JINGPYNPAW 11:18 - Khasi CL Bible (BSI)

¹⁸ Kiba mane blei thala ki la dap da ka jingbitar shla, namar ka por jong ka jingbitar jong me ka la poi, ka por ban bishar ïa kiba ïap. Ka por ka la poi ban ainong ïa ki shakri jong me, ki nongïathuhlypa, bad ïa ki briew jong me baroh, kito baroh kiba tiengburom ïa me, kiba khraw bad kiba rit kumjuh. Ka por ka la poi ban pynjot ïa kito kiba pynjot ïa ka pyrthei!”

KA BAIBL

¹⁸ Te ki la khih bitar lep kita ki kynja bynriew, bad kata ka jingbitar jong me ka la jia, bad kata ka Ïa ban bishar ïa ki nongïap, bad ban ai ïa ka nong ha ki shakri jong me, kita ki nongïathuhlypa, bad ha kita ki riewkhuid, bad ha kita kiba sheptieng ïa ka kyrteng jong me, ki barit baraiñ bad ki bakhraw batri; bad ban pynjot noh ïa kita kiba pynjot noh ïa ka pyrthei.”

JINGPYNPAW 11:18 ပူးပေါင်းရင်းမြစ်များ

SALM 103:11

Kumba ka suiñbneng ka jrong na ka khyndew, kumta ka khraw ka jingieit jong u ïa kito kiba pyndonburom ïa u.

SALM 110:5

U Trai u don ha ka liang kamon jong me; haba u bitar, un jop ïa ki syiem,

SALM 147:11

hynrei u sngewbha ha kito kiba pyndonburom ïa u, ha kito kiba shaniah ha ka jingieit baneh jong u.

SALM 2:5

Nangta u maham ïa ki ha ka jingbitar bad u pyntriem ïa ki da ka jingbitar shla jong u.

SALM 85:9

Da shisha u kloi ban pynim ïa kito kiba pyndonburom ïa u, bad ka jingdon ryngkat kaba pynim jong u kan ïoh shongsah ha ka ri jong ngi.

EKLESIASTIS 12:13

Hadien kane baroh, don tang kawei ban ong: To tiengburom ïa U Blei, bad kohnguh ïa ki hukum jong u, namar dei ïa kane keiñ ba la thaw ïa u briew.

EKLESIASTIS 8:12

U nongpop u lah ban leh shispah tylli ki kam runar bad u dang im. O! ho-oid, nga tip ïa kaei ba ki ong: “Lada phi kohnguh ïa U Blei, kiei kiei baroh kin bit kin biang,

DANIEL 11:44

Te ka khubor kaba wan na mihngi bad na shatei kan pynsheptieng ïa u, bad un ïaleh da jingbitar shla, da kaba pynïap shibun ngut ki briew.

DANIEL 7:26

Nangta ka ïingbishar ba kynja bneng kan shong bishar, kan knieh noh ïa ka bor jong u bad pynjot thiaw ïa u.

DANIEL 8:25

Namar ba u long uba sianti, un jop ha ki rukom shukor jong u. Un sngewsarong ïa lade bad pynjot ïa shibun briew khlem ka jingmaham. Un len wat ïa U Syiem bakhraw jong baroh, hynrei ïa u yn pynjot khlem da pyndonkam ïa kano kano ka bor ba kynja briew.

MATHAÏOS 5:12

To kmen, to sngewkmen, namar ïa ka bainong bakhraw la buh na ka bynta jong phi ha ki bneng. Kane ka long da kumno la pynshitom beiñ ïa ki nongïathuhlypa kiba la im ha shuwa jong phi.

LOUKAS 1:50

na kawei ka pateng bynriew sha kawei pat u pyn-i ka jingisynei ha kito kiba pyndonburom ïa u.

HEBRU 9:27

Uwei pa uwei u dei ban ïap tang shisien, bad hadien kata yn bishar da U Blei.

JINGPYNPAW 10:7

Hynrei haba u angel uba hynñiew u put ïa la ka turoi, te U Blei un pyndep ïa ka jingthmu barieh jong u, kumba u la pynbna ha la ki shakri, ki nongïathuhlypa.”

