ jong u; bad la don ki leilieh, bad ki jingsawa, bad ki pyrthat, bad ka jingkhynñiuh jumai, bad u phria bakhraw.

JINGPYNPAW 11:19 ပူးပေါင်းရင်းမြစ်များ

SALM 105:32

U la phah ïa u phria bad ka leilieh ha ka ri jong ki ha ka jaka jong u slap;

SALM 18:12

Ki phria bad ki jingthaba jong ka ding ki wan mih na ka leilieh ha khmat jong u bad ki sam lyngba ïa ki lyoh ba-dum.

ISAÏAH 28:2

U Trai u don ïa uta uba khlaiñ bad badonbor uba la kloi ban tur ïaleh ïa ki, uta u ban wan kum u phria bajur, kum u 'lapbah, kum ka jingshlei um bakhlaiñbor, bad kan tap lup ïa ka ri.

ISAÏAH 29:6

Kynsan kynsan bad khlem poi pyrkhat U Trai Badonbor Baroh un pyllait im ïa pha da ki 'erïong bajur bad ki jingkhih jumai. Un phah ïa ki 'erlangthari bad ka ding baklang;

ISAÏAH 30:30

U Trai un shah ïa baroh ban ïohsngew ïa ka sur bamaïan jong u bad ïa ka bor jong ka jingbitar jong u. Kin don ki thylliej ding, ki jingjur eh u slap, ki phria bad u slap khlem sangeh.

ISAÏAH 32:19

(Hynrei u phria un hap ha ki khlaw, bad ïa ka nongbah yn pynjot.)

ESEKIEL 13:11

Ong ïa ki nongïathuhlypa ba ka kynroh jong ki kan khyllem. Ngan phah ïa u slap bajur. U phria un hap halor jong ka, bad ka lyer bajur kan beh pyrshah ïa ka.

ESEKIEL 13:13

Mynta kane ka dei kaei kaba U Trai Nongsynshar u ong: “Ha ka jingbitar jong nga ngan phah ïa ka lyer bajur, u slap bajur, bad u phria ban pynjot ïa ka kynroh.

ESEKIEL 38:22

Ngan pynshitom ïa u da ka jingpang bad ka jingïa-umsnam. Ïa u 'lapbah 'lapsan bad u phria, ryngkat bad ka ding bad u kyndok, ngan theh noh ha u bad ha ka kynhun shipai jong u, bad halor kiba bun ki jaitbynriew kiba ïashah liang bad u.

JINGKHEIÑ 10:33

Haba u paidbah u la mihnoh na Sinai, u lum uba khuid, ki la ïa-ïaid lai sngi lynti. Ka Synduk ka Jutang U Trai borabor ka leit ha shuwa jong ki ban wad ïa ka jaka ba kin shong dara.

JINGKHEIÑ 4:15

Haba la dei ka por ban kynriah jaka shawei, ki kur u Kohath kin wan ïabah ïa kita ki tiar kiba kyntang hadien ba u Aaron bad ki khun shynrang jong u ki la tap lut ïa ki bad ïa ki tiar pyndait jong ki baroh. Ki kur u Kohath kim bit ban ktah ïa kita ki tiar kiba kyntang, ïoh ki ïap. “Kine ki dei ki jingkitkhlieh ba ki kur u Kohath ki dei ban leh man ka por ba hap pynkynriah ïa ka Ïingjaiñ.

JINGKHEIÑ 4:5

U Trai u la ai ha u Moses ïa kine ki jingbthah harum. Haba la dei ka por ban kynriah jaka shawei, u Aaron bad ki khun shynrang jong u kin rung shapoh ka Ïingjaiñ, kin weng noh ïa ka pyrda kaba ha khmat ka Synduk ka Jutang, bad kin tap ïa kata ka Synduk da ka.

JOSHUA 10:11

Katba ki Amor ki dang phet arsut na ka khim lum na ki shipai Israel, U Trai u pynhap halor jong ki ïa u phria uba heh baroh shi lynter lynti haduh Asekah. Kham bun ki la ïap na u phria ban na kaba ki shah pynïap ha ki Israel.

