JINGPYNPAW 11:11 - Khasi CL Bible (BSI)

¹¹ Hadien lai sngi shiteng, ka jingpyrsad mynsiem ba ai jingim ka la wan na U Blei bad ka la rung ha ki, bad ki la ïeng joit; bad baroh kiba la ïohi ïa ki, ki la sngewtriem.

KA BAIBL

¹¹ Te hadien kita ki lai sngi shiteng, U Mynsiem ka jingim na U Blei u la leit bsut ha ki, bad ki la ïeng joit da ki kjat jong ki; te ka jingsheptieng bakhraw ka la ngat ha kita kiba la khmih ïa ki.

JINGPYNPAW 11:11 ပူးပေါင်းရင်းမြစ်များ

JENESIS 2:7

Nangta U Trai U Blei u la shim katto katne ka dewmet na ka khyndew bad thaw ïa u briew na ka; u la pyrsad ka jingpyrsad ba ai jingim ha ki thliew khmut jong u bad uta u briew u la kylla long u jingthaw ba-im.

JEREMAÏAH 33:9

Ka Jerusalem kan long ka thymmei jong ka jingkmen, ka burom bad ka jingsngew sarong ïa nga; bad ki jaitbynriew baroh ha ka pyrthei kin sheptieng bad khynñiuh haba kin ïohsngew ïa kiei kiei kiba bha kiba nga leh ïa ki briew ka Jerusalem bad shaphang ka jingroi jingpar kaba nga wallam ha ka nongbah.”

HOSIA 3:5

Hynrei ka por kan poi haba ki paid Israel sa shisien pat kin phai sha U Trai U Blei jong ki; bad sha uba hiarpateng na u Dabid u syiem jong ki. Nangta kin sheptieng ïa U Trai bad kin sa ïohpdiang ïa ki jingai babha ki jong u.

KI KAM 5:11

Ka balang baroh kawei bad baroh kiwei pat kiba la ïohsngew ïa kane ki la sngewshyrkhei.

KI KAM 5:5

Mar ïa ïohsngew ïa kane, u Ananias u la kyllon ïap; bad baroh kiba la ïohsngew shaphang kane, ki la sngewshyrkhei.

Ka Shithi U Paul Sha Ki Nong Rom 8:11

Lada U Mynsiem jong U Blei, uba la pynmihpat ïa U Jisu na ka jingïap, u im hapoh jong phi, te uta uba la pynmihpat ïa U Khrist na ka jingïap, un ai jingim ruh ïa ki met ba kynja doh jong phi da ka jingdon U Mynsiem jong u hapoh jong phi.

Ka Shithi U Paul Sha Ki Nong Rom 8:2

Namar ka hukum jong U Mynsiem kaba wallam ka jingim ïa ngi ha U Khrist Jisu, ka la pyllait ïa nga na ka hukum jong ka pop bad ka jingïap.

JOSHUA 2:9

bad ka ong ha ki, “Nga tip ba U Trai u la ai ha phi ïa kane ka ri. Uwei pa uwei ha ka ri u la dap da ka jingsheptieng ïa phi.

JINGPYNPAW 11:13

Ha kata ka khyllipmat hi la jia ka jingkhih jumai kaba jur; shi bynta na ka shiphew bynta jong ka nongbah la pynjot, bad hynñiew hajar ngut ki briew ki la ïap. Kita kiwei pat ki briew ki la sngewtriem bad ki la ïaroh ïa ka jingkhraw U Blei jong ka bneng.

JINGPYNPAW 11:9

Ki briew na baroh ki hima, ki kynja bynriew, ki jait ktien, bad ki jaitbynriew kin shu khmih ïa kita ki metïap jong ki haduh lai sngi shiteng bad kin ym shah ban tep ïa ki.