JINGPYNPAW 11:10 - Khasi CL Bible (BSI)

¹⁰ Ki briew kiba shong ha ka pyrthei kin ïakmen namar ka jingïap jong kine ki ar ngut. Kin ïalehkmen bad kin ïa-ai jingai sngewbha markylliang, namar ba kita ki ar ngut ki nongïathuhlypa ki la wallam shibun ki jingshitom halor u bynriew.

KA BAIBL

¹⁰ Bad kita kiba ïashong halor kata ka khyndew kin ïakmen halor jong ki, bad kin ïaleh biria, bad kin ïaphah lam ïa ki jingai sngewbha paralok hi; naba kine ki ar ngut ki nongïathuhlypa ki la ïapynkordit ïa kita kiba ïashong halor ka khyndew.

JINGPYNPAW 11:10 ပူးပေါင်းရင်းမြစ်များ

1 SYIEM 18:17

Haba u Ahab u ïohi ïa u, u ong, “Me la wan — u nongthaw jingkulmar basniew tam ha Israel!”

1 SYIEM 21:20

Haba u Ahab u ïohi ïa u Elijah, u ong “Me u nongshun jong nga, me la lap mo ïa nga?” “Ho-oid, nga la lap,” u Elijah u jubab, “Me la aiti lut ïa lade ban leh ïa kaei ka bymdei ha khmat U Trai.

1 SYIEM 22:18

U Ahab u ong ha u Jehoshaphat, “Hato ngam shym la ïathuh ïa phi ba um ju ïathuhlypa ei ei kaba bha ïa nga? Ka long borabor kaba sniew!”

1 SYIEM 22:8

U Ahab u jubab, “Don sa uwei, u Mikaïah u khun jong u Imlah. Hynrei nga isih ïa u, namar um ju ïathuhlypa ïa kaba bha shaphang jong nga, borabor ka dei tang ïa kaba sniew suda.” “Phim dei ban ong kumta!” U Jehoshaphat u jubab.

SALM 13:4

Wat shah ba ki nongshun jong nga kin ong, “Ngi la jop ïa u.” Wat shah ïa ki ban kynkok halor ka jingkyllon jong nga.

SALM 35:19

Wat ai ba ki nongshun jong nga, kito ki nongkren shukor, kin risa ha ka jingshahjop jong nga. Wat ai ba kito kiba isih ïa nga khlem daw kin ïoh kynkok da ka jingkmen halor ka jingsngewsih jong nga.

SALM 89:42

Me la ai ïa ka jingjop ha ki nongshun jong u; me la pynlong ïa ki baroh kiba kmen.

PROBERB 24:17

Wat sngewkmen haba u nongshun jong phi u ïakynduh ïa ka jingjot, bad wat lehkmen haba u jynthut.

JEREMAÏAH 38:4

Te ki rangbah synshar ki la leit sha u syiem bad ki ong, “Ïa une u briew dei ban pynïap. Da kaba u kren kumne, u pynlong ïa ki shipai ha ka nongbah ban duh noh ïa ka jingshlur, bad u leh kumjuh ïa uwei pa uwei baroh ba dang sah ha ka nongbah. Um shym pyrshang ban ïarap ïa ki paidbah; u kwah tang ban pynmong ïa ki.”

JEREMAÏAH 50:11

U Trai u ong, “Ko ki paid ka Babilonia, phi la lute ïa ka jaitbynriew jong nga. Phi kmen bad phi sngewbha, phi da leh kum ka masi ba ïaid haba shoh kba ne kum u kulai uba pah,

OBADAÏAH 1:12

Pha la dei ban ym risa beiñ halor ka jingshem jynjar jong ki hynmen ki para jong pha ha Judah. Pha la dei ban ym lehkmen ha ka sngi ka jingpynjot ïa ki. Pha la dei ban ym rkhie ïa ki ha ka jingjynjar jong ki.

MIKAH 7:8

Ki nongshun jong ngi kim don daw ban risa beiñ halor jong ngi. Ngi la kyllon noh, hynrei ngin khie pat. Ngi don ha ka jingdum mynta, hynrei U Trai un ai jingshai ïa ngi.

MATHAÏOS 10:22

Baroh kin isih ïa phi namar jong nga. Hynrei uno uno uba ïeng skhem haduh kaba kut un lait im.

ÏOANNIS 16:20

Nga ong ha phi ïa ka jingshisha: Phin ïam bad phin ïamkthang, hynrei, ka pyrthei kan shadkmen; phin ïasngewsih, hynrei ka jingsngewsih jong phi kan kylla sha ka jingkmen.

ÏOANNIS 7:7

Ka pyrthei kam lah ban shun ïa phi, hynrei ka shun ïa nga, namar ba nga ïai-ong ba ki lynti jong ka ki long kiba sniew.

KI KAM 5:33

Haba ki dkhot jong ka Dorbar ki la ïohsngew ïa kane, ki la bitar shla haduh katta katta ba ki la kwah ban phah pynïap ïa ki apostol.

1 KORINTH 13:6

ka jingieit kam kmen ha ka jingbymman, hynrei ka kmen ha ka jingshisha.

JINGPYNPAW 12:13

Haba u Ïakjakor u la sngewthuh ba u la shah bret noh arsut sha ka khyndew, u la sdang ban thwet ïa kata ka briew kaba la kha khun shynrang.

JINGPYNPAW 13:14

Bad u la shukor ïa ki briew baroh kiba im ha ka pyrthei da ki kambah ïa kiba la shah ïa u ban leh ha khmat jong uta u mradkhlaw uba nyngkong. U mradkhlaw u la ong ïa ki ban tei ka durblei ha ka jingpyndonburom ïa u mradkhlaw ïa uba la shah pynmynsaw da ka waitlam bad pynban uba dang im.

JINGPYNPAW 13:8

Baroh ki briew kiba shong ha ka pyrthei kin mane ïa u, lait noh ïa kito kiba ïa ki kyrteng jong ki la thoh ha shuwa ka jingpynlong ïa ka pyrthei ha ka kitab jong kiba im kiba dei ki jong uta U Khunlangbrot ïa uba la shah pynïap.

JINGPYNPAW 16:10

Nangta u angel uba san u la theh noh ïa ka pliang jong u ha ka khet jong u mradkhlaw. Ka jingdum ka la tap ïa ka hima jong u mradkhlaw, bad ki briew ki la dait ïa la ki thylliej namar ka jingpang jong ki,

JINGPYNPAW 3:10

Namar ba pha la kohnguh ïa ka hukum jong nga ban shahshitom, nga ruh ngan ri sumar ïa pha ha ka por jong ka jingjynjar ka ban wan ha ka pyrthei ban tynjuh ïa ki briew baroh ha ka pyrthei.