JINGPYNPAW 11:13

Ha kata ka khyllipmat hi la jia ka jingkhih jumai kaba jur; shi bynta na ka shiphew bynta jong ka nongbah la pynjot, bad hynñiew hajar ngut ki briew ki la ïap. Kita kiwei pat ki briew ki la sngewtriem bad ki la ïaroh ïa ka jingkhraw U Blei jong ka bneng.

JINGPYNPAW 11:15

Nangta u angel uba hynñiew u la put ïa la ka turoi, bad la don ki sur kiba jam ha bneng, kiba ong, “Ka bor ban synshar halor ka pyrthei ka long mynta ka jong U Trai jong ngi bad jong U Messaïah jong u, bad un synshar junom la junom!”

JINGPYNPAW 12:1

Nangta ka dak kaba khraw bad kaba maïan ka la paw ha ka sahit bneng. La don ka briew, kaba ka jaiñphong jong ka, ka long ka sngi bad kaba don u bnai hapoh ki kjat jong ka bad ka pansngiat ki khat-ar tylli ki khlur halor ka khlieh jong ka.

JINGPYNPAW 16:1

Nangta nga la ïohsngew ïa ka sur kaba jam kaba kren na ka Templ, ha ki hynñiew ngut ki angel: “Khie leit bad theh noh ïa ki hynñiew tylli ki pliang jong ka jingbitar U Blei ha ka pyrthei!”

JINGPYNPAW 16:18

La don ki jingthaba leilieh, ki jingkyrhuh bad jingtied pyrthat, bad u jumai uba shyrkhei. Ym pat ju don kum uta u jumai naduh ba la thaw ïa u khunbynriew; une u la long u jumai uba jur tam na baroh!

JINGPYNPAW 16:21

Ki phria kiba heh, uwei uwei uba khia kat sanphew kilo, ki la hap na sahit bneng ha ki briew, kiba la tim ïa U Blei namar ka khlam jong u phria, namar ka la long ka khlam kaba shyrkhei eh.

JINGPYNPAW 19:11

Nangta nga la ïohi ïa ka bneng ba plie, bad la don u kulai uba lieh. Ïa u nongshong ha u la khot Uba Ïaineh bad Uba Shisha; ka long da ka jinglehhok ba u bishar bad u ïaleh ïa ki jingïaleh thma jong u.

JINGPYNPAW 4:1

Ha kane ka por, nga don kawei pat ka jingïohipaw bad nga la ïohi ïa ka jingkhang ba plie ha bneng. Bad nga la ïohsngew ïa ka sur kaba sawa kum ka turoi kaba nga la ïohsngew kaba kren ha nga kumba mynshuwa, kaba ong, “Wan kiew shane shalor, bad ngan pyn-i ïa me kaei kaba dei ban jia hadien kane.”

JINGPYNPAW 4:5

Na ka khet la mih ki jingthaba leilieh, ki jingkyrhuh, ki jingsawa u pyrthat. Ha khmat jong ka khet, la don hynñiew tylli ki dongmusa bameh, kiba long ki hynñiew ki mynsiem jong U Blei.

JINGPYNPAW 7:15

Ka dei kumta ba balei ki ïeng ha khmat ka khet U Blei bad ki shakri ïa u bad sngi bad miet ha ka templ jong u. Uta uba shong halor ka khet un ïada ïa ki da ka jingdon ryngkat jong u.

JINGPYNPAW 8:5

Nangta uta u angel u la shim ïa kata ka pliang thang jingiwbih, u la pyndap ïa ka da ki rnga ding barhem na ka duwan, bad u la bret ïa ka halor ka khyndew. La don ki jingkyrhuh bad ki jingsawa u pyrthat, ki jingthaba leilieh, bad u jumai.

JINGPYNPAW 8:7

U angel uba nyngkong u la put ïa la ka turoi. U phria bad ka ding, ba la khleh lang bad ka snam, ki la hap halor ka khyndew. Shi bynta na ka lai bynta jong ka khyndew la thang duh noh, shi bynta na ka lai bynta jong ki dieng, bad ïa baroh ki phlang bajyrngam.