JINGPYNPAW 11:2

Hynrei wat thew ïa ki phyllaw kiba shabar, namar la ai noh ïa ki ha kiba mane blei thala, ki ban sa ïuhroit ïa ka Nongbah Bakhuid haduh sawphew ar bnai.

JINGPYNPAW 13:10

Uno uno uba dei ban shah kem un shah kem da shisha; uno uno uba dei ban shah pynïap da ka waitlam un shah pynïap shisha da ka waitlam. Kane ka dawa ïa ka jingïaishah bad ïa ka jingngeit na ka liang jong ki briew jong U Blei.”

JINGPYNPAW 13:16

U mradkhlaw u la pynbor ïa ki briew baroh, kiba rit bad kiba khraw, kiba riewspah bad kiba duk, ki mraw bad kiba laitluid, ban don ka shab ïa kaba la buh ha ki kti kamon jong ki lane ha ki shyllangmat jong ki.

JINGPYNPAW 14:10

u hi da lade un dih ïa ka waiñ ka jong U Blei, ka waiñ ka jingbitar shla jong U, kaba u la theh noh ha ka bor jong ka baroh ha ka khuri ka jingbitar jong U! Baroh kiba leh ïa kane kin shah pynsaja ha ka ding bad ha u kyndok ha khmat ki angel bakhuid bad ha khmat U Khunlangbrot.

JINGPYNPAW 15:1

Nangta nga la ïohi ha ka suiñbneng ïa kawei pat ka jingïohi kaba maïan, kaba khraw bad kaba iphylla. La don hynñiew ngut ki angel lem bad hynñiew tylli ki khlam, kiba long kiba khatduh, namar ki long ki jingpynpaw kiba khatduh jong ka jingbitar U Blei.

JINGPYNPAW 15:7

Nangta uwei na ki saw tylli ki kherub u la ai ha ki hynñiew ngut ki angel ïa ki hynñiew tylli ki pliang ksiar ba la pyndap da ka jingbitar jong U Blei, uba im junom la junom.

JINGPYNPAW 18:6

Leh ïa ka thik kumba ka la leh ïa phi; siew kylliang ar shah ïa ka na ka bynta baroh kaba ka la leh. Pyndap ïa ka khuri jong ka da ka jingdih kaba ar shah ka jingkhor kum ka jingdih kaba ka la pynkhreh na ka bynta jong phi.

JINGPYNPAW 19:15

Na ka shyntur jong u la mih ka waitlam kaba nep, da kata un jop ïa ki jaitbynriew. Un synshar halor jong ki da u diengduh nar, bad ïuhroit ïa ka waiñ hapoh ka jaka khñiot waiñ jong ka jingbitar shla jong U Blei U Badonbor Baroh.

JINGPYNPAW 19:18

Ale bad bam ïa ka doh jong ki syiem, ki nongïalam shipai, bad jong ki shipai, ka doh jong ki kulai bad ki nongshong jong ki, ka doh jong ki briew baroh, ki mraw bad kiba laitluid, kiba rit bad kiba khraw!”

JINGPYNPAW 19:5

Nangta, ka jingsawa jong ka sur ka la wan na ka khet, ka da ong, “To ïaroh ïa U Blei jong ngi, phi baroh ki shakri bad ki briew jong u, kiba rit bad kiba khraw kumjuh, kiba ñiewburom ïa u!”

JINGPYNPAW 20:12

Bad nga la ïohi ïa kiba ïap, kiba rit bad kiba khraw kumjuh, kiba ïeng ha khmat jong ka khet. Ïa ki kitab la plied, bad nangta la plied sa kawei pat ka kitab, ka kitab jong kiba im. Ïa kiba ïap la bishar kat kum kaei kaba ki la leh, kumba la buh jingthoh ha ki kitab.

JINGPYNPAW 20:15

Ïa uno uno uba ïa ka kyrteng jong u ym shym la thoh ha ka kitab kiba im la bret sha ka pung ka ding.

JINGPYNPAW 22:12

“Shahshkor!” ong U Jisu. “Nga wan kloi! Ngan wallam ïa ki bainong jong nga, ban ai ha uwei pa uwei kat kum kaei kaba u la leh.